"Sige na! Samahan mo na ako!" pamimilit ko kay Toby na kasalukuyang nakahitga sa taas ng kama niya at busy sa cellphone niya habang malapad na nakangiti. Hula ko ay may ka-chat siguro siya kaya ganoon na lang kalapad makangiti.
"Ehh. Ayoko. Ikaw na lang. May kausap ako ngayon," asar na sabi niya at humilata sa kama. Gigil na kinuha ko at unan at hinampas iyon sa kaniya. "Aray! Ba't ka nananakit?" dikit ang kilay na tanong nito.
"Shh!" sabi ko at tinuro sina Mama at Papa na kasalukuyang natutulog sa sarili nilang kwarto. Kasalukuyan kasi kaming nandito sa isang beach resort kung saan kami daw mag-celebrate ng Christmas. Sa totoo lang ay ito ang unang pagkakataon na magce-celebrate ng Christmas nang wala sa bahay. Siguro ay malaki ang sweldo ni Papa kaya na-afford namin na i-rent ang pri
