"Mukhang naging close nga sila ni Papa ah," kumento ni Toby sa tabi ko habang pinapanood si Luke na busy sa pakikipag-usap kay Papa habang umiinom sila ng champagne. Kakatapos lang namin na kumain ng Christmas dinner at nagpapatunaw lang kami ngayon dahil medyo marami rin kami na nakain. Infairness, maliban sa maganda ang mismong paligid ay masarap din ang pagkain.
"Maging ako ay nagulat nga rin eh," naiiling na sabi ko. Pagkatapos namin na manood ng movie kanina ay hindi na mapaghiwalay ang dalawa. Kulang na lang nga ay yayain ni Papa si Luke na sa kwarto na namin matulog.
"Kakabahan na ba tayo? baka ipagpalit na niya tayo sa kaniya," natatawang sabit ni Toby.
"Oh. Hindi pa ba tayo mag-exchange gift?" napalingon kaming lahat kay Mama na kakabalik lang. Sabi niya ay pupunta lang siya
