جميلة الجاسر

الفصل الثاني🌹🌹🌹

???

عندما شاهدت جميلة جاسر ينظر لها شعرت بدقات قلبها ت** اذنها

جميلة : اخوكي في مرة من نظراته دي ح يجيب لي سكته قلبية ف ضحكت لمياء بصوت عالي فنظروا جميعا لها فرفعت يدها

لمياء : اسفة يا بويا بس البت دي ح تجيب لي هبل في نافوخي

عبدالحميد : ياخبر ابيض هبل اكتر من اللي انتي فيه الله يكون في عونك يا أحمد يا ولدي فنظرت له لمياء و رفعت حاجب

لمياء : اكده يابويا هو انتم اكده شكلكم لجتوني جنب الجامع فضحكوا جميعا و قام جاسر و جلس بجوارهم

جاسر : لاه و انتي الصادجة لجناكي جنب الترعة ف نكزته برقة

لمياء : اكده يا جاسر طيب خليك فاكر يا خوي مسيرك تجع تحت يدي و ساعتها ح اعذبك يا جسور و ضحكوا جميعا و ضمها جاسر لص*ره ثم غمز لها و همس في اذنها

جاسر : جومي هاتي لي مياه ف ابتسمت له و غادرت ف همس لجميلة و هو ينظر لها و يبتسم لها تلك الابتسامة التي تشعر انه يخصها هي فقط بها فخجلت منه فهمس لها كنتي خارجة من اوضتك مع لمياء و شكلك حزين ليه يا جوجو فارتبكت جميلة

جميلة : لا ابدا يمكن علشان كنا بنتكلم انها ح تتجوز و حسيت انها ح تسبني و تمشي فغمز لها و ابتسم

جاسر : بس كده ماشي ح اعمل مصدقك عموما بكره انتي كمان تحصليها و تروحي بيت جوزك و حاول استفزازها فأكمل و ارتاح منكم انتم الاتنين فنظرت له جميلة فورا و التمعت عيونها بالدموع فاخفضت رأسها سريعا حتي لا يراها و لكنه كان قد رأها فحزن لانه سبب حزنها و لكنه فرح لانه شعر بحبها له مثلما يعشقها سكتي ليه يا جوجو فهمست

جميله : انا مش عايزة اتجوز ح اقعد هنا مع بابا و ماما

جاسر : وانا كمان و لا نستيني فنظرت له بعتاب و حزن ف حزن ل زعلها و شعر ب الندم لحزنها هذا فنظر لها ممكن اطلب منك طلب فهزت رأسها ب الموافقة فقد خافت ان تتحدث في**نها صوتها

ممكن ما تزعليش يا جوجو انا بهزر معاكي انا مقدرش اشوفك حزينة او زعلانة فاهمة يا جوجو فرفعت رأسها وابتسمت له تلك الابتسامة التي تسحره و تسرق قلبه و لم يلاحظوا نظرات عبد الحميد و رباب لهم و علي وجههم ابتسامة سعادة و اقترب عبد الحميد من رباب و همس لها

عبد الحميدر: شفتي يا رباب شكلهم يفرح

رباب : فعلا يا عبد الحميد ربنا يسعدهم انا عارفة ابنك ساكت ليه عاد لغاية دلوك

عبد الحميد : هو مستني الصفجة اللي بيعملها يخلصها و يتفرغ لها بجي يا رباب ابنك بيعشجها من و هما صغار انا لما ببص علي عيونه بحس انه نفسه يخبيها جوه ضلوعه

رباب : خابره ياعبده بيفكرني بيك كنت زيه اكده فنظر لها بخبث

عبد الحميد : كنت يا رباب فخجلت و نكزته برقة

رباب : واه يا عبده بكفياك عاد و جاءت عليهم لمياء

لمياء : بتعملوا ايه من غيري ياحلوين فأنتفضت رباب من صوتها وضمها عبد الحميد وهو يبتسم

رباب : ح نعمل ايه يعني يا اخرة صبري كنتي فين يا بت

لمياء : روحت اجيب مياة لجاسر وتذكرت انها عادت دون ان تحضر المياة فصرخت يا حزني يانا نسيت الكوباية جوه و جرت للداخل و تركتهم وعادت بالمياه و اعطتها لجاسر و جلست بجوارهم جسوره حبيبي

جاسر : نعم يا همي الكبير فكشرت لمياء و اصطنعت الحزن

لمياء : لا و ربنا كده كتير انا همك يا جاسر امال أحمد يقول ايه فضحك جاسر بقوة و ضمها بحنان مقبلاً رأسها

جاسر : ده لو قالك نص كلمة بس انسفه من على وش الأرض هو يدلعك و بس سامعه يا لمياء حسك عينك تسمحي له يهينك او يجرحك و تسكتي فاهمة لو حصل اي حاجة منه تحكي لي علي طول انا ضهرك و سندك افهمي ده كويس فقبلت لمياء يده بحب

لمياء : ربنا ما يحرمني منك يا حبيبي انا عارفة ده كويس و كمان أحمد الحمد لله عمره ما قالي كلمة تضايقني عقبال ما افرح بيك يا حبيبي فنظر جاسر لجميلة بحب

جاسر : قريب يا لولو ان شاء الله فاحمرت جميلة خجلا

لمياء : ان شاء الله يا خويا تعيش متهني وسعيد يا رب

جاسر : يا رب يا لولو يا رب يالا قومي هاتي الكوتشينة نلعب سوا فقامت لمياء سريعا و هي تقفز

لمياء : فوريره يابني

عبدالحميد : رايحة فين يا لولو

لمياء : ح اجيب الكوتشينة يا بويا علشان نلعب سوا

عبد الحميد : طيب يالا روحي وجولي لام السعد تعملي فنجان جهوة احسن دماغي مصدعه فقامت جميلة فورا

جميلة : سلامتك يابويا اني ح اعملها لحضرتك حالا فابتسم لها

عبد الحميد : خليكي يا جلب ابوكي مرتاحة انتم العبوا و ام السعد تعملها لي فقبلت جميلة رأسه

جميلة : لاه يا بويا اني اللي ح اعملها امي تشربي جهوة

رباب : لاه ياجلبي بس ممكن تعملي لي من يدك كوبايه شاي

جميلة : عيوني يا ريبو و بالنعناع الاخضر كمان و مشت خطوة و وجدت جاسر ينادي عليها

جاسر : جميلة ممكن تعملي لي جهوة معاكي فنظرت له و ابتسمت

جميلة : عيوني حاضر

جاسر : تسلم لي عيونك و همس بصوت منخفض ياحبيبة القلب و شعرت جميلة بحركة شفايفه فجرت سريعا للداخل فقابلت لمياء امامها

لمياء : رايحه فين ياختي

جميله : ح اعمل لبابا و جاسر قهوة و ماما شاي بالنعناع تشربي حاجة معاهم

لمياء : لو ح تشربي نسكافيه اشرب معاكي

جميلة : ماشي اعمل لنا احنا نسكافيه روحي انتي و انا ح اخلص و احصلك

????????????????

في الخارج اشار عبد الحميد لولده فذهب و جلس امامه

جاسر : خير يا بويا في حاجة

عبد الحميد : خير يا ولدي ادامك كد ايه و تنهي الصفجة بتاعتك

جاسر : الحمد لله يا بويا أحمد خلاص مضي الاوراج وح نشتغلوا فيها من بعد بكرة يعني شهرين تلاتة نخلصوا التصاميم و بعدها نبدء البناء ليه يا بويا في حاجة و لا ايه فابتسم عبدالحميد

عبد الحميد : ابدا يا ولدي بنطمنوا عليك اني و امك

جاسر : ادعولي المشروع كبير جوي فندج و مول كبير جوي في الساحل علي مستوي عالي و المفروض ننجزه في اسرع وجت ممكن

عبد الحميد : طيب يا ولدي ربنا يوفجك يارب ممكن تخلي جميلة و لمياء يساعدوك لغاية ماتنجز في التصاميم لكن البناء لاه ما يسافروش واصل

جاسر : والله يا بويا أحمد كان لسه بيحكي معايا انه ممكن لما يتجوز لمياء يسافروا و يبجي هو هناك دائما و اني بين هنا و هناك لغايه ما نخلصوا منيه ان شاء الله

عبد الحميد : ان شاء الله يا ولدي

جاسر : ابويا أحمد كلمني انه عايز يجي و يتفج مع حضرتك علي ميعاد الفرح و ح نعملوه فين رأي حضرتك ايه

عبد الحميد : و الله يا ولدي اني عارف انه خلص كل اللي مطلوب منيه و احنا كمان فاضلها ايه يا رباب

رباب : و الله يا عبد الحميد هي حاجتها كلها بتاعه رفايع البيت خلصت خلاص فاضلها بجي الهدوم و الحاجات الشخصيه دي و فستان الفرح

عبد الحميد : طيب علي خيره الله يبجي لما ياجي نتفجوا معاه علي اول الشهر الجاي بالمشيئه يعني بعد ٣ اسابيع تكون هي و جميلة خلصوا الباجي سوا و بعديها بجي يبجي الدور علي جميلة احسن اني مش ملاحج علي عرسانها فانتفض جاسر من مكانه بغضب وانفعال

جاسر : عرسان ايه يا بويا في حد اتجدم لجميلة واني ماعرفش فضحك عبد الحميد و رباب

عبد الحميد : يوووووه يا ولدي اجعد مالك فزيت ليه أكده ده كل يوم و التاني بيتجدم لها عريس بس اني مش بوافج و جلت نخلصوا من لمياء الاول و بعدها ندير علي جميلة فجلس جاسر امام ابيه

جاسر : ابويا اني كنت ناوي اجولك بس كنت مستني لما انجز شويه في المشروع ده علشان مانعطلوش لكن لازمن تعرفوا بجي مش ح ينفع اسكت اكتر من اكده فضحك عبد الحميد و رباب بشده

عبد الحميد : اخيرا نطجت يا ولدي اني و امك خابرين انك بتعشجها و هي كمان بس انت عارف هي بتخجل من خيالها ربنا يوفجكم يا ولدي فقبل جاسر يد ابوه و امه

جاسر : اني مش عايز اجولها الا لما امشي شويه في المشروع خصوصا ان أحمد ح ياخد اجازه سبوعين بعد الجواز

رباب : طيب ايه رأيك يا ولدي تتجدم لها يوم فرح اختك اهو نجروا فاتحه و تلبسها شبكتها و بعد اكده لما تنجز شويه نعملوا الفرح ايه رايك

جاسر : موافج طبعا خلاص ح اتفج مع لمياء و احمد علي اكده من غير هي ماتعرف و نعملوها لها مفاجأة

عبد الحميد : ربنا يسعدكم يا ولدي يارب و يبعد عنكم كل شر

جاسر : دعواتكم لنا يا بويا حضرتك و امي الخير و البركه

رباب : داعين لكم كلاتكم يا ولدى ربي يسعدكم و يوفجكم دائما

????????????????

اتمني البارت يعجبكم ودلوقتي ح انزل لكم اقتباس من البارت الجاي

زينة : اه يا مامي اشتريت فستان واووووو تحفة و حجزت كمان البيوتي سنتر لازم بكره اخ*ف الانظار كلها ليا

حسناء : ايوه لازم تخلي فارس يدور عليكي في كل مكان شعلليه فاهمة فضحكت ابنتها ضحكة من يسمعها يتخيل ان من تضحك هي فتاة ليل و ليست من عائلة المفترض انها محترمة

زينة : اكيد يا مامي انتي عارفه بنتك ده انا ح اخليه يجي راكع تحت رجلي علشان بس اكلمه و ضحكوا هما الاثنان سويا دون التفكير للحظات في ان كل ما يصنعوه و يفعلوه يغضب الله و كانت تستمع لهم فتاه تعمل لديهم و كانت تبكي حظها الذي اوقعها في هذه العائلة التي لا تعرف الله و عادت الي المطبخ مرة اخري و هي تبكي حسرة علي ما حدث لها و فجاءه استمعت الي صوت من كان السبب في مأساتها فعرفت انه جاء