Chapter 10: Cold treatment
"T-TAHAN na, Aly. Kung mahal ka ng asawa mo ay dapat maintindihan ka niya. Kung malalaman niya ang sitwasyon mo ay dapat siya ang unang umaalo sa 'yo. Hindi iyong paiiralin niya ang galit sa 'yo. Ang babaw niya, Aly. Ang babaw niyang magmahal..." saad ni Jullie.
Halos hindi ako tumitigil sa pag-iyak ko at lumalakas lang yata ang mga hikbi ko. Ang sakit pa rin sa dibdib. Ang sakit pa rin at kung hindi ko ilalabas ito ay pakiramdam ko, mamamatay ako.
Napaka-bigat, sobrang bigat sa dibdib. Para siyang isang malaking sugat at nabuhusan ng isang galon na alcohol.
Hindi ko alam kung umabot ba ng ilang oras ang pag-iyak ko bago ako nahimasmasan.
Nakaupo na ako ngayon sa kama habang nakasandal ako sa headboard nito.
"Drink this water, Aly. Baka ma-dehydrate ka," an
