Chapter 40: Ang Kaharian ng Apollo
ANG BUONG akala ni Denzel ay magkakaroon siya ng saya habang pinapanood ang mga paligsahan ay nagkakamali siya ng iniisip. Hindi niya lubos maisip na sobrang daya ng Aragorn. Labis na nakakainis ang pandarayang ginagawa ng mga manlalaro.
Hindi patas ang laban sa paggamit ng palaso sapagkat ang palaso na ipinagamit sa lahat ng manlalaro ay galing sa Aragorn. Sina Calixto mismo ang gumawa no’n at nakatitiyak si Margaux na sanay ang mga Aragorn na gumamit roon kaysa sa iba.
Sa kabilang dako ng bulwagan ay nagsimula ang patagisan ng lakas. Hindi iyon boksing ng mga tao kundi boksing ng mga naglalakihang lobo. Labis na nakakatakot ang lababanan sapagkat puwede iyong ikamatay ng mga kalahok.
“Talaga bang ganito ang mga paligsahan na gingawa ninyo rito, Agat
