Narinig ko ang sunod-sunod na paghinga ni boss Zach. Nang tumingin ako rito ay kitang-kita ko na panay ang hilot nito sa kanyang noo. Siguro kaya ganiyan si boss Zach ay dahil sa utos ni ate Ella na bitawan ko ang aking misyon. Pero hindi ko gagawin ‘yon. Kaya nakakatiyak ako na aawayin na naman ito ni Ate Ella. . .
“Boss Zach, kakausapin ko na lang si ate Ella,” anas ko sa aking boss.
Agad na nag-angat ng ulo si boss Zach. Agad itong pumayag na kausapin ko si ate Ella. Hintayin ko na lang daw at papunta na ito rito upang kausapin daw ako. Hanggang sa may inabot ito sa akin na dalawang bag na naglalaman ng mga gagawin ko sa aking misyon.
“Mag-iingat ka, Emerald. Mas delikado sila ngayon. Saka pag-aralan mo muna ang nilalaman ng folder na ‘yan bago ka pumasok sa lugar ng kalaban —” an
