Asar na tumingin ako sa lalaki. May kalahating oras na kami sa mga posisyon namin. Alam kong natatawa na sa amin ang mga sundalong kawal nito. Mabuti na lang at natapos na rin nilang pabagsakin ang mga kalaban na sundalong kawal ng Reyna Cheke.
Medyo nangangalay na rin ako sa aking posisyon na hawak ko ang kahoy at nakayuko pa ako. Iritang tumingin ako sa lalaki. Ngunit nagkibit balikat lamang ito. Hanggang sa umalis na ako sa aking pwesto. Dali-dali akong tumalikod at mabilis na sumakay ng kabayo. Agad ko itong pinatakbo. Hindi ko pinansin si Isaac na alam kong nakasunod sa akin.
Pagdating sa palasyo ay napansin kong may mga tao. Ano’ng nangyayari? Bakit ang daming mga tao. Lalaki o babae. May mga hawak na samurai. Dali-dali akong bumaba ng kabayo. Alam kong nakatingin sila sa akin. L
