BALAK ko na sanang lumabas kwarto nang magsalita ulit ang dalawang tagasilbi.
“Naniniwala ka bang may anak na lalaki na si Gobernador Elzoly?”
“Oo, baka nga bukas – bukas ay dalhin na ‘yon dito. Naku nakakatiyak ako na magmawawala sa galit ang unang pamilya ni Gobernador Elzoly. Wala kasi itong kaalam-alam na maraming pang mga anak ang dating asawa ni Reyna Corale.”
“Ako ang naaawa kay Madam Eloma. Ngunit bakit patuloy pa ring nakikisama si Madam Eloma kay Gobernador Elzoly? Eh, niloloko na siya…”
“Ano ka ba, mahal ni Gobernador Elzoly si Madam Eloma, ang gusto lang ni Gobernador Elzoly ay anak na lalaki kaya naghanap siya ng ibang mga babae puwedeng magbigay noon sa kanya. Hindi na kasi puwede magkaanak si Madam Eloma. Baka nga may basbas ni Madam Eloma ang paghahanap ng babae ng
