Mabuti na lang at alam ni Manong Detor ang cellphone number ng mga kapatid nito. Kaya agad naming natawagan upang sabihin ang mga dapat gawin. Wala pa raw sila sa bus terminal dito sa Esmelas. . . Ngunit kailangan kong mas mauna roon. Kaya naman mabilis kong pinatakbo ang aking kotse. Agad ko ring pinalitan ng pekeng plate number ang aking sasakyan. . .Kailangan kong mag-ingat lalo at hindi ko pa alam kung sino-sino ba ang mga kalaban ko. . .
Mayamaya pa’y huminto ang aking kotse malapit sa bus terminal. Ngunit bago lumabas ng kotse ay agad kong kinuha ang aking baril upang ilagay sa aking likuran. Kinuha ko rin ang aking shades at sombrero upang hindi makita ang aking mukha. Naglagay rin ako ng facemask. Tiningnan ko pa ang aking sarili sa salamin upang matiyak na hindi na ako nakikilala
