TOTALLY blank. Iyon ang estado ng utak ni Amber nang mga sandaling iyon habang nakatitig sa screen ng kanyang phone. Ilang minuto na yata siyang tahimik. Ni hindi niya na narinig pa ang mga nangyayari sa paligid. Nakaupo lang siya sa isang sulok ng venue ng book launch ni Hernan Santos, isa sa mga matatalik na kaibigan ni Jairus.
Tapos na ang event. Abala naman si Jairus sa pakikipag-usap sa ibang manunulat na naroon. Hindi na siya sumama pa sa pakikihalubilo. She was exhausted and now, she couldn’t help but think of nothing.
Gabi na at ubos na ang lakas niya. Pero mas lalo yata siyang nawala sa huwisyo nang maka-receive siya ng text message mula sa kapatid niya. Her mom and dad wants to see her. Hindi nito sinabi kung bakit. Pero gusto raw ng mga ito na makita at makausap si
