“CORVEN, I really have to go. Nasa labas na raw si Jairus.”
“Why don’t you ask him to come in first?” sinserong tanong ni Corven.
“Seriously?” wala sa sariling naitanong ni Amber. Nang ma-realize niyang napakamaldita ng pagkakatanong niya ay mabilis siyang napailing. “I’m sorry. I mean, mas mabuti sigurong `wag na kayong magkita.”
Tumango na lang ang dating asawa. Kilala niya ito. Hindi mahilig makipag-argue. Hindi mahilig ipagpilitan ang gusto. Isa iyon sa mga nagustuhan niya rito. Sa loob ng ilang taong relasyon nila ay never siyang nasadlak sa away na nagsisigawan sila at nagsusumbatan.
Sadly, may mga pagkakataon palang dapat din niya rin itong marinig na magsalita. Kung naging malinaw lang sana sa kanya ang mga dahilan kung bakit ito biglang umalis ay hindi siya maiiwang clueless a
