Tila hindi mapakaling kiti kiti si Prince habang nasa balkonahe at hinihintay si Jeanna na makauwi.
"Maupo ka nga, ako ay nahihirapan sa iyo," sita ni Kim. Nagkakape ang Senyora habang hinihimas si Bruce. "Para kang hindi matae."
"Hindi ko makontak si Jeanna."
"Baka dead spot lang sa pinuntahan nila ni Baste. Alam mo naman dito sa Mindoro, abnormal na nga ang kuryente, abnormal din ang signal." Walang bahalang wika ni Kim. "Kung ako sa iyo, manahimik ka d'yan at maghintay."
Ngumiyaw si Bruce bilang pag sang ayon.
"No, something is not right." giit ni Sungit. "Paano kung sinusundan na naman siya ng ex niya?"
"Juskopo Rudeh! Huwag ka ngang praning! De sana kinontak na tayo ni Jeanna at nagtatatakbo na 'yon dito."
"Tawagan mo nga si Baste."
Sinamaan niya ng tingin si Kamahalan.
"K
