Hindi rin kami nagtagal ni Lunoxx sa lugar na 'yon dahil inaalala namin na baka hinahanap na nila kami. We both decided na bumalik na lang sa resto pero bigo kaming maabutan sila ro'n. Ganoon na ba kami katagal na magkasama para hindi na namin sila muling maabutan dito? Gutom pa naman ako dahil hindi ako nakakain kanina. Ayoko namang kumain nang mag-isa sa resto, at lalong ayokong kasama si Lunoxx kapag kakain ako.
Sumilip ako sa relos ko at napagtantong mag-aalas dos na pala ng hapon. Masakit pa rin sa balat ang sikat ng araw. Imposible rin kung naliligo na sila sa mga oras na ito. Ni hindi ko dala ang cellphone ko ngayon. Baka hinahanap na rin ako ni Shaina. Kailangan ko na sigurong bumalik ng hotel at baka nandoon na sila'y hinihintay ako.
"Mr. Monteverde, babalik na po ako ng hotel.
