الحلقة الثالثة عشر

2566 Words

الفصل الثالث عشر ####### * سلمي كانت سرحانة وحزينة بتفكر ف سليم قطع تفكيرها صوت تليفونها اللي رن بصت لقيت غريب فكرت متردش لكن قالت يمكن حد من الشغل * سلمي بتتمالك نفسها وترد : الو مين معايا ؟ ايمن بسخرية : اية يا حلوة انا قلت هتحس بيا من غير ما اتكلم . سلمي بخوف : انت عايز مني اية مش كفايا اللي عملتة فيا ؟ ايمن بشر : انتي بتاعتي انا ومش هسيبك ابدا سلمي عيونها بتدمع : حرااام عليك انا عملتلك اية علشان تعمل فيا كل دة سبني ف حالي ابوس ايدك . ايمن : اسيبك ف حالك ازاي دة انا بحبك ومحدش هياخدك مني مهما حصل وانتي ف الاخر هتسمعي الكلام وتخضعي ليا وتعيشي معاايا والا هضطر اتصرف !! سلمي بعياط ورعب : اعيش معاك ازاي وتتصرف تعمل اية ؟ ايمن بضحك : الحلوين اللي زيك بيبقا ليهم حاجات عندي علشان لو حبو يتشاقو بعقابهم بس انتي مش زيهم علشان كدة صبرت عليكي السنين دي كلها بس بعد اللي حصل اخر مرة شوفتك فيها وانا حلفت مسبكيش حتي لو هدمرك بس محدش ياخدك مني يا حلوة . سلمي بانهيار : ارحمني ابوس رجلك انا كل ذنبي اني حبيتك و وثقت فيك وامنتك علي نفسي وصبرت عليك واستحملت كل اللي عملتة فيا . ايمن بشر : علشان كدة يا حلوة انا عايزك علشان مفيش واحدة زيك هسيبك تفكري وتردي عليا الحاجات اللي عندي مش هتستنا اكتر من كدة . وقفل السكة وهي منهارة من العياط مش عارفة تعمل اية ...... . ........... سلمي دخلت البيت وهي شبه منهاره وشمس شافتها علي حالتها دي وبصتلها بخضه وقربت منها : - سلمي مالك ايه اللي حصل؟ !! سلمي بدون كلام اترمت ف حضنها وهي بتعيط بحرقه شمس اتخضت اكتر وحمدت ربنا ان سهر نايمه .. خدتها ودخلت الاوضه وقعدتها ع السرير وقعدت هي علي طرفه وبدأت تهديها : - ششش اهدي ي سلمي عشان خاطري شمس لمحت كوباية مياه خدتها بسرعه وادتهالها : - اشربي واهدي ي سلمي سلمي بدأت تهدي نوعا ما وشمس سألتها : - هااا هديتي شويه سلمي هزت راسها بنعم وشمس كملت : - طب ايه اللي حصل فهميني سلمي بدموع : - سليم سابني شمس بشهقه : - ليه ايه اللي حصل وصلكو لكده سلمي : - انا حكيتله عليا وعلي ايمن شمس بصدمه : - ازاي تعملي كده سلمي : - كان لازم ده اللي يحصل يا شمس.. كان لازم يعرف مكنش ينفع اسيبه علي عماه شمس: - واد*كي شوفتي النتيجه سلمي : - كويس قبل ما اتعلق بيه اكتر من كده وكمان اي حد مكانه كان عمل كده .. وكويس انه مشي عشان ميتورطش اكتر شمس : - يتورط ف ايه؟ سلمي بانهيار: - ايمن كلمني وفهمني انه معاه حاجات ليا وبيهددني بيها سلمي بصدمه : - الحيوان القذر لازم نكلم سليم حالا سلمي بتوسل : - لأ ارجوكي كده هتعقدي الدنيا اكتر شمس بإصرار : - لازم يكون في راجل معانا .. ومينفعش مهيب مش هنخرج سرك بره سلمي اترجتها كتير انه بلاش تكلمه لكن شمس كانت م**مه وخرجت م الاوضه وسابتها ترتاح وخرجت كلمت سليم : - الو ازيك ي سليم سليم بهدوء : - اهلا بيكي ي مدام شمس شمس : - لو سمحت كنت عاوزه اتكلم معاك شويه ممكن تتفضل بس ياريت متعرفش مهيب سليم : - ارجوكي ي مدام لو الموضوع بخصوص سلمي ف مش حابب اتكلم ف حاجه شمس: - الموضوع اكبر من كده … انا بترجاك تيجي سليم : - حاضر مسافة السكه وجاي قفلت معاه وهي بتحمد ربنا انه وافق يجي دخلت لشمس وطلبت منها تلبس وتطلع تقعد معاها بره لحد ما يجي *وبعد نص ساعه* سليم وصل وشاف اميره قاعده لف وشه بعيد عنها ووجه كلامه لشمس : - خير ي مدام كنتي عاوزاني ليه ؟!! شمس: - لو سمحت ي سليم احنا واقعيين ف مشكله وطالبين مساعدتك سليم بتساؤل : - مشكلة ايه ؟! شمس حكتله علي ايمن ومكالمته ومحاولاته بابتزاز سلمي وبعد ما خلصت بصتله بتوسل : - ارجوك ي استاذ سليم تساعدنا سليم بجمود : - اسف ي مدام شمس هي اللي ورطت نفسها سلمي قامت وقربت منه : - ارجوك ساعدني يا سليم وهبعد عنك والله بس ارجوك ساعدني سليم قلبه اتقبض من فكرة بعدها ولكنه كمل بجمود : - اسف سلمي م العياط والمجهود مع كلمات سليم القاسيه حست نفسها بتنهار ووقعت مغمي عليها سليم بيفوقها وهو مخضوض عليها وبيقولها :- فوقي يا سلمي ارجوكي انا مقدرش اعيش من غيرك . *جريت شمس جابت برفان وشممتة ل سلمي اللي بدات تفوق وتتكلم مع سليم * سلمي بعياط : سليم انت حبيبى ماتخلينيش اتصور انك هاتضيع منى لانى من غيرك هاضيع ، سليم حبيبى ارجوك اعتبر ان مقابلتى معاك كانت يوم ميلادى و حاسبنى على اى هفوة بعدها ، سامحنى على اى حاجه عملتها قبل اليوم ده ، انسى اى حاجه تعكر صفو حبنا ارجوك ، بس ما تبعدش عنى ماتسيبنيش يا سليم ارجوك سليم بهدوء: سلمي تفتكرى ان ضيقى كان بسبب ايه ؟ انا عز عليا انك تسلمى نفسك لكلب زى ده ، لكن انا حبيتك زى ما انتى بكل ما فيكى ، كونى زى ما تكونى قبل لقانا ، بحبك ، عمرى ما هافكر ابعد عنك او اسيبك انا عمرى بدأ لحظة لقانا ،و اكتملت فرحتى بحبك ليا ، انا جنبك و اى حد هيحاول او يفكر انه يهدم قصور السعادة اللى بنيناها سوا هيكون مصيره الموت ، فاهمانى يا سلمي . ........................... فجاءة تليفون سلمي رن ولقيت رقم ايمن بيتصل بصت ل سليم قالها :- ردي . ردت سلمي علي ايمن قالها :- اية يا حلوة فكرتي ف اللي قلتة نص ساعة والاقيكي ف ........ واداها عنوان مطعم . سلبم شاور لها توافق. * خلاص هقابلك ، تقفل المكالمة ف يبصلها بضيق و هو يقول : - انا هروحلة . سلمي : أنا واللــــه ... يقاطع سليم حديثها بحدة :- فيه حاجة تانية غير اللى قولتيها ، انا نازل اقابل الكلب ده ومش عايز اى صدمات ارجوكى تفكر سلمي تقولة عن تهديدات ايمن تتراجع و تفكر مرة تانية وتخاف انها تفقد سليم . يلاحظ سليم ارتباكها ف يزعق بعصبية :- انطقى بقى . ترتجف سلمي : هو كان بيهددنى ان معاه حاجات تخصنى بس انا مش عارفة ايه اللى معاه ولا يقصد ايه . سليم : مصورك يعنى ولا حاجات ايه ؟ سلمي : معرفش يا سليم ارجوك اهدى عليا يتراجع سليم عن حدته ويحس ان سلمي لا حيلة لها ويقول ** آسف الكلب ده لما بسمع اسمه او صوته بتعصب تخفض سلمي رأسها ويكمل سليم كلامه انا هنزل واروح اشوفه عايز ايه. ............................ ............................... يوصل سليم علي المكان يلاقي ايمن قاعد مستني يدخل علية. سليم : اسمع لما اقولك انت يمكن مشوف*نيش الا مرة واحدة ومتعرفنيش ، حظك بقى الحلو انك لغاية دلوقتى مشوفتش وش سليم الحقيقي ، بس بيتهيألى ان حظك الحلو اخره النهاردة ايمن : اهدى بس يا استاذ ، انت عارف بتدافع كده ومحموق على مين سليم : اسمع انا حذرتك مرة ومبحذرش مرتين ، ممكن اطلب منك طلب يا ايمن ، ويمد سليم يديه على جاكت ايمن وكأنه يهندمه له ثم يقول وهو بيطبطب على كتفه ممكن نتكلم في مكان تانى بعيد عن المكان اللطيف الظريف ده ف يقول ايمن في سخرية :- - مش لما تعرف الاول هنتكلم فى ايه ، مش يمكن الكلام اللى هقوله محتاج مكان هادى زى اللى احنا فيه ده . يرد سليم بثقة :- - لا ما هو ايا كان الكلام فى ايه او عن مين ، النتيحة واحدة بالنسبة لى ، قوم يا راجل تعالى معايا ولا خايف ؟ ايمن يقوم بتردد وهو محتار ويسأل سليم باستفزاز : - هي سلمي مش هتحضر القعدة دى ؟ سليم : انا حريمى ما بتنكشفش على رجالة ايمن : حريمك !! سليم : اه حريمى ، ، ده انا فكرتك جاى تباركلى ولا انت مبتفهمش في الاصول ؟ وياخدو بين الشوارع الرئيسية ويمشو لحد ما يدخلو لشارع جانبي ويتوقف سليم وقبل ما ينطق ايمن يستدير له سليم ثم يقول :- -عارف المكان ده يا ايمن ؟ ده بقى الشارع الوحيد اللى مفيهوش كاميرات يعنى هيتقتل فيه القتيل ومحدش يحس بيه ، قولت انت عايزنى ف ايه بقا ، و قصر وهات من الاخر علشان أعصابي مبتتحملش ، ينظر له عمر بارتباك وهو يقول : *** امسك اعصابك يا استاذ انا جيت معاك بالذوق وبلاش عنف انا جربتك وعارف !! لا يستمر **ت سليم الا لثوان بعد كلام ايمن فيوجة له لكمة قوية و هو يقول : ** طب خد اليمين منى انا يسقط ايمن على الارض بينما تسيل الدماء من جانب فمه يساعده سليم ويقومة ويخرج منديلا من جيب جاكت ايمن العلوى وهو يمسح له الدماء ويسأله بسخرية :- -قولتلى بقا عايز اية من سلمي ؟ يسكت ايمن بينما ويتملك منة الرعب يهندم سليم ثياب ايمن مرة اخرى وهو يركله بركبته في معدته ثم يضم راحتى يديه وينزل بهما على ظهره ثم يطرحه على بطنه في الأرض ، يذهب اليه مرة اخري ثم يسحبه من م***ة عنقه ليوقفه بينما يرفع يديه فيتراجع ايمن ليقول : - كفايا يا استاذ !!! سليم : لا متخافش مش هض*بك تانى ايمن : انا مش فاهم بتعمل معايا كده ليه من غير حتى ما تعرف انا جايلك فى ايه ، خد يا استاذ الفلاشة دى عليها حاجات هتعجبك . يأخد سليم الفلاشة ويحطها في جيبه ثم يقول : شوف يا اخى زى ما توقعت وساختك بالظبط المفروض بقا ان الفلاشة دى عليها فيديوهاتك انت وسلمي صح !! ايمن بدهشة : ده انت عارف كل حاجة بقا سليم : اه انت متعرفش ان سلمي مش بتخبي عنى حاجة انطق الحاجات دى بقا موجود فين الاصل بتاعها وكام واحد شافها ، ثم يحتد و صوته يعلي و هو بيقول اقسم باللـه لو كدبت في كلمة لهيكون اخر عمرك النهاردة ومالكش دية عندى .. ايمن : انت كده قفلت باب التفاهم لما تتف*ج وتشوف نبقا نتكلم ويا ريت سلمي تبقى حاضرة سليم : اسمع يا امور ، الحاجات دى مصيرها صفيحة الزبالة ولا انا هاتف*ج ولا سلمي هتتف*ج وحاجة كمان بالمناسبة دى ، انت قولت اسمها كتير النهاردة ، بعد كده لما تتكلم عنها تبقي تقول المدام ثم يلكمه باليد اليسرى . ايمن وهو رجع ل ورا : اوك ، طالما مفيش طريقة تانية للتفاهم معاك غير دى يبقي العالم كله هيتف*ج الليلة دى على الفيديوهات. *وجري وساب سليم في صدمته من الجملة بقا مش عارف المتهور دة ممكن يعمل اية تمالك نفسة وجري علي عربيتة علشان يحصلة .. ويركب العربية ويدوس بنزين ويجري بسرعه البرق لحد ما يلاحظ العربية اللي ركبها ايمن من على بعد ، يقرب لحد ما يكون وراها بكام متر لحد ما تقف قدام عمارة سكنية على جانب الطريق ، ينزل ايمن ويمشي بتقل باين من اثر الض*ب يتوجه الى المصعد ليدخل سليم ثم يقف امام المصعد ليعرف فى اى دور سيتوقف ايمن ، يتوقف المصعد عند الطابق الثانى عشر ف يخرج من العمارة * يدخل سليم ويروح ناحية اوضة البواب * يسألة سليم بهدوء : هو ايمن الشرنوبي ساكن هنا ؟ ف يرد كانة بيكرة ايمن واللي خلفوة :- - اه يا استاذ في الدور ال12 شقة 121 سليم : امال مالك متضايق ليه كده وانت بتقولى - راجل تقيل ورذ*ل و من يوم ما وصل و هو كل ليله يطلع ومعاه واحدة ست وتنزل الست وهى بتلعن جدوده سليم : أسمك ايه يا حاج ؟ ابو الغيط : ابو الغيط يا ابني مهيب : وانا زي ابنك اسمي سليم انت باين عليك راجل شهم اوى يا عم ابو الغيط ابو الغيط : ربنا يخليك يا ابني ده من ذوقك سليم : طيب تعالى انا عايزك ف كلمتين يا راجل يا طيب . في اوضتها و علامات الارهاق والتوتر على سلمي اللي من ساعة ما سليم راح يقابل ايمن وهى مفارقتهاش ، يرن تليفونها تلاقي رقم ايمن ، تفتح الخط وترد برجفة : * عايز ايه ايمن بغضب : انا يتعمل فيا كل ده ؟ انا هف*جك انتى والدكر بتاعك !بعد ساعتين من دلوقتى هبعتلك لينك ابقى ادخلى عليه ، واضح ان الشهرة فتحتلك دراعتها علشان تبقي نجمه لامعه في مجال جديد بس هيليق عليكى ! تنهار سلمي وهى تصرخ : _ انت مجنون وسافل . سلمي ما تلتقيش قدامها غير انها تتصل ب سليم اللي رد عليها وهى منهارة و مش عارفة انة عارف اللي هي بتقولة ويحاول يهديها . سليم : خلاص خلاص مش هيحصل انا هتصرف اهدى وخليكى في مكانك متتحركيش . ............. ................ جمال كان قرر انة لازم يوصل ل شمس وبعد ما اتاكد انها مش عند ما متها فكر انها اكيد لازم هتروح تزورها ف بقا يوميا يقعد علي الكافية اللي قريب من بيت مامتها لحد ما شافها جاية وطلعت ببنتها سهر عند مامتها لكنه فضل منتظر يشوفها هاتنزل امته و هاتروح على فين علشان يعرف هي قاعدة فين ومع مين خصوصا بعد ما فتش دولابها علشان ياخد اي فلوس علشان يجيب كيفة من الم**رات وساعتها لقا علبة فيها جوابات كان مهيب بيبعتهالها قبل ما تنقطع تنقطع اخبارة برة مصر قبل جوازها .. بعد شوية لقاها نزلت من غير بنتها ، وصلت شمس لبيت مهيب ، طلعت وهو طلع وراها علشان يعرف هتدخل انهي شقة و هناك احتار جمال .. طلع قرب من شقة مهيب و فضل يسمع بالراحة لحد ما فهم ان مهيب و والدة فى البيت ، نزل سأل أهل المنطقة و عرف منهم ان مهيب كان مسافر و رجع ، و فورا جت له فكرة شيطانية و قرر فى نفسه يعمل مصيدة فى ساعتها . .............. ......... *شمس بتحضر الاكل ومهيب بيساعدها و بيقطع البصل * مهيب بضحك وغنية بتدمع من البصل : ربنا ع الظالم والمفتري بقا انا علي اخر الزمن اخرط بصل . شمس بضحك وهي بتشاور بالسكينة?اللي ف ايدها : بتقول حاجة يا حبيبي. مهيب بيرجع ل ورا : ابدا يا حبيبتي دة انا دة انا بقول اخيرا جة اليوم اللي اتحققت امنيتي و واقف بخرط بصل شكرا يا حبيتي علي الواجب دة مش عارف اشكرك ازاي . شمس بضحك : طب احمد ربنا ف سرك وبطل برطمة احسن انا ايدي طارشة . * والد مهيب دخلهم المطبخ وهو بيضحك :- اية يا ولاد مش عيب شحطين زيكم مش عارفين يخلصو حتة غداء . مهيب : شوفت يا بابا قولها علشان تعرف اني عامل معاها واجب وعاصر علي نفسي ليمونة وراضي بيها . شمس بهزار : شوفت يا عمي بيغلط فيا ازاي قدامك . والد مهيب : اتلم يا وااد ومتزعلش العسل دي والا مش هنغد*ك معانا . مهيب بضحك : لا وعلي اية انا هسكت خالص اهو . * ضحكو كلهم وخرج والد مهيب علشان يسبهم يخلصو الغداء مهيب بص ل شمس شوية وقالها بجدية : واخرتها يا شمس هنفضل كدة ؟ شمس بتساؤل : كدة اية ؟ مهيب : انتي عارفة انا اقصد اية انتي دلوقتي متجوزة حتي لو هتطلقي بس اسمك متجوزة و وضعنا دة غلط ولازم نشوف حل . شمس : والله انا مقدرة اللي بتقولة بس غصب عني جمال مش سهل ومش هيطلقني بسهولة والقضايا هتاخد وقت وخايفة منة . مهيب : يا شمسي انا اتحرمت منك سنين عايزاني لما ارجع والاقي الحاجز دة بينا اقف اتف*ج واصبر وانا صبرت سنين ومفيش حاجة قوتني علي اللي مريت بية غيرك انتي وذكرياتي معاكي شمس : خلاص يا مهيب هاانت وكلها فترة وربنا يجمعنا سوا ف بيت واحد بس . ................ جمال نزل واتصل بالشرطة و بلغ عن شمس ومهيب انهم بيتقابلوا ، و ادالهم العنوان ، و بعد ما بلغ الشرطة نادى على واحد فى الشارع و قال له اطلع نادى على عمك ابو مهيب فى شقة رقم كذا و قول له انزل كلم فيه واحد عاوزك على اول الشارع .. و لحظة ما نزل والد مهيب خده جمال و فضل يرغى معاه فى اى كلام لحد الشرطة ما هاجمت الشقة و قبضت على شمس ومهيب .. و فى القسم وجه لهم تهمة الزنا ، و قال فى المحضر انها بتقابل مهيب من يوم ما رجع فى الشقة دى و قدم لهم الجوابات اللى بينهم و قال انه هايرفع عليها دعوى الزنا ........ ###### ياترا اية اللي هيحصل ل شمس ومهيب وسليم هيتصرف ازاي مع ايمن واللي ناوووي يعملو *********

Free reading for new users

Scan code to download app

App Store Google Play

Facebookexpand_more