الحلقة الخامسة

2858 Words

مستني #رايكم بيفرحنا بجد ........................... الفصل الخامس ************ .................. في يوم مشمس علي بعضهم لكن علي الاغلب منهم يوم مليان غيوم وامطار اليوم ده اللي كان اسوء يوم ف حياة شمس واسوء ذكري هتفضل فاكراها بعد رحيل مهيب عنها، شمس كانت قاعده مع عيلتها الصغيره اللي مكونه من ام وعم -والد مصطفي - ومصطفي وفجأه في وسط الكلام مامتها بصتلها وهي بتقول : - مش هنفرح بيكي بقا يا حبيبتي شمس حاولت تداري ع الموضوع وهي بتقول : - لسه يا ماما قدامي دراسات عليا عاوزه اعملها والدتها بصت لعمها ان هو يقول حاجه وفهم منها وبدأ الكلام معاها : - صحيح يا شمس يا بنتي مش هتتجوزي بقا وتجيب لنا حفيد وكمان ننفذ وصية ابوكي شمس حاولت تتماسك علي قد ما تقدر فاخدت نفس وهي بتبص لعمها وتقوله : - يا عمو انا زي ما قولت لماما بعمل دراسات عليا وكمان انا مش كبيره كل الموضوع اني لسه مش جاهزه دلوقتي مامتها بصتلها وهي بتقول بعصبيه : -مش كبيره ايه انتي 24 سنه عارفه يعني ايه ..؟ يعني اللي زيك اتجوزو وخلفو كمان وانتي لسه … عمها بصلها وبدأ هو كمان يتكلم بجديه بعد ما فعلا اقتنع بكلام والدتها : - يا بنتي وفيها ايه يعني لو حجتك الدراسات العليا دي ممكن تكمليها فـ بيت جوزك واحنا هنشترط عليه كده … شمس نفذ صبرها وهي بتحاول تقنعهم بصتلهم وهي بتقول : - مفيش حد مناسب لسه اتقدم لي … وانا مش هتجوز والسلام … عمها بصلها بعدم تصديق ودهشه : - مين دول اللي مش مناسبين .. ؟!! ،يا بنتي ده انتي اتقدملك ظابط وقولتي خشن ف التعامل وعديناها .. ودكتور وقولتي مش متفهم .. ومهندس ورفضتي عشان بيسافر شمس من بلد لـ بلد وعذرناكي .. اما العريس اللي متقدملك ده مايترفضش وانا اديت كلمة للناس ييجو بعد يومين علشان تشوفي العريس... !! شمس بصتلهم بعصبيه وهي بتقول : - اه وهو الحوار ده عشان عريس متقدم انا برضو كنت مستغربه بس ع العموم انا لسه مش جاهزه زي ما قولتلكو وقبل ما حد يتكلم قامت ودخلت اوضتها وهي بتقفل الباب وراها بقوه والدتها بصت لعمها بقلق وهي بتقول : - تفتكر يا حاج في حد ف حياتها ومعلقها بيه عشان كده رافضه كله العم بص لمصطفي ابنه اللي قاعد ساكت ومتكلمش خالص وهو بيقوله : - رد علينا يا مصطفي .. انت الوحيد اللي معاها دايما وصحاب وعارف بتعمل ايه …؟! مصطفي اتوتر هو مجاش ف باله ان ممكن ييجي ف بالهم التفكير ده حاول يظبط نفسه عشان ميتكشفش وبنت عمه اللي بيعتبرها اخته تتكشف : - اكيد لا طبعا يا بابا ازاي تقول كده او تفكرو كده …؟! ابوه بصله وهو مش مقتنع بس حاول يصدق : - ماشي ي ابني بس فهمها ان العريس اللي جاي ده هتقابلو يعني هتقابلو … والعم سابهم ومشي والام كمام راحت وراه وسابوا مصطفي اللي كان قاعد بيفكر ازاي يقنع شمس بالعريس ده وهو اكتر واحد عارف قصتها هي ومهيب وكمان عارف انها عايشه علي ذكراه ومش قادره تنساه بس هما عندهم حق ، مسك راسه اللي وجعته من كتر التفكير وهو بيتن*د ويقول: - يااارب .................................................... شمس دخلت اوضتها وقفلت الباب وراها ودموعها نازله سيول مش عارفه تعمل ايه؟ واضح انه ده قدر ومكتوب ولازم تعيشه بدأت تحس بالوجع من احساسها انها ممكن تكون ف يوم فرحها مش هيكون مهيب ... ممكن ولادها ميكونوش منه ... مش هيكبرو ويتعكزوا علي بعض لما يكبرو زي ما كانو بيتعاهدو ع الحب فـ صغرهم وكبرهم وان مش ممكن حاجه تفرقهم الا الموت ودلوقتي اهي ظروف الدنيا فرقتهم ويا عالم هيرجعو تاني ولا ده حالهم دموعها بتنزل اكتر من افكارها ووجعها وعلي سيرة الوجع افتكرت كلام سلمي وبدأت تضحك بسخريه من وضعهم ... ......................................... اللي سابك لما كنتي بتحتاجيه واللي جرحك حتي بعد ما حبتيه واللي خانك والخيانه طبع فيه واللي قلبه جه عليكي ميستاهلش دموع عينيكي عادي يعني الحياه مش واقفه ع اللي بيبعدوا هو حب يروح لغيرك يبقي ربنا يسعدوا اما انتي ياللي مجروحه و جرحك لسه واجعك ياللي ف عيونك كلام ولا حد سامعك ياللي ساكته والسكات دلوقتي صاحبك ياللي يومك كله نوم والحزن تاعبك اجمدي لما حاجه بتنتهي ألف حاجه بتبتدي قومي تاني وحاولي تاني هو مين غيرك باقيلك ? هاتي فجرك رغم ليلك واللي فات مات وادفنيه ألف رحمه ونور عليه شدي حيلك .............................................. فلاش باك سلمي : اللي جاي ميتحكيش يا شمس ميتحكيش شمس بقلق: ايه الي حصل ارجوكي متقلقنيش سلمي بوجع قلب : شوفته … شوفته يا شمس حكالي كل حاجه وايه اللي جابه هنا زي ما كنت لسه قايلالك شمس : ايوه كملي سلمي: طلب مني اكون ليه الحمي والسند ... قالي ان باباه مش بيحبه وان مامته مش مهتميه بيه ... وكنت له الام والأب -وبسخريه - بس كان ابن عاق شمس بإستغراب :ابن عاق ازاي ؟؟ سلمي بإبتسامه حزينه : لما تقدمي لأبنك كل حاجه وهو يتبتر يبقي عاق .. وهو كان ابني وقدمتله كل حاجه من حب واهتمام وحنيه واحتواء بس كان كل ده ف الهوا شمس بتوجس : ليه عمل ايه ؟ سلمي بتريقه: كنت عارفه انه بتاع بنات … كنت فاكره اني هقدر اغيره ... بس للأسف هو اللي غيرني بصتلها بحزن : انا وعيت ع الدنيا وانا صغيره اوي يدوب 17 18 سنه شمس: وعيتي ازاي يعني ؟ سلمي بصتلها بحزن وشمس كملت بشهقه : اوعي يكون اللي ف بالي؟ سلمي بدموع : للأسف حصل اللي حصل ما بينا ومن يومها وحياتي بقت جحيم … ( ... بااااااااااك ... ) شمس خرجت من افكارها علي صوت اختها اللي دخلت تطمن عليها بعد انسحابها بالطريقه الغريبه دي : - مالك ي شمس .. شمس بصتلها وانفجرت ف العياط واختها مقدرتش تستحمل واخدتها ف حضنها وهي بدأت تتكلم بتوهان : - مهيب .. ازاي مش هبقي مراته .. ولادنا .. فرحنا .. احلامنا .. ازاي ي نيره ازاي قلبي واجعني اوي حقيقي اااااه موجوعه اوي صدقيني نيره بدموع : مصدقاكي يا حبيبتي اهدي عشان خاطري وكل حاجه هتتحل شمس بنفي : مفيش حاجه هتتحل خلاص اتكتب علينا الفراق نيره بهدوء: لو مكتوبين لبعض هتتلاقو بعد سنين مشوفتيش سيدنا يوسف اللي رجع لباباه بعد قد ايه ؟ ولا سيدنا يعقوب اللي ميأسش وربنا رجعله ابنه بعد ما بقا عزيز مصر .. امني بالله يا حبيبتي انكو هترجعو لو ليكو نصيب ف بعض شمس بتأمين : ونعمه بالله شمس اتكلمت مع اختها كتير وقدرت تهون عليها ف النهايه نامو الاتنين ف احضان بعض زي ما كانوا وهما صغيرين كأنهم بيثبتوا للناس انهم عمرهم ما يفترقوا …!!! ......................................... شمس كانت قاعده ف غرفتها ودخلت عليها مامتها وهي بتقول : - يلا يا حبيبتي عمك قاعد بره مع عريسك شمس بصتلها وعينيها مدمعه :- برضو يا ماما والدتها بصتلها بت**يم : - ايوه يا بنتي ده عريس ميترفضش والدتها سابتها وخرجت وهي فضلت تبص حواليها بتوهان حتي مصطفي مقدرش عليهم مامتها المره دي م**مه ومش هترجع ف رأيها من تاني قامت لبست وخرجت وحاولت تداري بهتان وشها شويه بالميك اب بس مهما حصل مش هتقدر تداري بهتان روحها من رحيل مهيب عنها خرجت وهي راسمه ابتسامه مزيفه علي وشها ودخلت سلمت علي عريسها واهله وقعدت جمب مصطفي اللي كان بيبصلها وهو حزين عليها وحاول يواسيها والعريس واهله لاحظوا الكلام اللي ما بينهم من تحت لتحت وبهتانها اللي مقدرتش تداريه كله وافتكروا ان هما ما بينهم حاجه ووالدة العريس كانت قاعده مضايقه **ر ال**ت اللي كان موجود والد العريس وهو بيقول : - احنا يشرفنا يا حاج اننا نطلب ايد بنتكو شمس لابننا جمال عمها رد بابتسامة ود: - واحنا يشرفنا نسبكم والله بس الرأي رأي العروسه والد العريس بادله الابتسامه : - الله يعزك يارب ممكن نسيب العرسان مع بعض نشوف في قبول ولا لا عمها وافق والكل قام وهي مسكت ف إيد مصطفي جامد كأنها بتوصله رساله "متسبنيش لوحدي " مصطفي فهم ومال عليها وقالها بهمس : - متخافيش انا قاعد جمبك بره لو حصل حاجه ناديني وابتسملها انها تطمن وهي هديت شويه ومصطفي خرج وراهم .. قعدوا ساكتين وشمس سرحت بذكرياتها لورا مع مهيب وهما واقفين ع الكورنيش شمس بسعادة: - ياااه يا مهيب امتي يجي الوقت اللي نكون فيه مع بعض ف بيت واحد مهيب بحنين : - هيجي يا حبيبتي وهشوفك بالفستان الابيض وهنرقص سلو واخدك ف حضني اوووي ومش هيهمني اهلك او المعازيم شمس ردت عليه وهي بتتخيل: - وانا كمان هشوفك بالبدله وحلم حياتنا يتحقق مهيب بحزم : - اوعدك اني هبذل كل جهدي عشان احقق حلمنا سوا و شمس بحب : - ان شاء الله ربنا مش هيخذلنا يا حبيبي علشان انا بعشقك ومقدرش اعيش من غيرك ومستعدة استنا العمر كلة علشان حلمنا يتحقق رغم ان نفسي ربنا يجمعنا النهاردة قبل بكرة مهيب بعشق : - وانا والله العظيم بعشقك مش بحبك بس وساكنه جوه قلبي *********** انا لما حبيتك واخترت اكون ليكى قدمت لك عمرى وياريته يكفيكى لو مهما روحتى بعيد عمرى ما هنساكى فى البعد شوقى يزيد واحلم بلقياكى عمرى ما شفت حنان غير بس فى عنيكى وياريتنى الاقى كلام ما اتقالش غير ليكى قلبى على كفوفى هفضل سنين شايله يا حبيبتى من خوفى على حلم مش طايله **** شمس فاقت من حنينها لذكرياتها هي ومهيب علي صوت العريس اللي **ر ال**ت ده وهو بيقول بضحكه سمجه : - هنفضل ساكتين ممكن تسأليني علي اي حاجه عوزاها بصتله وحاولت تجمع نفسها وسألته : - ممكن تعرفني بنفسك .. ؟ جمال جاوبها بهدوء : - اسمي جمال 30 سنه وشغال ف شركة ...... بصتله تاني وهي بتسأله : -بتصلي …؟!! - الحقيقه مش منتظم اوي وساعات بنسي اصلي بصتله وهي قلبها مقبوض من كلامه بس اقنعت نفسها انها بعد كده ممكن تخليه ينتظم اومإت بهدوء وقالتله : - طب انت عاوز تتجوزني ليه ؟؟ جمال بصلها بخبث : - الصراحه انت جمال وادب وام حلوه لأولادي ف المستقبل قال جملتة الاخيره وهو بيبصلها بتفحص من فوق لتحت خلتها غصب عنها تترعش حاولت تخرج من افكارها فقالت بتشتت: بس انا محتاجه افكر جمال قام وهو بيقول : - حقك وهستني ردك عن اذنك جمال مشي هو واهله وهي قامت دخلت غرفتها علي طول من غير ما تجاوب علي اسئلتهم او حتي من قبل ما يحاولو يسألو ...!! ............................ شمس راحت البيت عند والد مهيب و هى بتبكى و مش قادرة تستحمل .. و باحساس الاب فهم على طول ايه اللى بيحصل .. قام باس راسها و قال لها علشان خاطرى انا ، اسمعى كلام اهلك ، ابنى انا اعتبرته مش راجع ، و انا جربت الحزن مرتين مرة عليه و مرة على والدته ، خلاص الحزن انا اتعودت عليه و مافاضلش فى عمرى كتير ، لكن انتى لازم تبدئى حياتك من جديد يا بنتى ، انا و انتى محتاجين نخرج من اللى احنا فيه ، و لو كان عليا انا فانا كمان باضم صوتى لصوت والدك و والدتك ، و الجواز قسمة و نصيب يا بنتى .. محدش يملك فى قدره شئ .. لو كنتم مكتوبين لبعض ماكانش فيه حاجة قدرت تفرق بينكم .. اسمعى كلامهم يا حبيبتى ، فرحيهم و فرحينى انا كمان بدعوتى لفرحك علشان افرح معاكم .. اوعى تكملى عمرك وحيدة ، انتى شايفة الوحدة عاملة فيا ايه يا شمس .. انا باموت كل يوم الف مرة .. اتجوزى و ابدئى حياتك ، اعملى اسرة و خلفى اولاد و بنات ، حياتك هاتتملى بيهم و تخرجى شوية من همومك .. كانت شمس بتسمعه و هى فى غيبوبة عن الواقع و مش قادرة تقول له يسكت و ما يكملش ، و لا قادرة تسمعه و هو بيكمل كلامه .. فى النهاية قام و خدها فى حضنه و قال لها : لو كان عندى بنت فى نفس ظروفك ، كنت هاقول لها نفس اللى انا باقولهولك دلوقتى ، لو ما سمعتيش كلامى و نفذتيه يا شمس تبقى بتدوسى على آخر أمنية ليا بعد أمنيتى انى اشوف ابنى شمس قبل ما اموت .. ردت عليه و دموعها مغرقة عيونها و قالت له : مهيبزهايرجع يا عمى ، انا عارفه انه هايرجع و ساعتها هاقوله ايه و هاقا**ه ازاى و انا خنت العهد اللى بينى و بينه ؟ عمرى ما تخيلت انى اكون لحد غيره ، عمرى ما فكرت حتى فى اللى حضرتك بتقوله ده ، بيت و اسرة .. من غير مهيب ؟ أولاد و بنات .. و ابوهم مش مهيب ؟ لا يا عمى مش هاقدر ، انا آسفة ده الطلب الوحيد اللى هارفضهولك .. كان بيكلمها و هو لسه بيبكى و بيقول لها انا عارف انه لو حتى رجع رغم انه احتمال صعب ، عمره ما هايلومك و لا يعاتبك لو كنتى خايفه من كل ده ، و ولادك و بناتك دول لما تشوفيهم مش هايفرق معاكى مين يكون ابوهم ، اسألينى انا يا بنتى ، الحب فى القلب و الروح و عمره ما بيشترط جواز أبدا ، و ياما ناس كتير كانوا بيحبوا بعض و ما اتجوزوش ، يعنى هو قيس كان اتجوز ليلى ؟ ما انتى عارفه ، و ناس كتير كانوا بيحبوا بعض و لما اتجوزوا ما قدروش يكملوا و فشلوا فى حياتهم الزوجية ، حبكم لبعض مش شرط يكون نهايته الجواز و لا مقياس ابدا لحياة زوجية ناجحة ، و انا شايف ان حبكم كان طاهر مش هايفرق معاه القرب ، صدقينى ، خلى حبك فى قلبك زى ما هو لو عاوزة تحتفظى بيه ، لكن جوازك عمره ما كان خيانة للعهد ، انتى انتظرتى كتير و كفاية اوى كده ، اعملى معروف اسمعى كلامى .. ....................... مصطفي كان واقف تحت بيت اميره بعد ما اتصلت بيه وقالتله ان المقا**ه اللي عايزاه فيها مينفعش تتأخر اكتر من كده … هو حاول يأخرها لأنه عارف بيحصل ايه ف كل مقا**ه بينهم ... اميره نزلت ووقفت قدامه وهو اتكلم بقلق: - مالك يا اميره وايه الحاجه المهمه اللي عاوزاني فيها…؟!! اميره اتكلمت بس كان صوتها بيوضح انها اميره جديده عليه وشها كان باهت .. وباين عليا الارهاق ... جسمها هزيل : - ممكن نقعد ف حته وهو اتكلم بدهشه : - مالك كده عامله كده ليه …؟! اميره : - لما نقعد نتكلم هتفهم ؟ مصطفي شاورلها ع المكنه وهي هزت راسها برفض وعينيها دمعت وبصتله : - معلش ممكن بلاش النهارده مصطفي بإستغراب : - ليه ما احنا بنركبها علي طول ؟!! اميره : - بلاش النهارده …؟! مصطفي وافقها وهو مستغرب ووقف تا**ي وركبوا هما الاتنين … كانت هي سرحانه ي تري القرار اللي اخدته ورايحه تنفذه صح …؟! … اخدها سرحانها للمواقف اللي ما بينهم وعدم تقديره ليها واهماله … بس افتكرت حبه ليها والمواقف اللي عملها عشانها وبقت محتاره هي كانت نازله ومقرره قرارها لكن لما شافته اتجدد حنينها وحبها ليه … مصطفي كان قاعد جمبها وحس بحيرتها واحتار هو كمان ليه عامله كده … وليه رفضت تركب معاه جه ف باله احتمال بس نفاه بسرعه : - لأ لأ ... اميره بتحبني ومتقدرش تستغني عني …!! ايوه صح بتحبني … مصطفي كان بيعلق نفسه بأمل كداب … الحب لو وصل لأعلي درجاته بيحتاج اهتمام … الاهمال عمره ما كان عقاب وبيجيب نتيجه ع**يه ... بمعني اصح بينقص من مقدار حبك للشخص حتي لو كانت روحك فيه … وصلو وكل واحد فيهم سرحان لحد ما انتبهو علي صوت السواق: - وصلنا يـ بهوات مصطفي نزل وحاسب السواق ودخلو وقعدوا ومصطفي اللي بدأ الكلام: - ادينا قعدنا ف حته اهو مالك بقا ؟ اميره سألته : - بتحبني يا مصطفي ؟ مصطفي نفخ : - تاني يا اميره اميره: - معلش دي اخر مره نطقتها بلهجه غريبه مصطفي لاحظها بس محطش ف باله واتن*د : - ايوه بحبك يا اميره اميره : - والحب مش بيبقي محتاج اهتمام محتاج حب مصطفي: محتاج حب ازاي مش فاهم اميره بوجع : بيبقي محتاج افعال يا مصطفي انت بتقول كلام حب لكن افعال للأسف مفيش انا ببقي محتاجاك جمبي ومش بلاقيك … كل انا اكلمك تقول مشغول او بجيب شمس او تعبان او مش قادر او او او انا فين من ده كله مصطفي : يا اميره افهميني عشان خاطري انا والله يومي مليان وفعلا مش ببقي قادر اميره: اللي بيحب حد بيخترعله وقت ف يومه المليان حتي لو لثانيه تحسسني بوجودي انما انت يا مصطفي مستسلم مستني دايما الخطوه الاولي وبعملها لكن فين خطوتك التانيه … لكل فعل رد فعل وانا مش شايفالك رد فعل ولا فعل الحقيقه …!! مصطفي ساكت مبيتكلمش اميره استنته كتير يتكلم لكن مردش فاتكلمت بسخريه موجوعه: - مبتردش لأنك معندكش رد الحقيقه اميره سحبت نفس عميق واتكلمت بكل ذرة تماسك عندها : - عشان كده يا مصطفي انا بعفيك من العلاقه دي وطلعت من شنطتها الشبكه وحطتها قدامه ع التربيزه ولسه هتقلع الدبله مصطفي وقفها بعدم تصديق : - انتي بتعملي ايه ؟ اميره : - بعفيك يا مصطفي من العلاقه التقيله علي قلبك زي مصطفي مصدوم عمره ما تخيل ان الموضوع يوصل لكده كان فاكر يومين زعل بينهم والموضوع يخلص : - بلاش يا اميره اميره : - بلاش ليه يا مصطفي؟ للأسف مش هينفع مصطفي : لأخر مره يا اميره بقولك بلاش انا لسه باقي علي علاقتنا اميره : - حتي ف دي مكابر وبتقول اخر مره وانا مش قادره يا مصطفي اتحمل اكتر من كده انا هبعد ولو حسيت انك عاوزني انا هستناك وقلعت دبلتها وحطيتها وهو بصلها وكأنه عاوز يقولها حاجه بس هو شاف انه اترجاها رغم انه معملش اي حاجه يعملها واحد بيحب ف مكانه بس الكبرياء مسيطر عليه بصتله واستنته يتكلم بس متكلمش حتي ف اخر مقا**ه بينهم محاولش … بصتله بوجع ومشيت وقررت تدوس علي قلبها وتستعمل عقلها واللي جاي شئ تاني …!!؟ مصطفي افتكر جملة ابوة كان دايما يقولها لية لما يكلمة عن البنات والستات لوكنت بتحبها ا**ر جناحها عشان ما تطيرش وتسيبك وان كنت قد العوم ..غرقهاا وانقذهااا ... مصطفي بقا مش عارف ياترا هو كدة صح ولا المرة دي ال**ر اللي ف قلب اميرة اقوي من حبها لية ************** يا تري دي النهايه بين اميره ومصطفي ؟ مهيب هيرجع ولا لا؟ لو رجع الحب هيفضل زي ما هو ولا الزمن ليه عامل ؟ *******

Free reading for new users

Scan code to download app

App Store Google Play

Facebookexpand_more