Chapter 39
JEANNA
NAAPRUBAHAN ang resignation kaya heto ako at bumabiyahe na pauwi sa probinsya namin. Saglit lang naman ang biyahe pero iba pa rin ang excitement na nararamdaman ko na babalik ako sa lugar kung saan nagsimula ang lahat ng pangarap ko.
Pagbaba ng bus ay sumakay ako ng tricycle para magpahatid sa mismong bahay namin. Marami-rami rin kasi ang dala kong gamit pati na ang mga pasalubong. Naka-maleta pa ako na parang galing sa ibang bansa.
Pagbaba ko sa tricycle ay sinalubong ako ni Nanay at Tatay.
"Naku kang bata ka! No'ng isang araw lang ako tumawag ay nag-resign ka agad. Matagal pa naman ang pasukan. Paniguradong maiinip ka lamang dito sa atin," bungad sa akin ni nanay habang tinutulungan akong magbitbit ng mga gamit ko. Ang dami rin niyang sinabi hanggang sa makapaso
