"Dixal?" bulalas niya nang paglabas ng banyo ay makita ang asawang nakaupo sa gilid ng kama ng ina at hinihilot ang mga braso ng huli.
Ngiti lang ang isinagot ng asawa saka siya pinasadahan ng tingin, pagkuwa'y napalunok ito nang makitang kaliligo niya lang.
Lumapit siya rito habang kinukuskos ng tuwalya ang basa pang buhok.
"Anong ginagawa mo rito? Di ba may trabaho ka ngayon?" usisa niya.
Huminto ito sa ginagawa saka siya niyakap mula sa likod at inamoy ang basa pa niyang buhok.
"Namiss kita eh," sagot nito saka siya hinalikan sa leeg.
Dalawang linggo na silang nagsasama bilang mag-asawa. Nagpapalitan sila ni Harold sa pagbabantay sa ina. Umuuwi siya sa bahay ng asawa pag gabi at bumabalik sa umaga saka si Harold naman ang kanyang pinauuwi para makatulog nang maayos kasama
