Sinipat ni Flora Amor ang suot na relo, alas tres pa lang, saka siya nag-unat ng katawan. Ilang oras din siyang nakaupo at nakaharap sa computer para tapusin ang ipinagawa ng kanyang superior. Ngayon ay may time pa siyang magrelax muna.
Umayos siya ng upo. Parang ang tagal ng isang oras na paghihintay. Nang biglang pumasok sa kanyang isip ang pangalan ng chairman nila at muling isinalpak ang USB na ibinigay ni Elaine sa kanya kanina tungkol sa personal information ng lalaki.
Tapos na niyang basahin ang lahat ng naruon pero naguguluhan pa rin siya't muling binasa ang nakalagay sa screen.
Dixal Lehman Amorillo ang full name nito, walang status na nakalagay duon. At Age 20, CEO na ito ng AMORILLO CONSTRUCTION COMPANY na pagmamay-ari ng lolo nito ngunit seven years ago biglang nabankrupt
