UNANG araw ng summer job ni Flora Amor. Ito din ang araw ng alis ni Dixal, kung saan ito pupunta, walang sinabi ang binata sa kanya.
Hapon na nang ihatid siya nito kahapon at simula nun wala na silang kumunikasyon ng binata.
"Ma, alis na ako!" paalam niya sa ina pagkatapos tingnan ang malaki nilang orasan na nakasabit sa dingding ng kanilang kwarto.
"Ingat ka." sagot ng ina mula kwarto nito habang nagpapadede sa bunsong anak.
Magkahalong lungkot at excitement ang nararamdaman niya ng mga sandaling yun. Isipin lang na tatlong araw niyang di makikita ang nobyo, sobrang lungkot na niya. Sa kabilang banda, excited siyang magsimulang magtrabaho. Ibig sabihin magkakapera na siya. Makakatulong na siya sa ina sa paghahanap-buhay para sa kanilang lahat.
Abot tenga ang ngiti niya nang
