SUMMER’S POV
RAMDAM ko pa rin ang anghang ng suka na gumuhit sa lalamunan ko papunta sa ilong ko. Pasinghot-singhot pa ako dahil sa nangyari. Mabuti na lang talaga at may tinda ring bottled water ang stall kung nasaan kami ngayon.
Sinamaan ko ng tingin si Kiefer. “Why are you still here? I told you to go home,” asik ko sa kaniya at ipinagpatuloy ang pagkain. Ngunit ayun siya at abala sa pagbili ng isaw at kikiam. Oo nga pala, paborito niya ang street foods.
“Nandito sa akin ang mga gamit mo, remember?” usal nito nang hindi ako tintingnan. Napairap ako.
Sinulyapan ko si Hiro na tahimik na kinakain ang binigay ko sa kaniya. Pilit ko siyang nginitian dahil sa nakakahiyang nangyari kanina. Tipid naman siyang ngumiti.
“May kasama ka pala. I thought you’re alone.” Tila dismayado ang kaniy
