ISANG UMAGA ay nagulat si Emily nang yayain siya ng asawa na mag-ayos dahil ayon dito, may pupuntahan silang importante.
Napakunot-noo naman si Emily. "Oh, ano namang nakain mo at kailangan pang may surprise?" tanong ni Emily na imbis matuwa ay sarkastiko.
Walang sinuman ang makakasisi sakaniya. Sa tinagal-tagal nilang nagsama at mag-asawa, kahit kailan ay hindi siya nito sinurpresa. Kahit sa mga kaarawan o anniversary nila. Siya lang lagi ang gumagawa n'yon. Dati, lagi niyang pinapangarap na sana'y isang araw, surpresahin siya nito. Hanggang sa ang pangarap na 'yon ay nanatili na lang talagang pangarap.
Wala kasi sa dictionary nito ang salitang surpresa at pagpapasaya. Kaya mahirap pangalanan ang emosyon niya ngayon.
"Makikita mo rin. Malapit na tayo," sagot naman nito.
Hindi malama
