"Hi Kuya Adam," masiglang bati ni Avria kay Adam ngunit napahinto siya nang tinapunan lang siya ng isang matalim at makahulugang tingin ng kapatid.
"Galit ba ito sa kanya?" tanong niya sa kanyang isipan.
Hindi naman malayo na magalit ito. Umalis siya ng Pilipinas kahit na hindi pa ito nagkamalay.
Dinapo siya ng takot nang makita niyang sinenyasan ni Adam ang asawang si Amanda na lumapit. Nag-uumapaw ang kanyang pang-alinlangan lalo pa't pabulong na kinausap ito ng kapatid.
"Of course," sabi ni Amanda, at seryoso siyang tinignan habang matiyagang itong nakikinig sa kay Adam
Habang ang kapatid ay nanatiling nakatingin din sa kanya. Hindi niya maiwasang kumabog ang kanyang puso sa nerbiyos lalo't nanatiling matalim ang titig ng kapatid sa kanya.
Nilapitan siya ni Amanda. "Kakausapin
