CHAPTER 27
Nandito si Daddy Sebastian?
Halos ayaw kong paniwalaan ang sinabing iyon ni Audrey. Sinamaan ko pa ito ng tingin, pero ang ngisi niyang iyon ang nagpapatunay na kahit papaano ay hindi marunong magsinungaling ang mga katulad kong masasamang tao.
Napatingin ako kay Haris na patuloy na binubugbog si Anthony. Wala na itong kalaban-laban dahil nakahandusay na ito sa lupa at ang tanging nagagawa na lamang ay ang tanggapin ang sunud-sunod na suntok, sapak at tadyak ni Haris.
Duguan na rin ang mukha ni Anthony. Galit na galit si Haris. Kitang-kita ko iyon sa bawat paglagapak ng kamao niya sa katawan ni Anthony. Kaunti na lang din, kung hindi pa aawatin si Haris ngayon ay mapapatay na niya ito, rito mismo sa school.
Doon ako natauhan. Kahit pa gusto ko nang tumakbo upang patunayan a
