CHAPTER 26
"Kaya mo ba talagang pumasok, Aliyah?" ani Haris na siyang nakasunod sa akin sa pagbaba ko ng hagdan hanggang sa makarating kami sa labas ng bahay.
Mula roon ay nakaabang na ulit ang family van namin, kami na lang ang hinihintay. Deretso akong pumasok sa back's seat at kagaya ng palaging pwesto, si Haris ay katabi ko. Kaagad niya akong hinarap.
"Nilagnat ka kagabi, pwede ka naman munang magpahinga. Isa pa, katatapos lang din naman ng exam. Paniguradong hindi pa masyadong magtuturo ang mga Prof," segunda niya ngunit umiling ako.
"Hindi naman lesson ang habol ko ngayon, Haris. Sila Audrey, sila ang pakay ko kaya ako papasok ngayon," matigas kong sagot.
Walang nangyari sa amin ni Haris kahapon sa Computer Laboratory. Hindi na hinayaan pa ni Haris na maghubad ako sa harapan niy
