**Bianca's POV **
"Bianca..? Bianca.."
Gulat akong napa-tingala mula sa pagka-kaupo ng may tumapik sa balikat ko. Bahagyang nakayuko sa akin si mommy Mercedes habang bitbit sa isang kamay ang damit na mukhang ipa-pa-fit niya sa akin.
"Ayos ka lang ba? Pwede tayong mag-shop sa ibang araw kung hindi maganda ang pakiramdam mo."
Nag-a-alalang tanong niya.
"Pwede po ba mommy?"
"Oo naman, may ilang araw pa naman bago ang unity party."
"Sige po."
Mataman niya akong tinitingnan kaya iniiwas ko ang paningin sa kanya.
Pagka- galing sa hospital ay tyempong naroroon na ang company driver na ipinadala niya upang sunduin ako. Walang sumita sa akin kung bakit ang tagal ko sa labas. Hinayaan lang nila ako.
"Inaway ka na naman ba ni Joseph?"
Tanong niya ng makasakay na kami sa sasakyan.
