Chapter 18
Ariana Xiamara
PAGKATAPOS kong ayusin ang aking mga gamit sa loob ng maliit na cabinet, napahinto ako saglit at napabuntong–hininga. Kinuha ko ang aking diary at may isinulat ako. "One year?" bulong ko sa aking sarili. "Paano ko kakayanin? Paano ko pakikisamahan ang isang walang pusong tao? Hindi siya tao kundi, isang demonyo na nagkatawang tao. Nagdrawing pa ako ng isang mukha na may sungay at isinulat ko ang pangalan ni Monte falco sa taas. Kahit dito man lang makaganti ako.
Muli akong napabuntong–hininga, hindi pwedeng ganito na lang. Kailangan kong makahanap ng paraan para makaalis sa poder niya. Pero paano? Hindi ako pwedeng magtagal rito—kailangan ako ng anak ko, at tiyak nag–aalala na rin si Lola Guada, kawawa naman ang aking lola. Naiisip ko pa lang na baka magkasakit
