FELICITY'S POV
Kumakain na ako nung bumaba siya. Nakasuot na siya ng uniform ng isang professor.
"Maxx, kain na." tumayo pa ako para ikuha siya ng plato at kubyertos pero natigilan ako sa pagkuha ng sabihin niyang dun na lang siya kakain sa canteen. Dinoble ko pa naman itong niluto ko tapos hindi naman pala siya kakain. Lumabas na siya at ang huli ko na lang na narinig ay ang tunog ng sasakyan niya paalis. Nagkibit balikat na lang ako at ipinagpatuloy ko na lang ang pagkain ko.
Pagkatapos kong kumain ay naligo na rin ako at nagbihis. Hindi ko hinubad ang kwintas na nasa leeg ko dahil plano ko pa itong ipakita kay Robi mamaya.
"Fel!" napalingon ako ng marinig ko ang pagtawag sa akin ni Robi. Kakarating ko lang kasi dito sa room. Wala pang gaanong tao. Mukhang napaaga rin ako ngayon.
