ألمي وملاذي

البارت السادس 6

السلام عليكم ??

★#ألــــمـــي_ومــــلاذي★

★البارت السادس 6★

★#الكاتبه_ام_كرار★

گلهـن ضگتهن ما طحت

ظليت ذاك ال من أمر ،

تتشاور من علية بسرعة ودفعتني للكاع...

وكعت بقووه وصرخت لااراديا..

رهف:اخخخ تقدمت علية مها وكف*ني ونكتت ملابسي ضليت صافنة بوجها سارة اريد اعرف ليش هيج سوت بية اني ممأذيتها بيووم..شفت وضعها مو مال اعاتبها اكتفيت بالسكوت ردت مها بصدمةة..

مهاا:عفية سارة شمسوية الرهف وهيج تحبج وكعتيها وماحجت اني شحدي اذا الزمها تكلب الدنيا علية وماتخلي جزء من جسمي صااحي وفوك هذا كلة تكول الابوية وتخلي يتعارك وياي..وانتتتي وكعتيها هل وكعة القوية وكعدتي بمكانها وماحجتت..

اباع عليها نزلن دموعها مقهورة حيل تقربت منها وحجيت بخوف..

رهف:شبيج سارة والله خوفتيني احجييي شيي..

مسحت دموعها وردت بصوت مبحوح من البجيي..

سارة:مقهورة حيل وضايك خلكي وتعبت من هاي فاطمة الله لايرضى عليهاا..

ردت عليها مها بسرعة..

مها:يااشبيها ويااج بشنو مأذيتج..

سارة:هل كم يوم كلبت حياتي جحيمم..يعني اريد اجي يمجن متخليني تكلي يتحكمن بيج ومسوياتج بلاقيمةة..تروح الامي والخواتي تكلهن رهف مخلية سارة عبدة جوة رجلها شدكللها اسووي ولاتوكع بتكم بمشكلة هاي وحدة ممترباية..تخليني اشيل بروحي وركعها مابيدي شيي..لا واليقهرر اكثر تكلي انتن وراية تحجن علية وتكول الامي حجي مااكدر احجي لان عيب خلت امي تكوم تكتلني وتكلي ليش اذل نفسي الجج..

انصدمت من حجيها يعني انسان اني ممضوجتها ولامأذيتها ولاحاجية وياها كلام مو حلوو كل البينا سلام ليش هيج تأذيني ليش تبعد عني صديقتي وتخرب بسمعتي كدامهم...

رهف:فهمينيي اني شمسويتلها ليش تكرهني هية الهل درجة ومخليتني براسهاا..

سارة:اكلج بس تحلفيلي ماتكولين الاي احد ولاتتعاركين وسوين مشكلة..

رهف:مااحجي ولااتعارك بس كليلي ليش ترة اتخبل من هيج نماذج..

سارة:لان تحب احمد واحمد يريدج خو من يكعد احمد يم امي ويحجي بيج تتخبل لو يأيدها تمووتج..بس هية نجحت بكلامها وخلت امي اصدكها..

رهف:هية مو صغيرة حتى تخلي عقلها وتفكيرها كلة وياي اكبر مني بخمس سنين والله عيب عليها اني ممأذيتها بس مادامها لعبت وياي خل تتحمل الراح يصيرلها اريد اشوفها رهف المامتربيه شسووي..

وهنا كعدنا اني وسارة ومها سوينه خطة مدروسةة حتى انتقم ويررتاح كلبي...

شوية وطلعت من البيت تتلفت ودور بعيونها على سارة من شافتها عدلت ملابسها وشالها وتقربت علينة بدون مسلم صاحت..

فاطمة:سارة كومي وياي امج تريدج شوووصتتتتج..

وتغمززلها بعيونها وتتلووك لو بيدي املصها ملصص بس راح اكبر عقلي...وكفت كبالها ورديت بكل ثقة..

رهف:وانتي شعليج بسارة وين تكعد وين تمشي شي خاص بيها اني وياها متعوودين نكعد ونلعب سووه روحي منا..

فاطمة:شلون شدخلني هاية بت عميي واني الادخل المفرروض انتي كلج خلك دخيلة هنا باجر عكبة تروحين..يلةةة ساررة مو اصيحج..

رهف:اشووو ماتجي وكلمتي التمشيي والتكدرين علية سووي..سوالفج دتوصلني اذا ماكعدتي عاقلة راح اصرف وياج غير تصررف..

هية ضلت تنطيي الوان وتباوع على سارة بمعنى ليش كلتيلها..رجعت وكفت كبالها وصحت بوجهه..

رهف:لالا مو سارة الكلتلي الكالي احمد تعررفي هذا الترركضين وره وهوه مااامعبرج ولاراح يعبررج لان تفكيرره ويا غيرج ويحب غيرج بعد اكعدي عاقلة ولاتخليني العب وياج لعبة مو حلوه والله اشرردج..بس هم عاذررتج ماتعررفين منو رهف بس منا وجااي راح اتعررفينيي وراح اذلج وانددمج على يوم الحجيتي بي علية..بعدج مطالعة من البيضة وضالة تتمعشكين من تكبرين شسوين بابا والله انتي وامثالج مال حرررررك تعرفين شنوو حررك مال حررررك..

اني كملت كلامي وهية طكتها بركضه البيت ابو احمد التفتت اريد اشوف سوسه وانصدم باحمد واكف وره بيت خالي ليغاد ميريدنه انشوفة وملامح وجهة غاضبة مبين ضايج ويريد يسمع الدنحجي بي واني اجتني الفررصةة..

رهف:سارة ليش ماتحجين الاحمد وتخلي يوكفها عند حدها شنو امج تكتلج من وراها..

سارة:لالا مااكول الاحد الان الكتلة توكع بية مو بيها واشبع رزايل وميخلوني اطلع بعد..

رهف:بس هوه اخوج واذا هوه صدك زلمه ياخذلج حقج منها..كليله تكول الامج انتي مذلولة الي وكليله على حجي الحجتة علية وحتى حجت على امج وخواتج بس هاي شافت محد واكفلج كالت خلي ادوس عليها..بس لاتخافين اني اخذ حقج منها..

اني كلت هيج وهذا طلع واجه يمشي بتجاهنا وصاح بسارة..

احمد:لج سارة كل هذا يصيرر وماكو وحدة بيجنن تحجييي شنوو رجل كرسيي لو خاشوكة بالبيت اني..

ضلت اذب الوان ماتعرف شتحجي وشتكله بس حيل خافت ردت وهية تمتمت بالكلام..

سارة:فدوة احمد اطلع منها ولاتحجي بيها ماريد اصير مشكلة بسببي والله مااريد..

كعدت على طابوكه وضلت تبجي وترجف من الخوف رد عليها يطمنها..

احمد:لج سارة تبجين من وره وحدة ماتسسوه ليش اني اخذلج حقج من هل حية اصلا صار فترة ضايج من عدها ومن تصرفاتها لاعبالج فقيرة تره هاي مسووية بلاووي خليني اني اصررف..

رهف:واني عبالي مها ضعيفة شخصية وجبانة طلعتي انتي اكثر منها لج بابا لاتخافين وتخليها اسيطر عليج..

احمد:رهف اطلعي منها ترة هاي فاطمة وكحة لاتأذيج اني احلها..

باوعت بعيونة ورديت بستهزاء..

رهف:واني مو قليلة شر شنو شف*ني اطكطك بسنوني من الخووف اذا هية تريد تلعب ويا رهف فاني موجودة اشردها بليلة ضلمة بعدك ماتعرررفني...

احمد:شلون مااعرفج لعد اني شنو الوكعني غير هل وكاحه العندج..وممخليتني ابتعد ابدد ولاافكر ولاانام ولااكعد غير هل وكاحة...

رهف:باع هذا احنه وين نحجي وانت وين تحجي..

سارة:شبيج مااكو احساس خلي يحجي بابا عاشق هذا ولايرد العاشقوون اله عديمة الحسااس والحمار..

ضحك بعلو صوتة وكف يطبطب على ضهر سارة ويكللها وهوه يباوعلي ويغمز بعينة..

احمد:بعد اخووج صدك الساانج مو مثل ذولاك الناس اكو طابوكة بكلبهم وعقلهم حصررري للمشاكل..

رهف:والله ماعدكم سالفة وماتستحون وصوجي اني واكفة ادافعلكم خلي اروح البيتنا احسن الي..

احمد:روحي يمحليه شهربان كلهاا..

قلصت عيني بعلامة معاجبني كلامة وركضت للبيت.. ركضت سارة لزمتني من ايدي هوه عافنه وراح للبيت..

رهف:منو ا****ر حقيرره..

ساره:مو قصدي بس ماتحسين بي اني من يحجي هيج اتأثر وانتي ولايمج..

رهف:صوتج مااسمعة تعاي ابقي يمي اليوم حتى محد يسمعج حجاية مو حلووة...

ماكو ساعة وكبت العياط بيتهم وصوتهم عالي..اني كعدت اني وسارة ومها كضيتها صفنات كل شوية اخططلي خطة عليها لعبت بيها لعب بعقللييي وبقى التنفيذ..

سارة:ياستار صفناتج مو خاليةة..

مها:اخذيها مني ابد موخالية الله يساعد فاطمة على مابلاها ويامن لعبت..

رهف:اابد ابد مو صافية حضرتلها خووش توبة راح اتوبها مني واخليها تخاف من اسمي..

كملت كلامي وضليت اضحك ضحكة شريرة وهنا يقلدن عود يررجفن..اول مااراح اسوي اخذ حقي منها بغلطها علية بالكلام وتخريب صورتي كدتم ام احمد وبناتها..انوب بس لاصدكنهاا اني اعلمج فاطمة..اذا انتي قوية بالكلام بس الاعرفة انتي غ*ية والينكالج اصددكي وتنفذذي توبتج على ايددي..

لليل رجعت سارة البيتهم واني لفيت راسي ونمت تعبت من التفكيرر..الثاني يوم اجتني وحجتلي الصار البارحة..

سارة:العرفتة من امل احمد البارحة مرزل خواتي ورايح الفاطمة مرزلها وهددها بس تحجي على خطارنا لو اسوي مشاكل يرجعها البيت عمي وميخليها توصل بيتنة بعد..

ارتاح كلبي نوعا ما واجه الوقت الاخذ بي حقيي منهاا..يومين اني مخبلتها وين منروح مااخليها تجي ويانا واذا تشوفنا اختل واخليها ادور بعدين تمل وترجع للبيت..ومن بعد هل يومين جنت بالبيت من طلعت لكيتها كاعدة هية وسارة يسولفن..مشيت بتجاهن ومن وصلت يمهن قللت سرعتي واني اسمعها تحجي بية...

فاطمه:سارة والله اني احب احمد من جنه صغار ليش ميحبني اشاف برهف وماشافة بية شو هية تصرفاتها تصرفات اطفال اغ*ياء وبس اسوي مشاكل شناقصني انيي..

عفتها تكمل وصادوك يالسبع ورديت عليها..

رهف:اني اكلج شلون تخلي يحبج مثل ماحبني..

من شاف*ني تخربط وضعها وكفت بسررعة وتريد تروح قطعت طريقها وكملت كلامي..

ـ ليش اشردين مو داكلج اني اعلمج شلون تخلي يحبج..بس مو علمود اني اريد اساعدج يعني مو السواد عيوونيج بس اني كارهتة واريد اتخلص منا وانتي الراح تخلصيني..

فاطمه:رهف بتعدي عن طريقيي مالي خلكج كلج مشاكل واني ماناقصة..

فتحتلها الطريق وهية تمشي واني احجي..

رهف:روحي بس هاي كدام بنات عمج احجيها اذا مااخلي يركض وراج ويحبج مااسمه رهف بنت امي وابووية بس اسمعي كلاميي..وهاا انتي تبقين بت عمة وتحبي من زمان يعني اولة بي..

ضلت صافنة بوجهي خايفة توافق وتتورط لو ترفض وتروح عليها..

فاطمة:راح اوافق حسب الطلبي منييي اشوف اذا يفيدني اولا..

رهف:زين لعد تعاي نكعد ونسولف ونتفق..

ش*هاي رجعت اليوره خايفة تتقدم ضحكت بصوت وكتلها..

ـ شكبرج وشكدج تخافين من وحدة اصغر منج بخمس سنووات يحضيي..

فاطمه:موو خوف بس متحذرة منج كلشي اسووين وتنزليني من عين احمد..

رهف:بابا منو كال اوصلة حررف اصلا اني مااريددة واكررها واريد اتخلص منه افتهميها وخلصيني..

فاطمة:وهوة يدري انتي تكررهي هيجج..

رهف:اي عيوني يدرري والهل سبب اريد اسلمه الج بيددي واخلص..

فاطمه:احجي اسمعجج..!!

رهف:لالالالالا يعمرري التفاق والكلام الراح نحجي بيناتنة مايطلع ولايدري بي احدد سرر يعنيي..

فاطمة:لا مأمن بيج اني انتي مالج امانن ولا صاحب صديق مااتورط وياج..

رهف:رجعنا للخوف وعلى عموم لاتأمنين وضلي هيج حبي من طرف واحد وراح يضل حبي يكبر بكلبة وانتي ولا شيي..

بس اذا تريدين تعاي ورايه..ذااك بيتنةة

لحكتني سارة وياها مها وامل وكفت ويافاطمة اسولف..

سارة:رهف على شنوو ناوية..

رهف:لاتخافين ماأذيها رغم كلشي كلبي طيب وماينطيني اشوف احد متأذي يمي لو يبجيي بس اريد اخلص من اخوج..

سارة:رغم كلشي غ*ية فاطمة اذا توافق..الله يستر منج ومن شررج..

رهف:ابشرج راح توافق وبسرعة هم مدة مو طويلة وبهل شغلة راح اض*ب عصفورين بحجر واحد..

ضحكنه بعلو صوتنه وهية تباوع من بعيد..

سارة:شمدريج توافق مااعتقد والله لو وافقت جان اجت بسررعة..

رهف:اني متأكدة لان المغرياات هوواي وشغلتها يمي والتجربة مو غلط..

بأثناء ما كااعدة احجي شفت قاسم ابن عمهم فات البيت ابو احمد وقبل لايفوت غمزلي بعينة..اخ شكد مكرووه شكد اضووج منا هل حيوان..

رهف:اكلج سوسة قاسم شيصير من فاطمه..

سارة:الله على سأل غير كل احنه ولد عمم..

رهف:لج عيني هوواي يتوالموون..

ضحكت وردت علية وهية تغمز بعيونها...

سارة:الله كولي تريدين تبعديها وتبقين احمد الجج وريحي كلبي..

خزرتها واني رافعه حاجبي على كلامها ورديت عليها واني ماراضية على كلامها..

رهف:مع الاسف عليج شنو متعررفينيي.

سارة:لج اسفة مو قصددي والله لازعلين..

رهف:انتي اخر وحدة ازعل منها عشت وياج احلة ايام حياتي وصررتيلي اخت مااعرف شلون راح نفترك اني وياج وارجع البغداد شسويي من اشتاقلج..

سارة:راح تبقين بكلبي واني ع امل تبقين يمنا..المهم اني دايخة بهذا قاسم المكروه مادري شعندة هل ايام هواي يتختل وره الاشجار..

رهف:اني هم انتبهت علية والصراحه هواي اكرها وماطايقتة..وحتى مها منتبها علية...

سارة:العررفة رهف متكره اي احد بس اليضوجها ومبين مضوجج امانة اذا تعرفين شي احجيلي..

رهف:اول شيي خلي نكعد هنا خوش كعده والفيي والاشجار يمنه والريحة ترد الروح..

كعدنا وباوعتلها بفضول وكملت كلامي..

اكلج شنو رأيج بابن عمج بالبداية..

سارة:اسووء واحد من ولد عمامي..ومنتبين علية بس نخاف نحجي وخاصتن احمد حيل عصبي ونخاف اززيد المشاكل لان ابوية وعمي مو هلكد علاقتهم من سالفة توزيع الورث لليووم..

رهف:راح اسولفلج علية بس توعديني ماتكوولين الاحدد..

سارة:توصيني لج رهف صندوق اسرارج اني..

رهف:ادري بيج..شووفي من يوم العززيمةة و..... بديت احجيلها على كل سولفة السواهن بية الحد اخر غمزة غمزليها قبل شوية...

هنا سارة تخبلت وتخربط وضعها خافت حيل وردت علية بتلعثم..

سارة:رهف اوعديني ماتتواجدين بأي مكان هوه بي تره هذا بايعها ومايخاف الله وماعندة مانع يخ*فج ويعتدي عليج ويسوي اشكال هذا واحد م***ف ابتعدي عنا فدوه اروحلج..

كل كلامها افتهمتة ماعدة من كالتلي يعتدي عليج ما عرفت قصدها بس سرت رعشت خوف بكل انحاء جسمي وخفت حيل بس تمالكت نفسي وطمنتها..

رهف:لاتخافين علية اني حذرة ومااريد اصير اني ويا بمكان واحدد..

سارة:اني رايحه هسة وانتي اريدج تفوتين للبيت ماطلعي اله من اجي انيي..

رهف:تعاهدت قبل فترة اني ومها مانفترق وهسه انتي ويانا روحي ولاتخافين علي. واكفة هنا شوية وفوت..

سارة:لاتخليني قلقة عليج وسمعي كلامي وفوتي للبيت..

ضحكت على كلامها وفرحت حيل لان تخاف علية..

رهف:شتعرفين بية اني رهف مااخاف بس حذرة حيل واحاول اطلع من اي شي اوكع بي..

دخلت للبيت علمود مااخوفها وهية هم راحت...

مرت كم يوم احمد خبلني كل يوم يزيد بملحتة وكل يوم يااحبج ويااموت عليج ومااعرفج للموت انتي الي مو الغيرري لا وضل يتمكن يكليي..انتي بس اسمعي كلامي وتعاي بحضني اطير ام العناد والوكاحة من راسج اخليج تمشين وتتلفتين تريدين بس اشوفيني اخليج تدمنين شي اسمة احمد.

واني كل عادة اعوفة يحجي وحدة واروح افوت البيتنه..وهذا بكفة ومضايقات قاسم بكفة ثانية كل مااطلع الكه خاتل بين الاشجار مدري شيراقب وكل مااشوفة يغمزلي ويرروح واني اخززرة بعيوني لو ارفعلة حاجبي هوه يزيد ماينقص..يحاول ينتهز اي فرصة بس يشوفني يجي يريد يحجي وياي واني وين مااشوفة ابتعد منا ..مااعرف منين طلعلي هل مصيبة..

وبيوم اجتي ام احمد وعزمتنه كل احنه نطلع منطقة سياحية يمهم اسمها الصدور ماعارضنه بالع** الكل رحب بالموضوع كالت باجر نلتم كوسترين ونطلع ب9الصبح..كعدن وتفقن كل وحدة اتحضر اكلة..

الثاني يوم كعدنا من الصبح الجو يجنن شتا والسما صافيه حيل بيومها لبست قميص طويل وبنطرون بس راهيات على جسمي مو حصر اني هذا طبعي دائما البس عريض حتى مااتقيد واخذ راحتي لفيت من عمر ال9سنوات تحجبت بقناعتيي محد جبررني بس شنو جان حجابي مو هلكد لان شعري ثخين وطويل وبعدني صغيررة ماسيطرر علية ابد..

لفيتة الشال وخليت عطري المفضل كويري وهاواي وطلعت نصدمت واني اشوف خالو هسة جاي ركضت حضنته بقووه وهوه ضل يضحك باس راسي وضليت مجلبة بأيدة اشوف بي ابوية الختفه وماسمعنه عنه اي شيي..نزل من سيارتة علاليك مليانه حلويات وكرزات ومسواك ابو احمد ضل يعتب علية بس هوة كله من اجيب ارتاح واصلا مامكلف نفسي لان هذني من محلاتنة بالعلووه..

طلعت مرتة ضحكت بوجهي اجتي يمة سلمت وحجت بضحك..

سناء: شنو هاي سلطان تمد ايدك الرهوفة ومررتك صارلك شكد مشايفها مسلم عليها..

هوه من النوع الكلش خجول رغم شخصيتة قوية وعندة كاريزما رد عليها بضحكة وملامح وجهة كلهن شتياق..

سلطان: انتي الروح والقلب بس عيب من الناس...

ضحكت هية واني عفتهم ورحت يم البنات نتفق ماخلينة شي مناخدة الدومنة والدفاتر والطوبة وطلعنة الساعة 10وصلنه المنطقة الصدور نزلنه الطبيعة تخبل والحدايق والاشجار والورد ترد الروح.. نزل من السياة احمد وقاسم وياهم شباب مااعرفهم هم.. بس انتبهت احمد ابد ماباوعلي ولاقتربلي لان خالي موجودد التفتت على خالي وحجيت بيني وبين نفسي لو خالي يبقه ومايروح هواي راح ارتاح بس من جهه ثانية ادري بي مضطر يروح علمود محلاتهم والبيوت..

الكل جانو تعباني من الطريق ففرشو للزلم وحد والنسوان وحد واحنه الشابات وحد رحت للبنات كتلهن نروح ماقبلن كالن تعبانات بس مها وسارة لان يخافن علية من شافن قاسم موجود اجن وياية رحت الخالي توسلت بي يفوت للنهر حتى نفوت ويا ومنخاف بس رد علية بخوف..

سلطان: لا خلو شتا والجوو بارد وهسة المي ثلج صاير اخاف عليج تتمرضين بس اوعدج بالصيف اجيبج هناا..

هوه كال هيج واحمد صارن عييونة بكصتة خاف لان عرف من خالو ارجع وياهمم كل ضنه وعندة امل ابقة يمه وازوجه..

اخذت البنات ورحنه اندور على مكان النبع منه النهر انريد نعرف منين ينزل.. ضلينة نمشي بالربع ساعة بتعدنا من عدهم بس بعدنا نشوفهم كبالنه.. لكينة سد وينزل منه المي بس شنو المكان يجننن كعدنا هناك نتأمل المكان ونباوع وجان سويرة تخرب ام الاجواء..

سارة: هذا قاسم مااعرف شلون يفكر ميستحي جاي وجايب اصدقاءه وياا ميكول عيب من بيت عمي وبناتهم وخطارهم يريدون ياخذون راحتهمم..

مها: الصراحه هذا ابن عمج مااعرف من يااطينة كلش ميستحي اني خفت منه لان من شاف رهف نزلت ضحك بمكر بس لايسوي شي غلط والله ايدي على كلبي..

رهف: خيولي شحده والله افضحه واخززي بس يقترب منيي...

قاطع كلامنه احمد يمشي بتجاهنه من وصل اشر بيدة..

احمد: حجي سلطان يكول تعالو يمنا هناك لاتبتعدون..

ضيقت عيني وباوعتلة بتركيز من شافني هيج اباوع اشررلي وهوة يكوول..

احمد: ها ها ها شكو نعم ليش هيج تباوعين..

رهف: انت متأكد خالي هيج يكوول مااصدك مو من عوايده يقيدنا..

احمد: شنو يقيدكم قابل كال تعالو اكعدو ولاتكوموون غير شافكم بتعدتو وكال خليهن يرجعن هنا...

سارة: امممم حجي سلطان كال لو واحد عاشق كال...

ش*هذا خززرها خززره خلاها على صامتت رديت علية بسررعة..

رهف: دروح انت واحنه نجي وراك..

دار وجهه للجهة الثانية عبالك ماحجيت وياا وكفت على حيلي وهنا كامن وياي كتلهن..

ـ يلة خلي نروح انشوف البنات لساهن تعبانات لو ارتاحن..

ضلينة نمشي واكو نزلة كلها حجرر تخووف من ننزلها نزلنه شوية شوية وهوه ورانا ينزل على كيفه التفتت واشووفة يباوعلي بتركيز وعينه شوية وتطلع من مكانها تقرب مني باوعتلة وكتله بدون مااحسب حساب الكلامي..

رهف: متمشيي شبيك تمشي ورانا وتحول وجهك عبالك واحد سكران..شنو مابيك حيلل تمشيي

رد علية وصوتة تغير وصار هادئ حيل كوه ينسمع..

احمد: هوه انتي بقيتي حيل اخذتي كل حيلييي.. بعدين انتي وين شايفة السكران..

رهف: مااشايفة وامشي عدل ولاتحجي وياي صوتك كوه ينسمع..

احمد: دروحي مني يابنت الناس بقيتي صوت بقيتي حيل.

هزيت بيدي وعفتة وركضت وياالبنات شوية وصلنه يم البنات وكفت كبالهن وكتلهن..

رهف: هاا عجاايززنا ماارتاحيتتن كومن خل نلعب..

ردن علية بخمول وتعب....

ـلج حيليش شايلة ماتملين من العب والركضض اكعدي هنا خلي انسولف..

رهف: ادري ممليتن من السووالف النهار كله بالبيوت اسولفن احنه هسة سفررة نستغل الوضع ونلعب كوومن..

ـماانكووم بابا تعبانين من الطرريق..

رهف: اووي اروح العب وحددي والتريد تجي هلا بيها..

اخذت طوبتي ورحت المكان واسع ومفتووح خليت الطوبة وضليت العب وحدي شوية واجتي مها ضلت تلعب وياي ولحكنها بنات خالو هلال وبنات ابو احمد وسوينا فريق وضلينه نلعب نلعب الى ان هلكنه رجعنه المكانة حضرنه الكرزات والحلويات واكلنه والعصايرر شربنا ارتاحينة ربع ساعة واني كل شوية اكلهن خلي نكووم نتوونس وهنا تخبلنن ويصيحن تعبانين ولجج..

شوية وصاحت علية امي ومرت خالي..

ام رهف: رهف اكعدي ولاتتحركين بعد شوفي وجهج نكلب احمرر تعبتي حيلل اكعدي وسكتيي لو اله تتمررضين..

سناء: بلاعيمج اقل برردة يهيجن عليج اكعدي يخف حمار وجهج ورجعي كووميي...

انجبررت اكعد وكل شوية اكول للبنات نكوم وهنا ولايقبلن اخر شيي مليتت منهن وطلعت روحي اخذت سارة وبنات خالو هلال ورحنه نلعب ركيضان من شافن البنات العبة شلون حلوه كل شوية ضلن تجي وجبة شوو احنه نلعب ودخل علينة قاسم وجماعته عود يلعبون بالجهه الثانية وكل شوية داخل ويانا يريد ننطي وجهه بس ولا وحدة رضت علية وكل شوية احمد جاي ساحبة ومررزلة ولا يتووب.. شوية وجاب طووبة بحجت يلعبون ويضرربها بينة.. شاطت روحي علية وهواي تحملتله.. بعيني يااقااسم اني اخليك توصل يمنه بعد دصبررلي شلون راح اخليك تشرد من المكان بكبرره ركضت اخذت سجينه من السفرة وخليتها بجيبي اليوم ناوية اخلص منه ضميتها بين ملابسي وختلت بصف الشجرة شوية وصار كبالي طلعت سجينتي وووو....

توقعاتكم...

يتبعع...

♡♡♡♡♡♡♡♡♡♡♡♡♡♡♡♡♡♡♡♡♡♡♡♡