ألمي وملاذي

البارت الخامس5

السلام عليكم ??

★#ألــــمـــي_ومــــلاذي★

★البارت الخامس 5★

★#الكاتبه_ام_كرار★

وخلينه النوارِس ع الحچي شهود

ودفنه أسرارنه بـ في البساتين ❤️

♡♡♡♡♡♡♡♡♡♡♡♡♡♡♡♡♡♡♡♡♡♡♡

سارة..

كل احنه ملتمات نلعب ونركض ومنتظرين رهف تستسلم لو بت خالها بس ثنينهن وحدة اعنادها اكثر من الثانية شوية وسمعنه صوت صفير ركضنه المص*ر الصوت لكيت رهف وجهها احمرر وتباوع بوجهه احمد بغضب وحقد ضحكنه بعلو صوتنه لان هواي تعبنه وفرحنه لان انتهت العبة طلعن روحنه منا لمن فضنها خوو بطني تبجي من الجووع..

مندمجين نضحك ونشاقة وماانشوف غير رهف ركضت بكل سرعتها الناحية الثانية كعدت بالكاع اضحك عليها هل بنية ماتحب الخسارة وحتى ماتض*بها بت خالها سوت المستحيل وشردت..هذا عتقادي بس المصيبة من بت خالها ضلت تبجي وبعلو صوتها صدمتنا صرخ احمد بوجها..

احمد:هاا سالمين شكوو..

مها:رهف مادامها مااذت واحد بيكم معناها راحت بيها وراحت تأذي نفسها..

رجع احمد ضرخ عليها بعلو صوتة..

احمد:انتي تحجين صدك لوتشاقين شهل حجي لاتخبليني..

مها:وانت شدكول وجهي مال وحدة تشااقة هااذا طبع رهف من يفوز احد عليها وتنقهر هيج اسووي تتهرب وتأذيي الأذاها لو تأذي نفسها...

هية كملت كلامها واحنه نكلب حالنه نخبصنا خبص ركض احمد يريد يلحكها ويشوف مكانها وين صار ماكو فص ملح وذاب ضلينا نفتر بالبستان ونصرخ ونلج بأسمها وماكو لاصوت ولاخبرر..

دقايق ورجعلنا احمد ايد ليورة وايد ليكدام وصايرر نارر بركان على اي لحضه واقل غلطة ينفجر بينة..

احمد: لمن غرراضجن هاي الخبلة مو بعقلها مااكو اختفت شنكول للعالم شنحجييي الخالها وين صاارت اذا امها تسمع يصير بيها شي والله ..

شو بنات خالها تربعن بالكاع وضلن يبجن عبالك ماتت البنية وعلى بجيهن بجينه.. وهذا انفجر..

احمد: شكووووو نعمممم تربعتن وناقصجن ملاية ودكن وتلطمن على بنية.. امشن خلن النسوان ترجع وكلولهم رهف تخربطت واخذنها بنات ام احمد امشن..

رجعنا عليهم كنالهن ورفضن نسوان خوالها يوصل الخبر الامها فضلينا ساكتات بس بدون كلام لمينا السفرة ورجعنا للبيت وصينا البنات من ام رهف تسأل يكلولها راحت ويا بنات ابو احمد..

اول مارجعنا كدرن يقنعن امها ويانا بس بعدين ضلت امها تلح وكلبها علمها بتها ماكوو..

واحنه راجعين ماادري شلون تقابلنا وياها وشافت رهف ماكوو تخبلت..

ام رهف:يمه بنيتتيييي وين موو ويااجنن احجنن..

دنكنا راسنا خجلانين منها وضاع الحجي منا..رجعت باوعت على احمد وسألته..

ام رهف:يمة احمد وينها بنيتي مو كالن البنات وياكم..

احمد:اي اي لايضل بالج بس هية سبقتنا للبيت ياله امشونا..

مشت ويانا بس مامصدكة كلامنا ابد وعيونها تدرس تحركاتنا..

قريب مانريد نوصل للبيت وهذني ماكدرن يسكتن..

وفاء:عمه ترة رهف ضايعة دورنا ومالكيناها فص ملح وذاب...

صرخت بصووت وضلت تخرمش بوجها وتحجي بحركة كلب..

ام رهف:يمة بنيتي الوحيدة طلعت بيها بعد 9 سنوات انتظار كلشي ولا رهف وينها بنيتي وينهاا..

احمد:صلي على محمد خالة وكولي ياالله ماراح ارتاح ولا اكعد اذا مالكاها ادور بكل مكان الى ان الكاها اطمني..

عافنا مقابيل بابنا وراح يدور.. ضلينا نواسي بام رهف ونحاول نخليها تسكت اخذنها نسوان اخوها وراحن للبيت..واني وخواتي وبنات عمي كلمن راحت البيتها..

دخلنة وجوهنا لونها مخطوف ومانعرف شنحجي وشنكول الامي والابوية..ف*نا وجان شاف*نا امي وتأشرلنا نسكت تفاجئت من حركتها سألتها افضول..

سارة:شكو يمة اصايرر..

ـــــــــــــــــــــــــــــــــــــــــــــــــــــــــــــــ

رهف..

استمرريت اركض الى ان بعد مااحس بررجليي والهووه ضاك بص*ريي وكووه اجر النفس واحس الحررارة تطلع من عيني ودموعي حجبن نظررييي بعدها فقددت مااحسيت بأي شي....

ماعرف شكد مر من الوكت فززيت على مد بارد ثلج نشمر على وجهيي رغم شتا والجو ثلج بس الحرارة اكلت جسمي اكل فتحت عيني مفزوعة صار مقابيلي زلم مبينين فلاليح ونسوانهم كلهم فوك راسي اريد اكوم مااكدر جسمي كلة يوجعني عبالك مكتولة نزلن دموعي بخوف واني اتلفت اريد اشوف احد اعرفة ماكوو سئلني واحد من يمهم..

ـ يابا انتي منين وشلون وصلتي هنا..

استمريت ابجي خايفة وعقلي مايجمع الاجوبه اريد بس اصحه واركزز ماكو... من شافوني هيج ركضت وحدة من يمهم وجابتلي كلاص بي مي شربتة وغسلتلي وجهي وضلو يباعون بوجهي منتظرين جوابي..

رهف:اني اقارب بيت ابو احمدد الي بذاك الاتجاه..

ـ اه وجابج اهنا بوية بعيد الطرريق..

رديت علية بتلعثم..

رهف:جنت العب بعدين ضليت اتمشى وماادري شلون وصلت اسفة دوختكم وياي ..

وكفت اريد اروح وكعت بكل قوتي بالكاع راسي يريد ينفجر وجسمي يوجعني نزلن دموعي بتعب اريد امي هسة اصار بيها..اجه ابنهم كال..

ـ كومي خوية اني اوصلج الطريق طويل وانتي مابيج حيل دكوومين اني اندل بيت ابو احمد..

رهف:لالا مااريد اني اروح هسة اكووم..

حاولت ارجع اكوم ماكدرت تقربت علية وحدة من النسوان سندتني وكومتني وهية اسمي بأسم الرحمن صعدوني بالسيارة وطلع وصلني للبيت اريد انزل مااكدر عاد هوة انقهر علية..

ـ كعدي هنا خوية هسة اني ادك عليهم الباب..

مااكدرت حتى اجادلة لو ادلي على بيتنة بالمضبوط استسلمت وسكتت وهوة راح دك باب بيت ابو احمد طلعت ام احمد شاف*ني وركضت نزلتني وشكرت الولد وراح..

رهف:خاله وين امي اريدهاا..

ام احمد:وين جنت لج خالة فوتي وياي ارتاحي يمي لاتخلين امج اشوف حالج هيج تتخبل ويصير بيها شي والله..

وفعلا حالي جان مبهذل والتراب مالية ملابسي فوتتني كوه للحمام غسلت شلون ماكان ونطتني دشداشة من سارة وفوتتني بغرفة البنات لكيتها فارشتلي فراش بالكاع..

رهف:خاله امي ضال بالها هسة علية لازم اروح حتى غسلت اريد اروحلها راسي راح ينفجرر جسم هلكان..

ام احمد:دنامي هنا عيوني انتي لازم ترتاحين وجهج شاحب وامج مره مريضه اني هسة اروح احجي وياها انتي لاتفكرين..

هزيت براسي ونمت على فراش اريد الم راسي يروح لان احس راح ينفجرر نمت ها نومه نومه كعدت لكيت الغرفة ظلمة ودافية حيل فززيت وكمت على حيلي اجني البنات بالي اكيد هسة قلقانين علية..فتحت الباب صارن بوجهي وجوهن صفر وعبالك عدهن فاتحة بدون ميت ماهلكد خايفات..اجني اربعتهن سارة وامل وسما وغادة بسرعة بتجاهي حجت سارة بخوف..

سارة:اسويتي بينة رهف والله متنة من الخوف عليج كلووبنه رادت توكف واحنه انددور وفوك كل هذا احمد ضل يهدد بينة ويتوعد اذا صار بيج شي ماايمررها على خيرر..

من جابت سيرت هل احمد تخربطت كل اوضاعي وذكرت عملتة بية وشلون فاز بالرهن حترك دميي صرخت بوجها بدون وعيي..

رهف:وهوة منوو على اي اسااس هيج يحددجن الى متى تبقن بدون شخصية كدامه اني ضجتت شدخله هووه منو داك بابا..احجي واررجف فقددت من وره هل مايستحي شكد كرهته..كامت ام احمد خايفة عليه تحجي وتباوع على بناتها..

ام احمد:كتلجن ولجن يمه لاتفوتن وحدجن بالبستان دشوفن هل بنية شلون داست اووف منجن اووف..

وكفت تقرا ايات من كل عقلها على راسي وخايفة حيل وسمييي فوك راسي حضنتني تريدني اهدى وتروح الرجفه من جسمي..سمعت صوت طكطكه ونزلة من الدرج التفتت واشوفه كدامي ينزل والضحكه مرسومه على وجهه بشماته طلعتله سنوني بحركت نننن وهزيت براسي هوه نزل وكعد كبالي وكفت على حيلي اريد اروح وجوده ة وجهها يززعجني يخليني اختنك ويذكرني بكل الصار..

رهف:اني اروح خاله تعبتكم وياي..

لزمتني من ايدي وجرتني وكعدتني على قنفه...

ام احمد:لايمه الخاطري لاترحين هسة جسمج يرجف وضعج تعبان وفوكاها دنيا مغرب ابقي هنا يم البنات شوية واني اوديج بيددي..سوويتلج ذيج الشووربة التلوك الهل حلك..

شوو هية كالت هيج وهذذا ركزز على شفاايفي من كل كلبه وعيوونه تقلصن ويباوع بنظرات مااعرف شلوونهن عبالك واحد دايخخ خجلت حيل من نظرراته وبنفس الوكت لعبت نفسي منه..

رديت عليها بس اريد اطلع..

رهف:لا خالة والله تعبانه واريد اروح الامي هسة بالها يميي..

ام احمد:عيوني انتي اني رحتلها وطمنتها عليج وكتلها نايمة من تكعد تتعشه ويا البنات واجيبها بيدي..

رهف:خاله فهميني ماارتاح اله يم امي تعبانه حيل..

رد عليه بخوف وملامح وجها نكلبن من الضحك الى قلق..

احمد:اه ليش تعبانه شبيج شيووجعجج..

اجاهلته ولاكأنما حجه هل مايستحي كل الصار بية بسببه..بيني وبين نفسي حيل اخذت بخاطري يعني امي ليش ماتجي تشوفني متكول العالم غربة شنو شيكولون علينه ماصدكت تخلي بتها يمنه..دخلي ارجع لااهرج الدنيا عليهم..

ام احمد:الخاطري ابقي يمنه بس تعشي وروحي..بداعت ابووج..

اجمع الدمع بعيني حيل محتاجه ابوويه مشتاقتله ومشتاقة الدلاله لو موجود ماجان صار كل هذا تلاث اشهر مشايفتة ولاسامعة علية خبر يفرحني العرفة هوة ضابط بالجبها.. نزلن دمووعي بدون مااسيطرر عليهن وضليت اشهك بالبجي هية من شاف*ني هيج ارتبكت واصرت عليه اكعد يمهم ومااروح..ستحيت منها وكعدت واني امسح بدموعي واجر بيددي بس بالاخير نحرجت منها وكعدت..

ام احمد:رايحه احضررلج العشه خلي ناكل سووه اليووم..

هية تمشي وجان صاح عليها هوه..

احمد:حسبوو حساابي وياكم خلي ناكل نفتحت شهيتي على اكل..

ردت عليه امة وهية توزع بنضراتها بيناتنه..

ام احمد:خلي البنات ياخذن راحتهن وياكلن وحدهن واني وياك ناكل سووه..

كملت كلامها وراحت وهوه اتبعها وراح وراهاا..

اجت غادة شايلة الصوبة وامل فوتت الصينية مال اكل خلتها كبالي شوربة والكباب مال عروك وخضرة وكلاصات جاي وهذا يلوب يروح منا ويجي منا عود ف*نه بالغرفة وماخلصنة منا..

رهف: فدوة سارة سدي الباب هذا اخوج مااريد اشوفة..

ضحكت وكامت تريد اسدة وهذا خزرها ذيج الخززرة اجتي اطكطك من الخوف اني شفته هيج وكمت بكل عصبية وكفت وخليت عيني بعينة ورجعتلة نفس الخززرة وطبكت الباب بوجها ورجعت.. ومااحس غير الباب انض*ب بو** وصوت خطوات ..

رهف:الى متى تبقن هيج بلا شخصية ترة انتن ماتفرقن عنا هوة بشر وانتن بشرر بس باوع عليجن خف*ن شكو ياكلجن مثلا...

بعدني احجي وقاطع كلامي بصوتته منوره الباب..

احمد:حجي يفيدج دقووي نفسج واجهيني مو تقوين بخواتي بس حجي هل بنية..

مارديت علية وستمريت احجي وياالبنات وهنا ولاصوت يخافن يسمعهن ويحجي عليهن كملت كلامي بدون اخاف..

رهف:اذا تبقن هيج راح يززيد باهانتة عليجن اكثر واكثر وتبقن بدون شخصيةة..باجر عكبة من يزوج يزيد عليجن..

غاده:لا نعرف مرتة حبابة حيل وطيبة وراح تغيره الخاطرنا لان تحبنة..

رهف:وصلت الفكررة بس صدكن والله اخوجن ماازووجة لو شمايصيرر فنصيحة اذا بقة هيج راح تتعذبن حتمال حتى مرتة المااعرف ولاتعرفن منو هية راح تتعذذب بنسبة الي ماكو حتمال واحد بالمية اوافق عليه..

ردت علية سما اصغر من سارة..

سما:واني واكلج اصيرري اخوية واعرفة البراسة براسه ياخذج يعني ياخذج..

ضحكت ورديت عليه واني اض*بها بخفة..

رهف:الضاهر ماتعررفيني اني الأكولة يتنفذذ وعلى جثتي اصيرر لخوج انتي عايشة واني عايشة..وهسة سكتن خلي ناكل لان اني هوواي جوعانة..وريحة الاكل ماتتقاوم..

ختمناها بضحكة وكعدنا ناكل حيل طيب الاكل ويفتح النفس وهوه تقصد اكل من اكل امه حتى اشوف طيب حيل..بهل يوم هواي تقربت من بنات ام احمد وعلاقتنه قوت اكثر واكثر..شوية وفاتت امل بيدها كيكة احمد كايللها كعدنا ناكل ونسولف كل وحدة شتحب وشتكره وشتتمنى..وهذا العاشق كل ماينفتح الباب الكه صافن على باب غرف*نا ومبحلق..واني اكووم اسد الباب بوجها وهوه يشيل بروحه ويركعها..

باوعت على ساعة لكيتها بتسعة واني مااجتني خفت حيل خاف امي صاير بيها شي ومايكلولي والافكار تاخذني وجيبني حرت وخفت خليت البنات يكومن للماعين يرتبنهن وجريت سارة ادري بيها ماضم علية اي شي ماتكدر تلزم ال**نها كدامي وتكت الاول والتالي ..

رهف:سارونه حبيبتي صاير شي وماتكلولي امي ليش الحد هسة ماجايتني وصار بعد ماركضت..

ساره:لج نخبصنا خبص بالخصوص احمد..ابديلج من البداية بس كليلي هاي رجلج من شنو مصنوعة شو من تركضين بعد ماتنشافين بس ترابج يلمححح..

رهف:غير تحجي بدون لف ودووران..

ساره:راح احجي اهددي نوب لاتتخبلين علية اخاف منج..شوفي بعد ماشغلتي المحررك احنه هنا نصدمن و........

كعدت سارة تحجيلي كل الصار من وصلت يم امي كتلها وتالي...

سارة:ف*نا وجان امي كالت اسكتو يابا شكوو..

ام احمد:رهف جابها بيت ابو مازن متخربطة وضايعا بالبستان الف الحمدلله خابرني ابوج قبل لايجيبوها ورجعت للبيت..

كعدنا سولفنا الامي كلشي صار وومن خلصنا عاف*نا وراحت طمنت امج وكالتلها ترة متخربطة مو ضايعة..وكالتلها بس تكعد تتتعشة ويا البنات ورجعها واحمد رجع متخبل علينا ضل يحجي ويغلط وكال الامي تفوت اشوفج مصخنة تهذين لو لا.. فاتت امي يمج شافتج شوية وطلعت كالتلة مصخنة بس ماتهذي عافها وصعد فوك.. وهذا كل مافي الموضووع...

عفتها وكمت للمطبخ لكيت ام احمد تشرب جاي..

رهف:خالة مو كلتي اهدي وتعشي واخذج يلة فدوة نعست وتعبت اريد ارتاح واطمن على امي..

ام احمد:اي يمة هسة البس عباتي واوديج بيددي..

خطية كامت ولبست عبايتها واخذتني اول مدكينا الباب طلعت مرت خالي مبينة ضايجة سلمت على ام احمد وهية هم سلمت وكالتلها..

ام احمد:هاية امانتكم عيوني انتو بالحفظ والصون اني اترخص..

عاف*نا وراحت البيتها اول مانسد الباب لزمتني سناء مرت خالي سلطان من ايدي وفوتتني جوة خلتني كبال امي الشادة راسها نزلن دموعي ونزلت راسي صاحت بية اميي..

ام رهف:تعبتيني هوواي رهف كبرتي و**ررتي ضهرري ومستمرررة تخوفين بيةة من ضجتي ونقهررتي ليش مارجعتي علية ليش رحتي وركضتي بمكان متعررفي هاا ليشش..

رهف:فقددت والله ماادري بنفسي مو تدرين بية من اعصب افقد التفكير وهذا الصار..

ام رهف:يابا وداعت غلات ابووج المااعرف اخباررة اذا عدتيها لو سوويتي مشكلة ياارهف اوصلها الخالج واخلي هوه يصررف وياج لان تعببتت انيييييي تعببببتتتت تفتهمين انتي لو لاا...

هزيت براسي وعفتها وفتت للغرفة شوية وفاتت علية مها حضنتني بقووة..

مها:وكفتي كلبي عليج امانة لاتعيديها رهف..

رهف:اسفة والله اسفة خووفتكم..

مها:مصار شي هل مرة والقبلهن عدددن سلامات الله يستر اذا تغلطين بعدد ماكو احد راح يوكف وياج خليها ابالج..

رهف:اي ادرري اذا صادف هيج موقف بعد راح احاول افكرر واتحكم بعصابي الخاطر امي..

صاحت مرت خالي على مها سلمت وراحت واني نمت نومة من كل كلبي..

مر اسبووع هادئ خالي من المشاكل بس لاحضت قاسم ابن عم احمد يترردد بكثرة رغم جنه قبل منشوفة ولانعرفة ومرات اشوفة يسولف ويا بنات خال مرت خالي..عادي عدهن يسولف وياهن كل ضنهن حباب ميدرن بي ثعلب..

ومثل كل يوم اطلع الصبح اكعد يم الساكية شفت احمدجاي من بعيد ويا بت عمة شايفتها قبل اسمها فاطمة سويت نفسي ماشفتهم تعدوني وفاتوو..

شوية وطلعن البنات يمي مثل كل يوم سوالف وضحك..للضهر دخلن للبيت اجتني سارة كالت..

سارة:يمكن باجر مااطلع لان فاطمة راح تبقة يمنه هل اسبوع تغير جوو..

رهف:اي براحتج اني موجودة شوكت مترديني..

هزت براسها وعاف*ني وراحت وياهن..وبيوم جنت رايحة اكعد يم الساكية لكيت سارة وفاطمة يسولفن سمعتها تحجي ويا سارة وتكللها..

فاطمة:تره هل رهف الله ميجرعها ومبينا مامترباية انتي شكو تخليها تتحكم بيج..

سارة:لاترة صح هية عدها نوع التحكم والتملك بس كلبها حيللل طيب..

ماردت اسمع بعد لان وعدت نفسي اتحكم بعصابي ومتأكدة اذا ابقة اسمعها تحجي علية راح العب بيها لعب واخليها درسس للباقي..

بس القهررني سارة بدت تسمع الكلامها ويوم عن يوم بدت تتغير علية وتبتعد مني..وبيوم جنت كاعد الون اني ومها ونسولف اجتي سارة وجهها مايتفسرر من الضوجه حجيت وياها بضحكة..

رهف:ها ولج وجهج مكلوب عبالك وحدة مضروبة بووري من هذا التمام..

شو هاي تقدمت علية بسرعة ودفعتني للكاع...

ياترة شنو الصار والنحجه وصل سارة الهل مرحلةة..وياتررة شنو راح تكون رد فعل رهف..وشراح يصير بالايام القاادمة؟؟؟

يتبع....

♡♡♡♡♡♡♡♡♡♡♡♡♡♡♡♡♡♡♡♡♡♡♡