ألمي وملاذي

البارت الرابع 4

السلام عليكم ??

★#ألــــمـــي_ومــــلاذي★

★البارت الرابع 4 ★

★#الكاتبه_ام_كرار★

صعب من تغلي بيك النار

بس تخجل تصيح ال آخ

حــد مـــا تــبدي تتبــخر!

♡♡♡♡♡♡♡♡♡♡♡♡♡♡♡♡♡♡♡♡♡♡

رهف..

سارة البنت الثالثة من زوجة ابو احمد الصغير...ام احمد جانت المفضله عنده لان جانت سباعية ونظيفة وحلوه ومثقفة حتى بالبداية عبالنه هية مو من يمهم بس بعدين طلعت اقاربهم ونفس البيئه متربيه وياهم...لفت انتباهي بنات ابو احمد الباقيات حيل معتزلات حتى امهاتهن ميختلطن يمكن لان ضراير مااعرف بس كل ماافوت للمطبخ اسمع ام احمد اتوصي امل وساره عليه بس باقي بنات ابو احمد يحاولن يبعدني عنهم اني لانحاز الهل جهه ولا الهااي احجي وضحك وياهم كلهمم..

وكفنا بالمطبخ انساعدهم كل احنه امي ونسوان خوالي لان العدد كلش هواي ومايلحكن وحدهن ولو هنا ابد مامقصررات من يلزمن الشي يلوفنه لوف وبدقايق كلشي يكمل بس الواجب يبقة واجب..

بس شوية وبدو ولد عمهم يدخلون كل شوية للمطبخ بدون لااحم ولادستور ونصهم عينهم موراحه من شافت امي ونسوان خوالي هيج الوضع اخذتنه مرت خالو وام احمد نفس الحاله ماارتاحت تخلي بناتها يباوعون عليهم جمعوونا بغرفه ومنعنا نطلع..احنه هم ماكلنه باطل كعدت بالغرفه تعرفت عليهم اني وبنات خالي همه هواي ماشاءالله شي حفظتهن ونص طارن من بالي..

بوقت الصببب مال اكل راحن بناتهم وبقينه بس اني وبنات خووالي وهذني شتغل عدهن الملل..

افنان:امشي خلي نطلع بالممرر نباوع عليهم مو مليت وبززعتت..

رهف:لاهاي هيه حتى امهاتنه يحجون علينه..

افنان:مو كلهم طالعين شنو احنه المغضوب علينه منطلعع..

رهف:روحن انتن اني طلعه مااطلع من دون شي طالعه روحي منهم وكاعده على عصابي..

وفاء:منروح يمهم نوكف بالممر نباوع من بعيد لاصيرين جبانه..

رهف:ماشي نروح بس بالممر ماكو غير مكان بعد فتهمتن..

هززن براسهن وطلعنه وكفنه بالممرر صار المطبخ كبالنه النسووان يصبن والشباب ياخذون..شوو مانشوف غير ابن عمهم بحلق عيوونه وفتحهن على وسعهن يباوع ويبتسم..من شفته هيج صحت..

رهف:خليي نفوت يمعودات شكله مو راحه لاتنشمر مصيبه فوك راسنا..

افنان:دروحي مني رهف قابل ياكلنه هسه شويه ويرروح ونطلع احنه ختنكنه..

عفتهن وفتت للغرفه انتضرتهن دقايق وفاتن ركض وجوهن صفرر يتراجفن..سألتهن بخوف..

رهف:ياستار شبيجن خوف*ني شكلجن مو طبيعي..

وفاء:لج عيني شو هذا ضل يأشر ويتغامزز شكد ميستحيي..

عطت بيهن بعصبيه..

رهف:رتاحيتن هسهه من وصلتن واحد حيوان مثل هذاا وخليتنه يصجم ويتحرش براحته..

افنان:شمعرفنه راح يصيرر هيجج والله بس ردت اشووف ونررجع

عفتهن وطلعت شايطة باوعتله ضل يأشررلي براسه عود لحكيني. اني مشيت بالممرر بدون صوت وطلعتله شوية واجهه ضليت واكفه على اعصاابي اغللي من حركاته التافهاا..

اول ماوكف كبالي هوة وضحكته التافها صحت بي بغضب..

رهف:مو عيب عليك متستحيل احنه خطار ببيووتكم وانت هيج تصررف وياانا وين رجوولتك..

ـهوب هوووب شبيج شتغللتي منين تطفين انتي شمسويلج تره كلها تعاارف مابيها شيي..

رهف:اي عادي عندك الشباب لعد يتعرفون على خواتك..

اني كلت هيج وهذا ضل يتقرب اكثر واكثر ماضل بيني وبينه مسافه حيل كصيرر دفعته بكل قووتي وصحت بصوت..

رهف:اياااك اتمدد ايدك عليه ا**ررها الك وخرر من طريقي..

شو هذا هجمم عليه وفرر ايدي يريد يوكعني بالكاع اني تخبلتتت دفعته بكل قووتي وكلبي يدك طبول من الخووف ركضت اريد افتح الباب واشرد مااحس غير جرني حيل من شعري احس قبق راسي انشلع صرخت بكل قوتي ودفرت الباب حيل برجلي صار صوت الباب اقرب لصوت الانفجارر هذا من سمع الصوت عافني وشرد من عافني انجبحت على وجهي ضليت اناشغ وابجي رفعت راسي لكيتهم كلهم ملتمين بالممر تقربت ام احمد شالتني وهيه تعدل بملابسي تستفسر مني..

ام احمد:يمه الرحمن عليج شوداج بنيتي وره البيت..

مسحت دموعي ورديت عليها..

رهف:جنت العبب وزحلكتت..

مااعرف ليش ماكلت الحقيقه بوكتها صح الكل صدك بس امي ابد ماصدكتني راحو وهيه ضلت يمي سألتني...

ام رهف:شبيج رهف منو سوه بيج هيج شهل حاله الانتي بيها..

رهف:مو كتلج يمه وكعت حيلل..

ضلت نظرات الشك بعيونها هربت من نظراتها وختلت بالغرفه.. ماكو ثواني ودخلتلي رزلتني وحذرتني مااطلع بعدد.. بس اني شنوو خليته براسي اخذ حقي يعني اخذ حقيي شويه وجابو الاكل تناسيت الشغله لان التمينه سوالف وضحك.. كملنه ساعدناهم بالماعين بس اكيد اني معليه.. ردنا نطلع وابو احمد ضل يحلف بينه وبخالي اله نبقه على عشه وفعلا بقينا احنه واقاربهم هما ماشاءالله متمكنين حيل تعشينه يمهم ورجعنا للبيت كعدنا كل احنه سووه وضل خالي يسولف على ابو احمد شلون رجال متمكن عنده كيعان بشهربان وغير محافضة وعنده عمارة بغداد وحجالنه شلون يساعد اخووته من يحتاجون.. اني نعست شويه وعفتهم وفتت نمت..

كعدت الصبح كل عاده مااتريك شايله فقرة الريوك من حياتي.. ضليت افتر واسولف ويا نسوان خوالي ونضحك ونحششش وهنا ينضفن... اخر شي عفتهن ورحت كعدت بصف بت خالي سلطان اسمها قبس مثلي هم تحب تضحك وتشاقه.. اول مشاف*ني ضحكت وكالت..

قبس:هاا ياستار من الصبح بس لامسوية مصيبة وراح اشاركيني وياج..

رهف:كلامكم هذا يخليني اشوف نفسي لان تعرفين احب الكل يخاف مني مااحب احد اذكه مني..

قبس:تعلمين بيج ادري يختي ادرري..شعجب بس اليوم مو مثل باقي الايام احسج مرتاحه..

رهف:اي قابل شعنددي مررتاحه والحمدلله..

قبس:شنو رأيج نطلع اليوم للبستان وناخذ غدانه ويانا..

رهف:اي ليش لا هسه اكول للبنات ونجتمع..

قبس:اي خلي نشبع من هل جوو الحلو قبل لانررجع..

رهف:دخلصي البيدج اني رايحة اكول للبنات لاتتأخرين..

عفتها وطلعت صار مقابيلي الديوانيه مال بيت ابو احمد وطلع منها ابن عمهم قاسم اذكررت اسووه بيه الباررحه هوة بدون خجل ضحك بوجهي بخبثث عفته واريد اروح بتجاة بيتنه وكطع طريقي..

قاسم:هاا شو خفتتي..

رجعت للخلف ونترت بوجهه..

رهف:من شنو اخاف اني مااعرف شنوو الخوف شايلتة من قامووسي فك عني وعوفني لا اصرف وياك غير تصررف..

قاسم:الله شكد احب الصللفه امثالج..

خلاني اغلي صرخت بي..

رهف:احترم نفسك والززم حدودك شو انت ماتستحيي..

قاسم:اكلجج تعاي نكمل لعبنه مال البارحه بيت ابو احمدد هناك..

يحجي ويغمزلي بعينه رديت عليه بحركه..

رهف:شنلعب بابا انت ولد واني بنيه شرايد مني عوفني بحالي كتلك ولاتكبررها..

عفته واريد افوت للبيت لان من نضرراته تخوف حسيته صاحب حيله تحذررت منا وردت بس اشرد للبيت واخلص..

كطع طريقي وكف كبالي ضليت اتلفت خاف احد يجي لان بهل وكت دائما ام احمد وبناتها ينظفن ويفترن هناا..

قاسم:ليش تتهربين مني تعاي ويااي اذا ماندمجج اليووم..

شو هذا يجرر بيددي عرفت نيته مو سليمه خفت حيل من حلات روحي صررخت صررخه من كل كلببييي وبعلوو صوتي..هووة مثل الطللقه فك ايددي وشرد بكل سررعته..بثنااء روحته وعلى صرختي طلعو بيت ابو احمد كلهم من ضمنهم احمد وابو احمد الجان نايم خطيه اجه مرعوب ويسألني شبيج وشبيج بنيتي رديت عليهم وجههي اصفر مخطووف لونه..

رهف:نلوت رجللي اسفه ضوجتكم عذروني..

امل:لا يمعودة ماضجنة بس خوفتينا عليج تعاي اوديج البيتهم..

رفعت راسي اجتي عيني بعين احمد مقلص عينة ويباوعلي بتركيزز بمعنا ماتعبرر علية جذبتج..

عفتهم ومشيت ولااراديا قارنت افعال احمد ببن عمه قاسم شكد احمد يلحكني ويحجي بس ولامره اذاني او حجه كلام مو حلو وياي وفوك هذا كله اذا اتأذه يتخبل عليه..اما قاسم يتعمد يأذيني هاي بكفه ونظراته الي وحتى البنات عمة ابدا مو حلووة..

بس هنا يعرفن اطباعهن ويعرفن شلون يفرضن حترامهن كدامهم كلهم وغصبن مااعليهم...

رجعت للبيت ملامحي مال وحدة مااكلتلها صدمة فتت بدون ماانتبة انض*بت بمها بت خالو شاكرر..

مها:ايي دنتبهيي رهف شبيج مصدومة..

ارتبكت ورديت بخوف..

رهف:مابية شي بس اتفقنا اني وقبس ننجمع ونطلع للبستان اليووم..

ضلت اسووي حركات بوجهه عود ممصدكتج..

مها:حتى جذب متعرفين اجذبين عليه احجي شبيج.

رهف:انتي مترريكة..

مها:ايي بس عادي اعيد وياج اتريك..

رهف:تعاي نتريك لعد واحجيلج كلشيي..

ف*نة اني وياها حميت الجاي وحضرت صينية الريوك وتربعت اني وياها بالكاع ناكل وبديت اسولفلها من العززيمة الاخرر مووقف

مها:ديرربالج رهف لايروح يأذيج بعد نهائيا مطلعين وحدج رجلي على رجلج دائما ترة هذا مبين موزين حتى اني انتبهت علية وعلى نضراته علينة وعلى بنات عمة مو حلووة..

وفعلا سمعت كلامها وماطلعت بعد غير بس من يطلعن هنا مجمووعات..بيومها التمينا كل احنه ورحنه للبستان فرشنا سفرة والاكل والحلويات والحب ودك سوالف واكل..من رجعنه للبيت لكينا ام احمد يمنه سلمنا وكعدنا..

ام احمد:ها يمة توونستن لا..

قبس:اي والله تونسنا هل جوو ماينشبع منا نريد نتونس قبل لانرجع لبيوتنا ويرجعون يحبسونا..

ضحكت وردت عليها بضحكة حلوه..

ام احمد:مو تدللن باجر اخذجن بسيارة بس هنا يمنه شلون منطقة غابات وبنصها سد نهر جاري كاعة ناصية وميه قليل يوصل للركبة اسمة (الصدور)..

طررنا من الفررح وحيل اشووقت اشوف هل مكان وخاصتن من وصفها مبين يخبل هل مكان..

الثاني يوم حضرت امي ومرت خالي سلطان سناء ومرت خالي شاكر لفات كباب عروك وكرزات والحب جابتهن ام احمد ورحنه كلنا حتى بنات عمهم اجني ويانا اريد نصعد بالسيارات جابولنا هاي السيارة الصير بيها بديي جبير ليوره كل احنه نصعد بيها حتى هاي اله تكفي ومااشوف غير استاذ احمد طلع معزب من البيت نزلت من السيارة ودكيت رجل بس يجي ويانا اني ماروح..هوة من كلت هيج عيونا ضلت اشمررر شرار من العصبية واني رغم منظرة يخوف بس اصرريت على موقفي مااطلع يعني مااطلع ويااا..

ضلن يضحكنن من ردت افوت للبيت لزمني البنات من ايدي وكالن خلي نروح مشيي..وفعلا هوة اخذ وجبة واني وكم وحدة رحنه مشي بالبستان مال ابو احمد جان اكو مشرروع ف*نه من يمة وضلينه نمشي وصلنه البستانن كلش جبيرر حجت امل..

امل:هذا بستان خوالي اكبر من مالتنه واحلة من بستانه..

تمشينا من المزرعة ورحنه علئ بستان وعلى جههة الثانية بيوتهم بعدها مشينة وصلنة يم ينبووع مي همة بشهربان معروفين بالمياة الجوفية هواي عدهم ينابيع..

وفعلا يخبل وداير مدايرنا زارعين الطماطة والبيتنجان والخيار وعلى صفحة الخضررة والنعناع والكرفس والروائح تخبل مال زرع..ضلينه نمشي الحد ما وصلنه وهمة اجو واحمد راح..فرشنه السفرة ورتبنه الاكل وكعدنا سوالف ووضحك واكل والنسوان الاخبارر نيووز اني والبنات ناصبين عليهنن..

قررنا نلعب ونتونس بعدها ناكل كمنا رغم احنه شابات بس ماخلينة لعبة تعتب علينة من الركيضان والختيلان الى لعبة علمني عليها بنات ابو احمد وهي (صكله)عبارة عن مو شخص يركض وره الثاني لا لازم اشلع مثل العوودة واذا توكع بوحدة بيهن معناها خسررت ولازم اكمل كل العدد..شكد تونسنا العب والضحك ماينمل ويااهم جنت اني ومها وسارة فريق واحد نركض ونلعب شكد حاولن يلزمني بهل لعبة ويفشللن لان جنت كلش سرريعة وفوول نشاط عنددي خبلتتهنن بلعبب الحد ماصار دوور بت خالي رنا عرفت راح تحاول تلزمني اني اول وحدة ركضت بكل سرعتي عبررت حتى شلتي ادري اذا اختل بين العشب بسرعة تلكاني قررت اختل بالبستان بين الاشجار ركضت وصرت ورئ الاشجار واراقب بيهن من بعيد شوو هاي البنيه لزمتهن بكل سهولةة خطرة هل رنا اريد اتقرب واخاف وارجع اخر شي لزمتهن كلهن وبقيت بس انتي ابد ماتوقعت اني بالبستان من التعب شوية اوكف وشوية اكعد على طابوكه واني خربانة ضحك عليها..ضليت لااني المستسلمة ولا رنا المستسلمة والبنات شوية يتوسلن بيها تستسلم وشوية يتوسلن بية استسلم..نوب صار على لعبة نص ساعة والانتظار ممل..ومااسمع غير صوت حيل قريب يمي وعبالك كاعد بصفي يكول..

ـ مامليتي مو طكت روحي من الانتظار..

اجه ابالي انكشف مكاني ضجت حيل التفتت واشوف احمد كاعد بصف الشجرة الخاتلة يمها اني رديت علية بصدمة..

رهف:انت شسووي اهناا لحكتني..

احمد:وراج وراج يحلوة والززمن طويلل..مااعووفج وجيبج للدررب واخليج بحضني لوو اخرر يوم بعمري..

رهف:لاتحلم زايد لو اخر شخص بالعالم انت مااصيررلك فعوفني بحالي وكفيني شررك ترة مالي خلكك ابد ابد ابد..

احمد:هسة نشووف بعددين شلوون اخليج تحبيني وتتعلقين بيه..

رفعت تك حاجب وسويتلة حركة بمعنى من كل عقلك..(رهف سوتها انتو ليش تقلدوها ههههههه)

عرف معناها ورد علية بسرعة..

احمد:نتراهن اخليج تحبينييي..

رهف:شلون يعنيي..

غمزلي ورد بضحكة..

احمد:اذا تلززمين معناها انتي الييي شدكولين..

ضحكت ورديت بثقة..

رهف:كلش حلوو اذا ماالزم تطلع من حياتي نهائيا..

رجع ضحك بصوت اعله وهز براسة وكف على حيلة وصووفرر بصوووت عالي خلة رنا تركض لتجااهي...

اجتي ولزمتني وضلت تضحك هيا ويا والبنات عليه اني طبكت عندي الفيووزات ومحد يعررف من تضررب شيصير بية غير مها.. من اوصل الهل مرحلة وخيبت المل والقهرر ياكلنييي افقد لو أذي المقابيلي لو أذي نفسيي من حركت كلبييي نزلت دمووعي واني اباوع بوجهاا وبحركهه سرريعة ركضت بكل ماعنددي من قوووة حيل نهضمت وتعبت من عنددة اريد يعووفني بحالي مااريدة ولااريد غيرر صح عمري 13بس انيي طفلة يياناس اني طفلة مااريد ازووج كاافي رحموونيي.. استمرريت اركض وابجييي الى ان وصلت المنطقة كلها بيوت خفت احد يشووفنيي اتجهت بتجاه البساتين التفتت اتأكد مااكو احد وراية وفعلا مااكوو احد لحكني استمرريت اركض الى ان بعد مااحس بررجليي والهووه ضاك بص*ريي وكووه اجر النفس واحس الحررارة تطلع من عيني ودموعي حجبن نظررييي بعدها فقددت مااحسيت بأي شي....

ياتررة شراح يصيرر برهف ومنو راح يلكااهااا توقعاتكمم....

يتبع..

♡♡♡♡♡♡♡♡♡♡♡♡♡♡♡♡♡♡♡♡♡♡