Phišo - Puku Ya 4 Ya Kgokagano Ka Madi

Kgaolo ya 2-2

“Hei,” wa bobedi a goeletša, “mogwera wa ka o go botšišitše potšišo.”

“Gomme setu sa ka se be se swanetše go mo lemoša gore ga ke na nako ya seo.” Demon a ba lemoša gomme a retolla hlogo ya gagwe go ba lebelela. O ile a fana ka myemyelo ya bolotšana, meno a go tšwela ka ntle a phadima go lesetšana la go fifala la lebone la mmileng ge ba bona ditlhaka tše hubedu ka mahlong a gagwe. “Le ge go le bjalo, peakanyo ya matena le lena ka bobedi e kwagala e le bose.”

Damon o ile a šutha ka lebelo, a swara wa mathomo gomme a mo gamola gore a ome ka motsotso. O ile a tšwa kudumela ka lebaka la bohloko bja ge dipulete di thoma go tšwa ka lebelo gomme tša wela fase ka go thwanya ga metale ga kwagalo. Ge a sekamišetša hlogo ya gagwe morago, a sega gore a felelwe ke moya pele a lahlela monna wa go hwa maotong a gagwe.

Modumo wa monna wa bobedi a kitima gwa goga šedi ya gagwe gomme Damon a mo kitimiša, gapegape a gogela meriti kgauswi go fihla tšhalomorago ya gagwe. Bohloko le atrenaline le tšona di le godimo.

O ile a fihlela senokwane se segolo gomme a mo šala morago metsotswana ye mmalwa, a ipshina ka monkgo wa letšhogo. Ge monna a thoma go nyefiša, Damon a sega ka leswiswing a dira gore motho a thome go kitima ka lebelo gape. Ee, se ke seo a se nyakago… go thuša lefase go tloša dinokwane tša batho ba bophelo bja tlase mola yena a tšea madi ao a tsomago go fola.

Ka go tenega ka pela ka go mo kitimiša, Damon o ile a batamela monna gomme a mo kgoromeletša mokgothaneng. Katano ya motho e be e ele ye maatla go ka bolela seo, efela ge e bapetšwa le maatla a magolo a Damon … tetelo e be e le ye letetšwego.

Mafelelong, dikatano tša monna tša ema gomme Damon a mo lahlela khonkhoriting ya ditšhila. Ka nako ya katano, diphakete tše dinnyane tša lerole le lešweu tša wa go tšwa merabeng ya monna gotee le sephuthelwana sa tšhelete ya go bonagala le sethunya sa seatla. Damon a kwatama kgauswi le setopo gomme, a diriša sekhutlo sa hempe ya sona, a phumola sefahlego sa gagwe a se hlwekiša go tloša bohlatse bofe goba bofe pele a tšea tšhelete a e tsenya ka morabeng wa gagwe wa ka morago gomme a tloga.

Ge a fihla molomong wa mokgathana, Damon a tsenya diatla tša gagwe ka merabeng gomme a thoma go sepelela tlase go tsejana ya ka thoko o kare ga a na taba le lefase. Bjale ka ge nyakego ya go bolawa le go iphepa e kgotsofaditšwe gannyane, a ka kgona go kgetha motšwasehlabelo wa gagwe wa go latela wa tatso ya go kgethega.

Manyami o be a bogetše neeletšano yeo ka moka magareng ga vamphaya le batho ba babedi bao a ba kgethilego bjalo ka batšwasehlabelo. O be a nyaka go ya go yena efela o be a le bokoa go ka dira seo, Efela, a ikgtsofatša ka go iphepa ka letšhogo la batho ba babedi leo ba le laeditšego ge vamphaya e ba nwa madi gore ba šale ba omile. Maleatlana a mahu a bona a be a le bose.

Kopano ya gagwe le Kane pejana bošegog bjo e mo gapeleditše go diriša maatla a gagwe ka moka ao a bego a bolokile go tloga mola a ngwegago ka leweng. Ge a be a kopanya maatla a gagwe le madi a Kane, a dirišitše go lekana ka moka tšeo a nago natšo. Go hlama menga mabotong a go lekanela a lefase le e be e le tshepedišo ya go lapiša gomme go ka tšea maatla a mantši go feta ao a nago le ona gabjale. O be a kgona go kwa morethetho wa pele o mobe wa lefelo le gomme o be a tseba gore a ka tsoša matemone a mangwe a bokoa ao a robetšego fa.

O swanetše go matlafalanyana go sesefatša maboto go lekana gore matemone a ka lehlakoreng le lengwe a kwe seo le go holega. Ge matemone a ka matlafala go lekana… ba ka feleletša phušolo ka lehlakoreng le lengwe gomme ba tla ba ba le yena lefaseng le.

Mola taetšo ya gagwe e be e sa lekana go dira seo a se nyakago, bobe motsesetoropong wo bo be bo tswala gomme go ka se mo tšeye nako go aga maatla a gagwe go fihla legatong le hlokagalang. Ge legato leo le fihleletšwe… o tla leka go tshela maboto a legato le gape. Semoya sa vamphaya ye se be se sena tatso ya go swana le sa Kane efela tshwano le bokgoni bja tirelo ya madi bo tloga bo le gona.

Vamphaya ye… le ge e sa bontšhe lehlakore la bosathane bjo kgahlago Manyami… maatla a gagwe a be a tloga a fapana le a Kane. O be a šetše a kgona go tsena go maatla a nnete a Kane efela ge a lebelela ka gare ga semoya sa gagwe, ke mo a bego a bona nnete ya kotsi ka kudu. Maatla ao a nago le ona a ka tšwa ge fela a šireletša motho yo mongwe yo a mo ratago kudu. Ke maatla a go hloka mohola ka ge sebopiwa se gatelela maikutlo a mohuto woo.

Ka morago gago lekodišiša vamphaya metsotso ye mengwe ye mmalwa, Manyami a akanya gore go ka ba kaone ge yo a ka dula a sa ratwe ge a ka tsoga a tsene ka go maikutlo ao… maatla a gagwe a hloka magomo.

Damon o be a kgona go nkgelela divamphaya tša go hloka semoya di feta go mo dikologa le kua tlase mekgothaneng ya go fifala. A nagana gannyane ka go ya motsesetoropong wa ba bangwe ba bona efela a akanya gore o šetše a dirile modiro o mobotse wa letšatši. Ge eba ba nyaka go fepa ba maphelo a tlase lefelong le, gona yena ke mang go ka ba thibela? Ga se gore le yena ga senke a dire sa go swana le seo. Ge a tšwela pele go sepela, dipulete tše dingwe tša tšwa ka hempeng ya gagwe gomme tša wela fase, di thwantšha tsejaneng ya ka thoko go swana le dikgopolo tša go lebalwa.

Merišana ya ka morago ga molala wa Damon ya emelela gomme a emiša go sepela, a retollela hlogo ya gagwe ka lehlakoreng letee go ya go le lengwe… o be a lebeletšwe. Mafelelong, a gogela hlogo ya gagwe morago, mahlo a gagwe a sesefala ge a bona moriti wa go hloka sebopego o sepelasepela hlakeng ya moago wa ka thoko ga gagwe.

Ge a gomela morago meriting, Damon a ikhupetša ka leswiswi a hloile ka mo motsesetoropo o hlokago sephiri ka lebaka la go tswalwa ga bao e sego batho ba kitima gohle. Pele a etla fa, o be a sa ke a eba le bafetogi goba ba welego. Mo nageng ya gabo, bafetogi ba be ba bušeditšwe morago go mengwaga ya kgale gomme ba be a hlalefile go ka boa gape. O be a sa lemoge gore o goragora lefelong letee mola a le nageng yeo a bego a e swere e hlwekile.

O be a sa ke a sepela go dikologa lefase go swana le Kane le Michael… e sego mola a be a ipshina gakaalo moo a bego a le gona. Efela seo ga se mofetogi kua hlakeng… goba yo a welego, gape ga se yo mongwe wa banna bao a ba bonego kerekeng. Seo e swanetše go ba yola a tšhabilego.

*****

Zachary a goga moya wa kimologo ge babegi ba ditaba ba mefelelo ba thoma go tenega gomme ba tloga tiragalong ya bosenyi ya go hloka bohlatse. A bušetša šedi ya gagwe morago go boraditimamello ba go apara tša go ba khupetša gomme a šinyalala ntle le kgahlego. Mathaka a batho, ba paletšwe ke go bea mollo taolong le ge ba bonala ba leboga ge o sa phatlalala go feta mmelwane ya naga ya Anthoy Valachi. Zachary a myemyela ge a bona seo a bego a se letile.

O dirile gore mollo o fiše kudu ka ge a tseba gore e se kgale o tla be o hloka seo o ka se fišago. O dirile seo ka mabaka a mabedi. Le lengwe e be e le go kwela bohloko batho bao ba bego ba gafa maphelo a bona tšatši ka tšatši ba bapala le mollo, gomme le lengwe ele go senya bohlatse bjo batho ba sa swanelago go bo bona… go akaretšwa le mebele ya go fatišišwa goba marapo a go nyakišišwa.

“Go bonala eke o a hwelela,” Chad a bolela ge a lebile go Zachary. “Ke a makala ge Trevor a se gona fa.”

“Joo o be a le gona,” Zachary a myemyela. “La mafelelo ge ke mmona, o be a goga sesi wa gago go tšwa ka fa gore ke kgone go fiša lefelo le.”

“Eng!” Chad a goeletša a batamela gore a se kwe ke motho. “Ke be ke le fa iri ka moka gomme gabjale ke gona o mpotša gore sesi wa ka o nyakile go bolawa bošegong bjono?”

“Pulete e no mo ngwapa fela,” Zachary o be a rata go kgoela lesogana le leswa. O ile a ipona molato gannyane ge mmala o nwelela sefahlegong sa Chad. “Iketle, o gabotse.”

“O lešilapuleng,” Chad a mo tsebiša ntle le go itshola.

“Ke biditšwe ka tše mpe,” Zachary a emiša magetla. “Efela gabjale, o ka no mpitša mong wa gago. Ke išitše pele mošomo wa gago wa dipampiri ka fao o šetše o fedile. Ga o sa šomela kgoro ya maphodisa. Ba go šomela gomme wena o šoma le CIA go ya ka mo ba tsebago. Gomme se se wela ka tlase ga taolo ya CIA go tloga mola segongwana se hlasetšwego.”

“Ka fao ke eng seo ke swanetšego go se dira gabjale?” Chad a botšiša a ikwa a lahlegile gomme ka sephiring a ipotšiša gore o ile go betha lengau bjang ka go bea sesi wa gagwe kotsing gape.

“Ipshine ka tlhatlošo ka gobane ke a go tlogela gore o šomane le se bošegong bjo.” Zachary a mo phaphatha legetla pele a bula lebati la koloi gomme a tsena ka gare. A bala go fihla go tharo pele Chad a kokota lefasetereng la gagwe, a emiša ntšhi ya gagwe ya leihlo.

“Ke ba botša goreng?” Chad asked. “Seo ke bohlale bja go feta tšohle. Ga o na tokologo ya go ba fa tshedimošo efe goba efe ka nako ye.” Zachary a sega gomme a tswalela lefasetere gomme a sega gape ge Chad a raga thaere ge a mo feta.

Tshegišo ya gagwe ya nyamelela mola a nnoši le dikgopolo tša gagwe. O be a tseba gore bontši bja sehlopha sa diphiri ga ba kotsi gimme ba be ba le ka tlase ga tšhušumetšo ya ditaelo tša moetapele wa bona, efela bontši bja bona ba ka nyaka go itefeleletša go lehu la Anthony Valachi. Ba bangwe ba tla be ba šupa bahlakodiši ba Micah, efela ba bangwe ba tla šupa monwana go Steven le monyalani wa go otswa. Ka tsela ye nngwe, seo se tla bea Lesedi la Bošego go seo se šetšego go lenaneo la polao la segongwana sa motsesetoropo.

Ge a ntšha sellathekeng sa gagwe, Zachary a lletša leloko la PIT leo a nago le lona ka mošomong wa go iphihla ka go karolo ya kotsi kudu ya sehlopha sa diphiri. Ge eba seo a se naganago se a hlotlwa gona go tla ba bohlale go ya pele le go romela matšhošetši a lehu kua go Lesedi la Bošego gore dikatse tša naga di dule di phafogile, goba bokaone gape… a ba dire gore ba tswalele tlelapo lebakanyana.

*****