`````
Ayon sa utos ng ama ni Harmony, ipinadala ng binatang si Hubert ang abogado sa ospital.
Dala na niya ang divorce paper nina Harmony at Jerome. Hinihintay ng ama ng dalaga ang kanyang pagdating, kanina pa ito hindi mapakali. Wala siyang ibang iniisip ngayon kundi mapaghiwalay ang dalawa, wala ng dahilan para manatiling nakatali si Harmony kay Jerome.
"Maayos na ba ang lahat hon?" Tanong ng ina ni Harmony, mabigat pa rin ang kanyang loob dahil sa ginawang kataksilan ni Jerome sa kanilang anak.
Buong akala niya'y magiging masaya at maganda ang pagsasama ng dalawa. Dismayado at pagsisisi ang nararamdaman ng ginang ngayon.
"Oo, hindi ako papayag na hindi sila maghiwalay. Isasama natin pabalik sa ibang bansa si Harmony.
Nang may kumatok sa pinto ay agad nilang inayos ang kanilang pwe
