Parang sinisilaban sa init ang pakiramdam ni Mika kahit nakabukas naman ang aircon. Pabaling-baling ito sa higaan na hindi maintindihan kung titihaya siya o dadapa. Walang ibang laman ang puso at isip niya kung hindi ay si Rick. Ilang minuto pa ay dinalaw na rin siya ng antok. Hindi niya alam kung anong oras na bumigat ang talukap ng kanyang mga mata at tuluyang nilamon ng antok.
"Friend! Mika... Gising na..." habang niyuyugyog niya ang kaibigan ay nailing pa ito. Hindi ito magising sa mga yugyog niya.
"Hey... alas sais y medya na ng umaga. Anong oras ka na ba natulog?" pilit pa rin na ginigising nito si Mika. Mayamaya ay mukhang nagtagumpay naman si Christy sa paggising sa dalaga. Iminulat ni Mika ng paunti-unti ang kanyang mga mata at naghihikab pang sumagot sa kaibigan nito.
"Hindi k
