رواية ثم ماذا

الفصل الأول: #ثم_ماذا1 بقلم: مها حولي الزاكي بنطلون بيج ، قميص كبدي ، جزمه سوداء ، عطر مميز و حلاقه مخففه و ساعه فضيه ، شكلو ما اتغير شديد كل الحصل إنو زاد وسامه و بقى حلو شديد ، شوفتو دي خلت ضربات قلبي تزيد و رجعتني تاني خطوتين لـ ورا و حسيت برعشه سرت في جسمي و أطرافي حسيت بيها بقت بارده ، دي أول مَـرّھٌ اشوفو فيها بعد 3 شهور من الشوق و الألم تلقائياً لقيت دمعتي جات نازله، مسحتها سريع قبل ما يشوفني زول ، في وسط الزحمه دي كلها و الضجيج دا كلو كنت منتبها معاهو بحواسي كلها ، افتكرت إني و بعد ال3 شهور المرت دي كلها اتجاوزتو و طويت صفحتو و بقى ذكرى في الماضي بس اكتشفت إني أبدا ما نسيتو و ما اتجاوزتو، مرت زي دقيقتين و انا لسه واقفه بتأمل فيهو ما عارفه كيف ابتسمت في عز الألم دا كلو ، شويه شويه ابتسامتي بدت تتلاشى لمن شفت نور جات و ختت يدها على كتفو و بقت تاخد و تدي معاهو في الكلام و هو ما حاول يمنعها بالع** اتجاوب معاها طوالي و صوت ضحكهم كان واصلني في مكاني ? خليت العرسان و نسيت. الحفله دي عديل و بقيت مركزه معاهم هم الإتنين ما انتبهت إلا لمن صابرين بت خالتي لكزتني و قالت لي سرحانه وين؟ ما رديت عليها ... _ لسه ما نسيتيهو يا مها؟ لسه بتفكري فيهو؟ لمتين طيب؟ لمتين حتظلمي نفسك كدا؟ هو اتجاوزك و طوى صفحتك و كمل بعد*ك عادي و ما حاول يعرف الحصل ليك شنو بعد ما إفترقتو هو لمن فسخ الخطبه ما احترمك و ما راعى لمشاعرك !. قلت ليها بصوت مبحوح : ما نسيتو يا صابرين ما نسيتو و ما أظن اقدر انساهو _ لٱ حتقدري و زي ما اتجاوزك و طوى صفحتك انَـỲǑŲـْتي كمان ح تقدري تعملي كدا و أوووعك تضعفي قدامو و تحسسيهو إنك لسه بتحبيهو أو غيابو فرق معاك ....يلا تعالي معاي قلت ليها دقيقه دقيقه سايقاني وين يا صابرين؟ ...ما ردت علي بس كانت ماشه بإتجاهو و انا بحاول أفك يدي م̷ـــِْنها م̷ـــِْن غير ما ألفت أنظار الناس، بس ما قدرت عليها ...أول ما وصلناهم عيني وقعت في عينو ....أبدا ما أبدى أي ردة فعل حتى البسمه الكانت على وشو ما اتمحت لمن شافني و حتى اللمعه الكانت في عيونو لما يشوفني هسي ما موجوده ، قال لينا و هو لسه مبتسم يا أهلا بـ بنات الأهل ...قال كدا بكل برود و كأنو ما كان بيناتنا شي ، كأننا ما كنا مخطوبين في يوم لبعض ، كأنو دي ما أول مَـرّھٌ نتلاقى فيها بعد 3 شهور ، صابرين قالت ليهو كيفك يا مفترى؟ ضحك و قال ليها انا مفترى يا صابرين ؟ كيف و كيف ؟ قالت ليهو بقيت رافع قزاز و بقينا ما بنشوفك إلا في الأعراس و المناسبات التانيه يعني لٱ بتجي لٱ بتسأل عن الناس دا كما اسمو افترى اسمو شنو طيب؟ قال ليها مضغوط بس مع الشغل و عارف إني مقصر مع الأهل كلهم لَـگِنْ أعمل شنو ؟!! قاطعتهم نور و قالت لينا و انا ما بسلموا علي ولا شنو؟ ? لمن قالت كدا بالغصب سلمت عليها و بعديني طوالي صابرين سلمت عليها و قالت ليها العفو ياخ بس انشغلت مع المفترى دا نور قالت ليها ما بلومك والله عمار دا أي زول بتعاطى معاهو بتلصق فيهو و بنسى نفسو و كل الحوليهو طبعا قالت كلامها دا و هي بتعاين لي صابرين قالت ليها هسي دا علاقتو شنو بكلامي؟ قالت ليها: = نسَيتيَےّ تسلمي علي علشان انشغلتي مع عمار ! دا ما نفس گلآمَيےّ؟ ! ادّخل عمار و قال ليهم مصرين تتناقروا في كل مَـرّھٌ بتتلاقوا فيها؟ صغار انتوا يا نور و يا صابرين ؟ الإتنين سكتوا و نور غيرت السيره..... طول وقفتي معاهم دي ما حاول يعايني لي و لْـۆ حتى بالغلط ، كأني ما واقفه معاهم حسيت بوخزه في قلبي و شويه كدا كنت ح أبكي لْكن اتماسكت و اتمالكت نفسي و استأذنت منهم و انا العبره خانقاني و قلبي واجعني شديد، كمية الألم الحسيتو في الوقفه دي كان اضعاف الألم الحسيتو في ال3 شهور المضت، الوجع الشاعره بيهو هسي بكفيني مية سنه لقدام .... مشيت منهمبعيد و قعدت في آخر الصاله و سريع طلعت لي منديل و مسحت دموعي ، قدامي كان في كرستالة مويه شربت ‏​‏​منـِْهـ♡̨̐ـِْا عشان أهدي نفسي شويه ، صابرين جات لاحقاني عاينت لي مساااافه و قالت لي انا آسفه ، بس عملت كدا عشان أثبت ليك انو هو ما بستاهلك والله و انو هو ما شغال بيك و ما مدي أهميه للكان بينكم يعنى في الوقت الإنتي م**وره فِيَھو بسببو هو هناك مبسوط ولا على بالو شي كمل بعدك عُاَدّيَےّ و نسى كل شي كان بيناتكم فـ ليه انتي لسه ما قادره تتجاوزيهو و تمحيهو من حياتك؟ ليه انتي براكِ تتعذبي و توقفي حياتك بسببو و هو لا؟ ما قلت ليها شي كل العملتو هو اني بكيت، بكيت بحرقه شديده و وجع قلب ، قعدت جنبي و قالت لي لْـۆ البكى بريحك أبكي طيب و طلعي الجواك كلو يا مها ... دي كانت فرصه لي عشان أبكي بكى ال3 شهور داك كلو ، ما كنت بقدر ابكي قدام أهلي و احكي ليهم الحاسه بيهو ، ماف زول فيهم ح يفهمني أو يفلح في مواساتي، دايماً قدامهم بعمل نفسي قويه و ما متأثره بحاجه ليها علاقه بـ عمار، حتى يوم فسخنا الخطوبه ما أبديت أي ردة فعل و كل القلتو ليهم انو ماف قسمه لينا مع بعض و هم ظنوا انو كل شي انتهى مع جملتي دي بس أبداً ، ماف شي انتهى أو اتغير بالنسبه لي حبي ليهو لسه هو هو ، في الوقت الهو اعتبرني مجرد فتره في حياتو و انتهت انا اعتبرتو حياتي كلها و ما حتنتهى إلا لمن أموت ، بعد مساااافه مسحت دموعي > صابرين قالت لي مدام انتهيتي خلينا نمشي للعرسان و نرقص معاهم قلت ليها لٱ ما عايزا أمشي انتي ، ما حبت تصر علي كتير و طوالي مشت من دوني ، بعد ما مشت عيوني تلقائياً اتجهت على عمار ، لسه كان واقف مع نور و بضحك و بتونس معاها ما قدرت أشوفهم مع بعض و حولت نظري منهم بس محل ما أعاين بشوف صورهم الكانت مثبته على الشاشات كلها و حتى لْـۆ ما عاينت ليهم بسمع الوراي و القدامي بتكلموا عنهم و بقولوا إنهم حلوين مع بعض ، جملة "حلوين مع بعض" دي قطعت قلبي حته حته بعدها ما عرفت طعم للحفله قاعده كأني صنم ،، بس بسمع و بشوف لكن ما فاهمه شي زي الفقدت المنطق ، لمن غلبني القعاد و قلبي وجعني قررت إني ارجع البيت ، فتشت صابرين بس ما لقيتا قلت احسن اتصل عليها، اتصلت عليها كتير بس ما ردت ، مشيت على العرسان باركت ليهم و جيت جنب ياسمين يلي هي العروس و بت أهلي كمان قلت ليها شفتي لي صابرين مشت وين؟ هسي كانت واقفه معاك هنا ، قالت لي آيي كانت معاي والله لَـگِنْ ما عارفه مشت وين تاني ....قلت ليها طيب ما مشكله ومشيت ‏​‏​منـِْهـ♡̨̐ـِْا و انا متجه على باب الصاله جيت ماره بجوز اللوز سمعت نور قالت لـ عمار خلينا نحدد موعد العرس بعد دا خير البر عاجله ، كلامها نزل فيني زي الصاعقه حتى المشي غلبني بالجلاله قدرت أواصل و وصلت باب الصاله ما كنت شايفه شي عيوني كانت مليانه بالدموع ، كلام نور وجعني و بقى يتردد على مسامعي ، في اللحظه د*ك ما كنت عايزا شي غير الطريقه الحـ اوصل بيها البيت ما عايزا شي غير النوم، عايزا ارقد و اتغطى، انوم و أنسى الدنيا بـ الفيها، لٱ فكرت في صابرين لٱ جربت ارجع و اتصل عليها تاني ، الدنيا كانت ليل ، طلعت م̷ـــِْن الصاله و على طول لموقف المواصلات و كان شبه فاضي لأنو الوقت متأخر ، بقيت واقفه و ببكي بحرقه حتى خوفي م̷ـــِْن الضلام و الأماكن الخاليه ما حسيت بيهو، بكيت كدا لمن صدعت و للحظه دي ما جات عربيه ، قلت احسن أمشي لقدام شويه، قبل ما اتحرك م̷ـــِْن مكاني في عربيه وقفت قدامي ، عيوني طوالي اتجهت لسيد العربيه ، اتفاجأت لمن شفت عمار ! بدون ما يعاين لي قال لي اركبي ، قلت ليهو ماف داعي هسي بتج..... قاطعني و قال لي: _ اسمعي الكلام و اركبي يا مها قال كلامو دا بنبره حاده و ضيق ، عاينت يمين و شمال و في الآخر استسلمت و ركبت معاهو عن سكات ، اتحرك بالعربيه لحدي ما وصل الصاله نزل و قال لي خليك هنا ، دخل و جا راجع و معاهو نور و صابرين ، اول زول وصلني كانت صابرين ، بقت تكورك فيني و تجوط مشيت وين انَـتي و ليه ما بتردي على مكالماتي ووو.....الخ سكته و ما قلت ليها حاجه لأني عارفه نفسي غلطانه > جات نور و قالت لي ممكن تنزلي م̷ـــِْن المقعد دا؟ صابرين قالت ليها بغيظ كدا و تنزل ليه يعنى دا مش مقعد برضو؟ ردت ليها نور: _ عارفاهو مقعد بس انا بحب أركب قدام م̷ـــِْن زماااان و عمار عارف الحاجه دي ، مش يا عمار؟ عمار ما رد و اظنو اتحرج م̷ـــِْن تصرف بت عمو قلت ليها عُاَدّيَےّ ما مشڱلھِ و نزلت ليها و ركبت ورا مع صابرين ، أول ما قعدت صابرين همست لي براحه و قالت لي غ*يه انتي ولا شنو ليه تنزلي ليها؟ العربيه دي بتاعة أبوها ؟ قلت ليها اسكتي بس دا ما وقتو > انتبهت إنو عمار كان بعاين لينا بالمرآيه عشان كدا قلت ليها اسكتي دا ما وقتو طول الطريق كنا ساكتين ماعدا نور خالص ما سكتت و كلامها كلو بايخ و مع عمار و مَـرّھٌ مَـرّھٌ مع صابرين و الإتنين كلامهم عباره عن شكل و مناقره ، أما انا فكنت ساكته لحدي ما وصلنا بيوتنا طبعاً صابرين بيتهم جنبنا ، نزلنا و قلنا ليهو شكرا و اتحركنا... #ثم_ماذا1 بقلم : مها حولي الزاكي ثم.. "" كل وداعٍ يأخذ م̷ـــِْن الروح قطعة ،، إلا وداعك أخذ الروح كلها ....?❣️ "" يتبع..... #ثم_ماذا2 بقلم: مها حولي الزاكي قبل ما أخشى بيتنا صابرين وقفتني و قالت لي ليه طلعتي م̷ـــِْن الصاله بالطريقه دي يا مها ؟ قلت ليها زهجت بس والله و عشان ما عايزا اتأخر شديد على البيت حتى إني اتصلت عليك كذا مكالمه لَـگِنْ ما رديتي ....شوفي تلفونك ! قالت لي: _ عارفه! لقيت مكالماتك و لمن رجعت ليك ما رديتي علي ليه؟ قلت ليها صابرين يرضى عليك انا هسي تُعباُنٌهْـ و نعسانه بالإضافه لـ إنو الزمن اتـأخر هسي عايني حواليك برانا الواقفين في نص الشارع ! قالت لي: _ طيب لـكن تحكـي لـي بـكرا ټمـٱمـ ؟ قلت ليها ايوه ټمـٱمـ .....ودعتها و دخلت البيت برااااحه عشان ما أزعج زول و على طول مشيت على غرفتي ، أول ما دخلت اتذكرت عمار و اتذكرت نور و كيف انها كانت خاته يدها في كتفو و بتتونس معاهو بكل أريحيه، و أكتر حاجه وجعتني و بكتني بالجد لمن عرفت إنهم ح يعرسوا بعض، قعدت بكيت كدا لمن فترت و في الآخر نمت.... في الًيَوُمًِ التالي: اتصلت على صابرين و قلت ليها أطلعي بعد دا عشان ما نتأخر على الجامعة، طبعاً الإتنين بنقرا في جامعة السودان للعلوم و التكنولوجيا بس أي وحده تخصصها بختلف عن التانيه هي بتقرا علوم قسم المختبرات العلميه و انا بقرا هندسة معمار المستوى التالت ، المهم مشينا الجامعة و أخدنا المحاضرات و خلصنا > بعدها و نحنا طالعين صابرين قالت لي بما انو طلعنا بدري فـأنا عازماك غدا قلت ليها طيب بس دقيقه أكلم ناس البيت......كلمت ناس بيتنا و أخدت أذنهم و مشيت مع صابرين __________________________ _ اها أحكي لي الحصل شنو أمبارح ؟ قلت ليها مصره تعرفي؟ قالت ليهو ايوه لازم، اتن*دت و قلت ليها عمار حيتزوج نور ? كانت بتشرب ليها في عصير و أول ما قلت ليها كدا اتشرقت و قالت لي شنو شنو! عمار و نور حيعرسوا بعض ؟ مها انتي متأكده م̷ـــِْن الكلام دا؟ ...القال ليك منو طيب؟ قلت ليها ماف زول قال لي انا براي سمعتهم > سكتت مساااافه حتى قالت لي والله ما كنت قايله عمار دا حقير للدرجه دي ! كان عامل فيها بحبك و ما قادر يستغنى عنك و الزمن كلو مجننا بحركات الهنود د*ك و عامله فيها عنتره بن شداد و في النهايه عمل شنو؟! فسخ الخطوبه م̷ـــِْن غير ما يبرر أي شي! بالجد طلع حيوان و متخلف و.......قاطعتها و قلت ليها: انا الطلبت منو نفسخ الخطوبه ? قالت لي بإستنكار: _ ڼـعمًـْ ڼـعمًـْ ! انتي بتقولي في شنو يا مها؟ كيف يعنى انتي الفسختي الخطوبه دي!طيب حالياً بتتباكي عليهو ليه دامك فسختيها انتي و الشينه جات منك ؟ ! قلت ليها فسختها في لحظة زعل بس والله في اليوم داك قلت ليهو احسن نفسخ الخطوبه دي و انا الأصريت عليهو عشان ننهي البينا قالت لي: _ ما عارفه اقول ليك شنو والله لَـگِنْ مدام انتي القررتي كدا و فسختي الخطوبه معناها لآزٍمٍ تتحملي نتيجة قرارك دا ، و أكيد انتي عندك اسبابك الدفعتك لإتخاذ قرار زي دا، لكن صدقيني لو اسبابك دي ما كانت كافيه أو مقنعه فـ انتي الخسرانه والله، و انا الكنت مفتكره إنو عمار هو الإتخلى عنك و انو ظلمك و في الآخر طلعتي انتي براك الفسختي خطوبتك قلت ليها بضيق: يااااخ قولي انا غلطت و اتسرعت لمن أصريت عليهو لَـگِنْ هو لـو كانت متمسك بي و عندو ذرة حب لي ما كان سمع گلآمَيےّ و فسخ الخطوبه دي ،، أبداً ما حاول يعرف انا ليه عملت كدا ، أبدا ما سألني انا زعلانه م̷ـــِْنو في شنو و أبداً ما حاول يصلح البينا، خسرنا لمن استسلم و ما حاول يراضيني قالت لي: _ طيب روووقي و ما تنفعلي و احكي لي كنتي زعلانه م̷ـــِْن شنو؟ استحاله عمار ما يكون عارف السبب الوصلكم للطريق دا ....... سكته و ما رديت عليها قالت لي: _ طيب يا زوله الفات مات و الماضي لا يعاد اذا ما حابه تحكي نغير الموضوع دا عُاَدّيَےّ قلت ليها ايوه الأحسن نغير الموضوع ، بعد شويه هي عاينت وراي و قالت لي خلينا نمشي م̷ـــِْن هنا قلت ليها ليه متين جينا نحنا يا صابرين ؟ قالت لي بس انَـỲǑŲـْتي قووومي و خلينا نمشي أول ما عاينت وراي شفت عمار و كانت معاهو بت كدا ما بعرفها ، أول مره أشوفها، كانوا بضحكوا و واضح إنهم مبسوطين و مروقين على الآخر ، سكته و ما قلت ليها حاجه بس ما قدرت اتحكم في ملامح وشي الكانت كلها زعل صابرين قالت لي ولا يهمك ولا تزعلي نفسك على واحد بتاع بنات زي دا ، قلت ليها اصلاً ما هاميني و انا ع** كدا ، دا واحد نسونجي ساي عشان كدا اقعدي و خلينا نتم ونستنا انا ما عايزا امشي من هنا ، عاينت لي بإستغراب و قالت لي متأكده قلت ليها ايوه متأكده ، أول ما قعدنا كدا سمعنا زول بقول لينا السلام عليكم ....م̷ـــِْن صوتو عرفت انو دا عمار ، رفعت راسي و عاينت ليهو و انا مستغربه هو جايب قوة العين دي م̷ـــِْن وين ! صابرين قالت ليهو و عليكم السلام ، قرصتني في يدي عشان أرد ليهو السلام ، قلت ليهو و عليكم السلام ، قال لينا ممكن اقعد معاكم ، صابرين عاينت لي و هزت ليهو براسها بمعنى ايوه ممكن ، قعد و ما تم دقيقه إلا و شفتو رافع يدو و بأشر لزول عاينت وراي لمحت البت الكانت قاعده معاهو جايه علينا ، ما عارفه كيف اتمالكت اعصابي و ما قمت م̷ـــِْن مكاني ، يعني فوق ما هو جا و اترزع معانا غصب عننا جايبها هي كمان! !! المهم البت وصلتنا و قالت لينا هااااي كيفكم يا بنات و عاينت لـ عمار و قالت ليهو ديل منو يا عمار ما عرفتنا ؟ قال ليها ديل بنات أهلي دي صابرين و دي في البدايه اتردد لكن اتكلم و قال ليها دي مها طبعاً أول ما قال اسمي قَلبـ♡ــيے. عمل شححح ،، قال كلامو دا و هو بعاين لي و على طول حول نظرو مِڼـّي ، قالت لينا بمياعه كدا اتشرفنا يا حلوات ، صابرين ابتسمت ليها و اكتفت بـ كدا و بس، عمار طلب لينا و هي طوالي قعدت جنب عمار و بقت تتونس معاهو و انا القعده غلبتني و ما بقدر أقوم عشان ما يقول اتحسست أو غٍرت م̷ـــِْن وجودها جنبو عشان كدا أشرت لصابرين و قلت ليها بصوت خافض ارح ، هزت لي راسها و عاينت لـ عمار و قالت ليهو بعد دا نحنا ماشين اتأخرنا و وقفت على حيلها و انا على طول وقفت معاها قال لينا بدري بدري يا شباب مستعجلين ليه انتوا؟ قالت ليهو م̷ـــِْن جينا لينا قريب السَـآعــهْْ اتأخرنا والله ، قال لينا طيب ارحكم نحنا ذاتنا طالعين ، حسيت إنو البت المعاهو زعلت شديد عاينت ليهو بس هو ما انتبه ، قلت ليهو لٱ ماف داعي للتعب بنمشي برانا ، قال لي في النهايه انتوا بنات أهلي و ما بخليكم ترجعوا براكم مدام انا كنت معاكم معناها لازم أوصلكم ، المهم ركبنا معاهو و طول الطريق هو و بت الناس د*ك بلعلعوا التقول بالعين روادي لمن عملوا لي صداع ، طلعت تلفوني و ركبت السماعه مع إنو ما مشغله شي بس عشان يفهم إنو كلامهم ما بهمني و ما بأثر علي و في الحقيقه انا هااااميني شديد و حارقني و ماكل معاي جنبه ، فجأه كدا عاينت في المرآيه لقيتو بعاين لي ساي ، مع انو بتكلم معاها هي لكن بعاين لي انا ، فتحت تلفوني و بقيت اتبسم براي زي الما نصيحه ، شغلت لي نغمه و عملت نفسي بتكلم بالتلفون قلت ليهو : ( آلو ايوه يا مؤيد.....سامعاك لكن برجع ليك بعدين لمن أصل البيت .....جد برجع ليك حصل كذبت عليك انا؟....طيب طيب مع السلامه ، انتبه على نفسك، قصدي على نفسي ) قلت كدا مع إنو لٱ في زول اتصل علي لٱ بعرف زول بالإسم دا _ دا مؤيد يا مها؟ طبعاً دي صابرين القالت لي كدا ، قربت اضحك على سؤالها عرفتها بتستهبل زيي مع إنها عارفاني بكذب بس جنها تتم معاي كذبي للآخر ، قلت ليها ايوه دا هو _ قالت لي شايفه اتصالاتو كترة الفتره دي ، ماف كدا ولا كدا؟ ? قلت ليها صابرين ياخ ! ? قالت لي: _ لَـگِنْ يا مها لْـۆ عايزا الصراحه و النصيحه مؤيد دا زول كويس شديد والله ،، و ياما وقف معاك و سندك و شكلو بحبك و جادي كمان و هسي لْـۆ قلت ليهو اصل بيتنا و اقعد مع أبوي حيصل والله عشان كدا ما تخسريهو يا مها و أبقي عليهو عشره لأنو في الزمن دا صعب الوحده تلقى ليها راجل ود رجال.. كلامها خلعني شديد عرفتها قاصده تقول كدا و قاصده تعلي صوتها في الجمله الآخيره دي اصلاً هو م̷ـــِْن غير ما تعلي صوتها كان سامعنا و مركز معانا شديد م̷ـــِْن أول ما شغلت نغمة الإتصال ، فجأه كدا ساق العربيه بأقصى سرعه و وصلنا البيت سريع، صابرين بعد ما نزلنا قالت ليهو خش معانا البيت يا عمار و سلم على ناس أمي لكن هو كان سرحان بعيد و ما انتبه لكلامها علت ليهو صوتها و قالت ليهو عمااااار البت المعاهو قالت ليها طيب ما تكوركي كدا عمار دا ما اطرش، صابرين عاينت ليها بغيط كدا لكن ما اتكلمت معاها عمار انتبه و قال ليها ڼـعمًـْ؟ قلتي شنو؟ أشرت ليهو على بيتهم و قالت ليهو اتفضل، قال ليها لا هسي مستعجل بجيكم المره الجايه ان شاء •اللّـہ̣̥ وصلي سلامنا و تحياتنا للوالد و الوالده عاين لي و قال لي بضيق و انتي كمان و طوالي اتحرك أول ما اتحرك انا و صابرين عاينا لبعض و قعدنا نضحك ????? ❣️"" ليست الليله الوحيده التي تخلو مـڼـڱ....لكنني الًيَوُمًِ أفتقدك و بشده ?"" يتبع...... 2