"HINDI KA yata nakabihis ngayon? Hindi ka ba papasok sa trabaho?" tanong ni Ellie nang makitang nakapantulog pa rin si Kyo nang lumabas sa silid.
"Nope…" sagot nito.
Kumunot ang kanyang noo.
"Bakit?"
"Nothing. Ikaw, saan ka na naman pupunta?" balik-tanong ni Kyo nang mapansin ang sling bag na hawak niya.
"May appointment ako sa doktor," aniya, at agad na tumalikod para umalis pero mabilis na hinawakan ni Kyo ang kanyang braso.
"Antenatal?"
Nakatingalang tumango si Ellie.
"Oo. Fifteen minutes na akong late." Inalis niya ang kamay ni Kyo sa braso niya at nagmamadaling lumakad.
"Okay then, I’d like to go with you," biglang sabi ni Kyo na ikinatigil niya.
Umawang ang kanyang labi nang humarap dito.
"S-sasama ka sa akin?" halos hindi siya makapaniwala, parang gustong siguraduhin k
