Pinahatid ni Angus si Klaire kay Daniel. Hindi umalis si Daniel sa kaniyang tabi hangga’t hindi sila nakakarating ng kaniyang apartment.
Pagkuwan ay nakita nilang maraming bantay sa labas ng apartment building. Mukhang ito ang pinadala ni Angus dito kanina.
Kinausap ni Daniel ang pinaka-leader ng grupo. Hindi niya marinig kung ano ang pinag-uusapan ng mga ito. Gusto niya mang makinig at malaman kung ano iyon ay hindi niya magawa dahil may tatlong bodyguard ang nakaharang sa kaniyang harapan.
Hindi tuloy siya makalapit sa puwesto nina Daniel.
“Siya ‘yong nagugustuhan ng boss natin?” Bigla niya na lang narinig na nagbubulungan ang tatlong bodyguard sa kaniyang harapan.
Akala niya ay mga englishero ito kaya namangha siya noong marunig ang mga ito na nag-uusap sa wikang Tagalog.
“O
