Childhood Sweethearts

Chapter 24: Everlast

~Ice~

"Tama na!" Sigaw ko sa pabong gubat na humabahol sa'kin. "Huwag mo naman akong tukain!" Dagdag ko pa.

Sumasakit na nga ang puso ko tapos hahabulin pa ako ng pabong gubat? Bakit ganito ang nangyayari sa'kin? Nadapa ako at napatingin sa pabong nakatungo na lamang at tinititigan ako. At sa isang iglap ay mabilis itong---

Napamulat ako ng mata. Nasa isang kubo ako. Luminga-linga ako. Ako lamang mag-isa dito. Wala kahit anong gamit. Nasa isang kwarto ba ako? At ang sakit-sakit ng likod ko. Ano ba itong hinihigaan ko? Parang mas gugustuhin ko pang mahiga sa lupag na ang tanging sapin lamang ay dahon ng saging.

Nagpikit ako ng mata nang may pumasok. Gumawa ako ng maliit na siwang para makita ko kung ano ang anyo nito. Isang matandang lalaki na nakabahag. May dala itong tasa at umuusok