HINDI na lumabas ng bansa sina Yuan at Faith para mag-honeymoon. Ang unang naalala ni Faith na puntahan ay ang isla ng Samal kung saan nakilala niya si Yuan. Noong una ay ayaw sana ni Yuan na sa Samal lang sila mag-honeymoon. Gusto sana niya itong dalhin sa ibang bansa para masolo niya ito. Pero wala rin siyang nagawa dahil iyon ang gusto ni Faith. Hindi lang niya maamin sa sarili na parang under siya ng asawa. Pero kahit madalas na masungit ito sa kanya, mabait naman at napakalambing na asawa si Faith. Palagi siyang excited sa araw-araw na kasama niya ito.
Tuwang-tuwa naman sina Aling Flora at Tiyo Cadyo nang dumating sila sa isla at ng malaman na doon ang honeymoon nila.
Halos dalawang buwan sila sa isla. Nang bumalik sila ng Maynila ay sa penthouse na niya dinala si Faith. Tuwing wee
