KOMPORTABLE naman si Faith sa kanyang bagong nalipatang apartment. Iyon nga lang ay maliit lang ito. Wala na rin swimming pool at wala din siyang mga katulong, mag-isa na lang siya. Sa una ay medyo nahirapan siyang mag-adjust pero kalaunan ay nasasanay naman siya.
Naghahanap pa rin siya ng bagong mapapasukan pero wala siyang magustuhan. Tila napakababa ng offer kumpara sa dati niyang trabaho. Inagaw ang kanyang pansin nang mag-ring ang kanyang cellphone, si Attorney Lorenzo. Hindi niya alam kung sasagutin ba niya ito o hindi. Isa pa, hindi na siya connected sa kompanya at wala naman siyang balak na maghabol pa kung ano ang mayroon sa pamilyang kinalakihan niya.
Alam din niyang ito ang tumutulong kay Yuan. Ilang beses na rin siyang tinatawagan nito pero hindi niya sinasagot. Ayaw niyang
