Nag-iiyak siya habang tinatahak niya ang daan papuntang Del Castillo Resort. Alam niyang hindi siya dapat magtungo roon matapos ang nangyari sa kanila ni Aiden kahapon dahil baka lalo lang itong magalit sa kanya. Pero sa nais niyang kumalma at sa tabing dagat lang siya kumakalma. Nais niyang masamyo ang malamig na hangin doon at marinig ang mga alon na nagmumula sa dagat. Iyon lang ang kailangan niya ngayon, ang hangin sa tabing dagat ng Del Castillo.
Nang makarating siya doon, kaagad niyang itinabi ang bike sa kalsada. Bitbit ang sundae na binili, umakyat siya sa pader at naupo doon. Humugot siya ng malalim na hininga at tinuloy ang pag-iyak.
Hindi naman ito ang unang beses na tila nabastos siya, pero ito ang unang beses na andoon si Aiden at ayaw niyang isipin, pero tila siya ipinagtan
