Matapos ang eksena sa library dumiretso sila sa kusina para kumain naman ng totoong pagkain.
"Marunong ka palang magluto," sabi ni Aiden habang panay subo sa niluto niyang nilagang baka.
"Naturuan naman ako ni Nanay," nakangiting sagot niya at inabutan pa ito ng sabaw, natutuwa siyang makitang maganang kumain ito, marahil nagutom na siguro ito sa maghapon nilang pamamasyal isama pa na pag nagkakaroon ng pagkakataon eh nagpapakaligaya sila.
"Aiden," simula niya dahil nais sana niyang malaman kung ano ang nasa isip nito sa nakita kanina sa Restaurant. Makikinig lang siya hindi siya makikialam.
"Hmm," sabi nito at sinulyapan siya nang ibaba ang mangkok matapos maubos ang sabaw noon.
"About.. Mrs. Alvarez," sabi niya at nakita ang pag-iba ng mood ni Aiden. Napakagat-labi siya.
"I don't c
