Aiden's POV
"I'm sorry Hijo, mapatawad mo pa sana ako," malungkot na sabi ng ama nang makapasok sa loob ng bahay. Alam niyang pupuntahan siya ng ama sa bahay niya, kanina pa ito tawag nang tawag sa kanya hindi niya sinasagot, ayaw niya muna sana itong makausap wala pa naman siyang sasabihin rito.
"Hindi ko gustong malagay sa eskandalo ang pamilya natin," patuloy nito nang hindi siya kumikibo. Sinulyapan ang Ama, kitang-kita naman niya ang pagsisisi sa mga mata nito, at lungkot sa mukha, tila nadagdagan ang edad nito.
"Bakit niyo ginawa?" tanong niya at naupo sa sofa. Yun ang nais niyang itanong sa ama kung bakit nito nagawa ang bagay na yon? Bakit nito nagawang lokohin ang Mama niya? Gayong wala naman siyang nakikitang pagkukulang ng Mama niya rito. Nang mga panahong pinadala siya ng P
