Flashback
"Nay, hanggang kailan po nila tayo patitirain rito ng libre?" tanong niya sa Nanay niya habang nag-aayos ng mga pinamili sa palengke.
Sinama siya ng ina para mamalengke kanina. At halos ang madaanan nilang mag-ina ay nagbubulungan at alam niyang naririnig ng Nanay niya ang mga binubulong ng mga ito. Tungkol sa Ate Grace niya at kay Mr. Gabrielle Del Castillo, ang nagmamay-ari ng malaking resort sa bayan nila, ang Del Castillo Resort.
Si Mr. Del Castillo ang may-ari ng bahay na tinitirhan nilang mag-anak ngayon. Lumang bahay ito ng mga Del Castillo at wala nang tumitira dahil sa malapit sa resort na nakatira ang pamilya ni Mr. Del Castillo. At pinatitira sila nito dahil tila may interes ito sa Ate Grace niya, at hindi niya ikinatutuwa iyon.
Alam niyang marami nang kinasama ang
