الفصل الثاني
2403 Words
و بقعد معاها و مع الولاد و بجيب حاجات للبيت حتى من غير ما تطلب و جبتلها هدية بمناسبة العيد و طبعا و لا فارق معاها......
و أنا مش عارف اعمل ايه و هي سابت البيت بعد العيد مباشرة و طالبة الطلاق يا تري عندك حل !
حنين: طيب سيبها شوية كدا شهر ، كدا و ارجع تاني بس خلال الفترة دي أنت ما تحاولش تتصل بيها، او تبعت حد من اهلك و كمان تخلي اهلك يقولو عنها كلام حلو علشان دايما اللي بيخرب البيوت الكلام الي
بيسمعه الانسان من الغير.
-عارف و الله كلامك صح جدا بس يا رب أقدر اعمل كدا علشان انا بحبها او ييي.
حنين : لا حاول و ان شاء الله هترجعلك احسن من الاول و ده رقم تلفوني و طمني و لو حبيت آذان صاغية تسمعلك في اي مشكلة اتصل بيا من غير تردد .
- شكرا.
و ترجع حنين الي المنزل، و تجد حنان في انتظار ها
و تقول لها/ حمد الله علي السلامه يا حبيبتي عملتي ايه النهارده .
حنين/ الحمد لله يا ماما كان يوم حلو اوي .
حنان/ طالما مبسوطة كدا يبقي سمعتي كام حكاية .
حنين / دايما كشفاني كدا يا ماما، بصي يا ست الكل دي اُجرة النهارده عاوز اكي تشيلي شوية فلوس كدا علي جنب للطوارئ علشان لو العربية عطلت و لا اي حاجة تاني.
.
حنان/ ما شي يا حبيبتي اروح انا اجهزلك الأكل .
حنين/ لا انا هدخل انام علشان اصحي بدري، صحيني بدري ي ماما خلاص، يلا تصبحي علي خير ي حبيبتي.
حنان / حاضر و انتي من اهل الخير يا حببتي.
و في اليوم التالي تستيقظ حنين علي رنت التليفون و كان طلب الي السيارة و تجهز حنين الي النزول .
حنان/ طيب يا حبيبتي تعالي افطري الاول .
حنين/ معلش يا ماما هروح اودي الطلب ده و ارجع افطر بس كلي انتي علشان ممكن اتأخر، سلام يا ماما ادعيلي .
حنان/ سلام يا حبيبتي ربنا يستر ها عليكي .
و ذهبت حنين الي صاحب الطلب و وجدت و احدة واقفة بتتكلم في التليفون و فاتحة الاسبيكر (مكبر الصوت) و بدأت حنين تسمع المكالمة........ .
- بتعيطي ليه طيب دلوقتي؟
- بدموع/ يسلام يعني انت مش عارف
- لا فكريني
- بسخريه/ اها ما انت متعود انك تعيطني كده دايماً فكتر خيرك مش فاكر
- اي دا انا طلعت قاسي و وحش اوي كدهه؟؟!
- لا انت مش وةحش متقولش علي نفسك كده
- بحبك
- ها
- هههه دايماً كده
- لا لا مش هتثبت المرادي برضوا زعلانه عشان زعقتلي قدام اصحابي
- و مين اللي كان السبب ؟
انا مش قولت قبل كده كذا مره ان الخمار ميقصرش و شعرك ميبانش
- يا محمد بيكون غصب عني انت عارفني مبحبش كده، كنت طالعه متأخره النهارده و كنت خايفه المحاضره تفوتني فلفيت الخمار بسرعه و طلعت علطول مركزتش اذا كان قصير و لا طويل و شعري كنت مدخلاه بس مش عارفه ماله بيطلع لوحده و الله ..
- مش فيه حاجه بتتلبس من تحت الخمار عشان متبينش الشعر كده؟
- اها البندانه بس و الله زي مقولتلك كده كنت طالعه متأخره فملحقتش اظبط حاجه ..
- بعد كده نخلي بالنا يست هانم و تفوتنا الف محاضره عادي و لا يفوتنا الامتحان كمان المهم اننا نطلع من البيت بالشكل اللي يرضي ربنا مفهوم؟
- حاضر و اوعدك انها اخر مره تتكرر
- بتمني كده
- انت كنت جاي ليه صح
- كنت جاي اخدك و نخرج سوا بقالنا كتير مخر جناش بسبب ضغط شغلي فـ مصدقت اني خدت يوم اجازه فقررت اني اقضيه معاكي
- الله بجد يلا بينا.. لحظه و احده قولت لبابا طيب؟
- هههه يبنتي انتي مراتي مراااتي افهمي بقا و مع ذالك قولتله يستي عشان متقلقيش .
حنين تقاطع البنت و تقول لها: هتروحي فين معلش لو كنت سمعت المكالمة غصب عني بس انا كدا من صغري بحب اسمع الحكايات ..
البنت/ و لا يهمك انا اصلل عاوزه احكي لحد .
و التليفون رجع رن تاني و كملت الحديث .
- معلش التليفون قفل، طيب جي و لا لاء، ماشي انا جي في الطريق و بعد كدا انا بقا مش عارفه اتعود علي فكرة انك بقيت جوزي احنا لسه كاتبين الكتاب من كام يوم فحساك لسه خطيبي ..
- هههههههه مشيها زي متمشيها المهم اني معاكي و خلاص
- بإحراج:طب ..
- لا ثواني
- اي؟
- اظبطي خمارك و طوليه اكتر من كده و متخليش شعرك يبان خالص عشان لو شوفت شعرايه وحده هـ
- لا لا و علي اي و لا نص شعري، و تقفل التليفون و تنظر اليه حنين، و شايفه الضحكه مرسومه علي و شها ،
حنين: خير ممكن تفرحيني معاكي .
و تحكي البنت الحكاية الي حنين،
- افتكرت كل ايامنا مع بعض من و قت ما اتعرف عليا و اتقدملي لحد اللحظه اللي زعقلي فيها بسبب قُصر الخمار..........
- يا آنسه انتي كويسه؟ قاعده ليه فـ الشارع كده! اي دا و بتعيطي كمان !
- مسحت دموعي بإيدي: مفيش انا كويسه
- كويسه ازاي بس انتي مش شايفه نفسك!
- بدموع و كأني و جدت من ابوح له/ خاني خاني مع صحبتي كنت اخر حاجه متوقعاها منهم اتبعتلي صوره ليهم سوا و كلام بينهم بس مصدقتش و قولت لا مستحيل دا اكيد فيك و متفبرق و حد عايز يوقع بينا و طنشت الموضوع عادي بعدها بنص ساعه اتبعتلي مسدج فيها عنوان كافيه و اني لازم اجي حالاً و اشوف اذا كان اللي اتبعتلي صح و لا غلط روحت و انا طول الطريق بدعي ربنا انه يكون غلط و تطلع مجرد تمثيليه او لعبه من حد قذر بيوقع بينا لكن الصدمه اني لقيتهم موجودين فعلاً زي مكانوا في الصوره و ساند راسه علي كتفها خلعت الدبله و رميتها علي و شه و قولتلهم انتوا اقذر اتنين دخلوا حياتي و مشيت و انا منهاره و مش عارفه اروح فين و لا قادره ارجع البيت اقولهم علي اللي حصل قعدت في الشارع لحد ما اهدأ شويه و افكر هقولهم ازاي..
- ممكن تسمحيلي اساعدك واقولهم انا ؟
- انت اي دخلك بس، لا انا هحاول اتصرف عشان الموضوع ميكبرش..
- اللي تحبيه بس اللي عايز اقولهولك انك، مش اول و لا اخر حد يحصل معاه كده و ان محصلش معاكي كده إلا لسبب و لحكمه معينه هتعرفيها بعدين ..
- بحزن: انا كل اللي و اجعني صحبتي اللي كانت اقرب حد ليا هونت عليها بالسهوله دي
- احمدي ربنا انه كشفهالك بدري و خلاكي تبعدي عنهم قبل مكنتي تتجوزيه و تكتشفي دا ساعتها الموضوع كان هيبقا صعب جدا
- فعلاً عندك حق الحمد لله علي كل حال و الحمد لله علي اللي يجيبه ربنا اكيد هيبقا خير لينا ما دام من عنده
- و نعم بالله.. ممكن اعرف اسم و الدك و عنوان بيتك
- ليه؟
- معلش هتعرفي بعدين
- في نفسي: ماله دا هو ليه مصر انه يساعدني ما خلاص يعم انا هعرف اتصرف انت شايفني صغيره
- يا انسه!
- اتفضل اهو ***** ****
بعد اذنك
- اتفضلي
روحت ملجأ الايتام لانه اكتر مكان برتاح فيه لما بكون مخنوقه او موجوعه من الدنيا بدخل منه ضعيفه و يائسه و م**وره بخرج كلي طاقه و تفائل بإن الجاي احسن بفضل الله
خرجت منه بعد تلات ساعات بعد ما لقيت اني قادره علي المواجهة من جديد
رجعت البيت عرفت ان فيه شخص قاعد مع بابا واكتشفت انه نفس الشخص اللي قابلني في الشارع وحكتله علي اللي حصلي
صدمتي بقا كانت انه متقدملي طبعاً ان هرفض بس كنت عايزه اعرف اي اللي خلاه عمل كده
غيرت هدومي ودخلت قابلته
- ممكن اعرف حضرتك جيت ليه؟
- رد واجب
- ازاي؟
- انتي كنتي نفس البنت اللي ساعدتيني اني اكتشف خيانة خطيبتي ليا
- اتصدمت: بتهزر؟؟؟؟؟!
- بوجع: ههه ههزر ليه، فاكره لما اتخانقتي مع صحبتك في الجامعه خناقه كبيره والناس فرقتكوا عن بعض ولما انا جيت فأخر الخناقه سألتك اي السبب وقولتيلي
- هي دي تبقا خطيبتك؟
- كانت
- يااااه الدنيا دي صغيرة اوي بجد
عالعموم انا مش عايزه رد واجب وان كنت ساعدتك زمان فدا ميدكش الحق انك تتقدملي
- انتي صدقتي و لا اي انا متقدملك عشان عايزك، مش رد واجب ولا حاجه
- واظن حضرتك عارف انا لسه طالعه من اي مش مكمله حاجه فبالطبيعي هرفض حتي لو كنت مين
- ادينا فرصه مش هتخسري حاجه احنا الاتنين عشنا نفس الحاجه ونفس الوجع ونفس الغدر ونفس الخيانه كمان
- ودا معناه اي!
- معناه ان ربنا وقعنا في طريق بعض عشان يعوضنا ببعض عن كل اللي شوفناه في حياتنا
- موافقه بس بشرط..
- وانا المُلبي لكل شروطك
- البس الخمار عشان اللي كان قبلك مكنش موافق علي كده واهلي قالولي لما تتخطبي الرأي ليّه
- موافق جداا انا اصلاً كنت ناوي علي كده معاكي وناوي كمان علي النقاب بإذن الله
- شكرااااا
- بإبتسامه: الشكر لله
اتخطبنا شهرين ملتزمين بضوابط الخطوبه وبعدها كتبنا كتابنا...
لقيت دموعي نازله لوحدها بعد ما سمعت المؤذون وهو بيقول بارك الله لكما وبارك عليكما وجمعا بينكم في خير
- مب**ك عليا انتي يا اجمل رزق رزقني بيه ربنا في الدنيا
- ب**وف: تسلم
- بإبتسامه: اي الطماطم اللي ظهرت فجأه في خدودك دي
- دا لما بت**ف بس
- وحد يت**ف من زوجه قرة عينه برضوا
اتخضيت من رنة تلفوني وابتسمت اول ما لقيته هو اللي بيتصل
- السلام عليكم
- عليكم السلام ورحمة الله وبركاته
- انتي فين ينور؟ انتي كويسه؟ اتأخرتي ليه كده؟ خضتيني عليكي
- بأبتسامه: انا كويسه متقلقش وجايه حالاً.
حنين:ربنا يخليكم لبعض .
البنت: ربنا يخليكي عارفه انا استريحت معاكي اوي و كمان خطيبي كل ما اروح مشوار بيكون قلقان عليا بس لما يعرف اني في واحدة هي الي بتسوق مش واحد هيسبني براحتي ممكن رقم تلفونك .
حنين: اكيد طبعا، اتفضلي....
و تنزل البنت و حنين سعيده و لكن تفتكر ابوها عبد الرحمن و تقول: رُحت فين يا بابا و سبتني كان نفسي تكون معايا و اكون عارفه فين طريق حد لو ميت، يلا اروح اجيب اكل و ارجع لامي، و تذهب الي المطعم لتحضر طعام و تجد ولد و بنت يطالبون الصعود الي السيارة و بلفعل صعد وهم في الطريق يبدأو بحورا و بالطبع حنين تسمع لهم.
- ممكن تديني سبب مُقنع للبُعد دا؟!
- عادي مفيش سبب.
- ازاي مفيش سبب؟ مهو انت اكيد مصحتش من النوم لقيت نفسك بتكرهني وعايز تبعد عني كده! .. اتكلم يا احمد
- بصراحه يخلود انا مش شايفك مناسبه خالص.
- و ضح كلامك مش شايفني مناسبه ازاي يعني؟
- مش انتي الزوجه الـ بتمناها، و لا انتي الـ هقدر اديها اسمي و اسبلها بيتي و عيالي، هتصونيني ازاي و انتي مع أول فرصه جاتلك مقولتيش لا، و مع أول محاوله مني و افقتي علي صحوبيتنا علطول، مفيش مره طلبت منك صور و اعترضتي و غير الصور، كنت بتمني قبل ما اطلب منك اي حاجه ترفضي و تقولي لا لكن للأسف مكنتش بلاقي منك غير موافقه و قبول و كأني زوجك مش صحبك
بدموع: كنت بوافق لأني بحبك و واثقه فيك و مش عايزه ازعلك..
- هههه و زعل ربنا فين؟ و لا اهلك حتي الـ مفكرتيش فيهم، دا انتي عمرك ما جيتي قولتيلي انا حاسه بالندم اني بكلمك او انا خايفه او اي حاجه من كده
- بوجع: اومال ليه مكمل معايا دا كله و انتي شايفني و حشه اوي كده؟
- كُنت بحاول الاقي حاجه كويسه فيكي اتمسك بيها و اتحدي بيها نفسي الـ دايماً بتوسوسلي انك متنفعيش زوجه بس للأسف ملقتش و نفسي هي الـ **بت فقررت اني ابعد
- و حُبك ليا!
- هدوس علي قلبي قبل ما ربنا يدوس عليه و يطلع في صحتي و مستقبلي، بتمني متزعليش مني انا عارف انه صعب بس انا و اثق انك هتسامحيني فيوم من الايام لما تتغيري و تعرفي ان علاقتنا دي كانت غلط، مع السلامه و قبل السلام نصيحتي ليكي حافظي علي نفسك و علي قلبك متسلمهوش غير للي يدخل يشتريه من مكانه الأساسي و متدهوش غير للي يكون دافع حُب كتير مقابل انه ياخده، متفتحيش الباب للي مجرد بيحاول سبيه مقفول لحد ما يوصل الـ معاه مفتاحه بعدين دخليه، مش كُل الفرص هتكون نصيبنا، النصيب متشال و بييجي من غير محاولات .. سلام .
و يطلب الولد و قوف السيارة و حنين تستمع و تقف السيارة و ينزل الولد و يترك البنت تكلم نفسها ..
- دا احمد الـ مبعديش يومي غير لما اكلمه وا سمع صوته.
حنين/ معلش ربنا يد*كي اللي احسن منه إن شاء الله.
البنت و هي منهارة/ اتعرفنا علي بعض من سنتين و قربنا اكتر و بقينا حبايب لا بل أصبح حُبي الأول الذي كُنت أري جمال الحياه به، و عدني ب الجواز و قالي انه بيحبني كتير و انه مستحيل ي بعد عني و انه عمره ما هيخذلني و لا ي**ر قلبي و كان بيناديني بنته مش حبيبته كُنت شايفاه كُل حاجه فدنيتي جيت فيوم طلبت منه ييجي يتقدملي قالي هرد عليكي بعد كام يوم و الرد كان! كان البُعد! و السبب كان! كان اني رخصت نفسي و بعتها بالرخيص شاف حُبي ليه رخص مش هدعي عليه و لا هكرهه لانه عنده حق في كل كلمه قالهالي، لو حد غلطان فهيكون انا، انا الـ بعت نفسي و انا الـ غضبت ربنا مني و خونت ثقته فيا و ثقة اهلي فمزعلتش بالبُعد لاني أستاهله أستاهل و جع قلبي و **رته استاهل أكتر من كده كمان.
حنين/ يا حببتي اهدي فكرت فا لحل اي علشان تاصلح **ر قلبي و ارضي ربنا ملقتش غير قربه منه فبدئت اقرب منه و اعلق قلبي بيه و اترجاه يسامحني و يغفرلي و يسدد خطا يا يا و يرزقني بالزوج الصالح الـ يتقي ربنا فيا و يصون قلبي و مي**رهوش .
و تذهب البنت و هي مقتنعة بكلام حنين و تطلب منها رقم التليفون و ترجع حنين الي امها بالطعام .
حنين/ يا ماما تعالي انا جبت الأكل اهو تعالي علشان ناكل مع بعض .
حنان/ يا حبيبتي ربنا يخليكي ليا يارب .
حنين/ يلا علشان هنزل تاني .
حنان/ ربنا معاكي يارب.
و تعدي الايام علي ده الحال و حنين كل يوم تنزل تستمع حكاية الناس و هي مبسوطة بكدا و فيوم تلاقي و احدة منتقب توقف السيارة ، و تركب البنت و تنظر الي حنين.
حنين / في حاجة .
البنت / انتي مش فكراني .
حنين/ مين انا اعرفك قبل كدا .
البنت/ انا ركبت العربية من شهرين كدا و كنت بتخانق مع و حد علشان كان عاوز يسبني علشان كنت مش برفض اي طلب يطلب مني.
حنين/ اه افتكرتك طبعا بسم الله ما شاء الله انتي لبستي النقاب،ربنا يهدينا كلنا.
البنت/ مش كدا و بس و مُعلمة قرآن و أحياناً بدي دروس دينيه مكنتش مُتخيله اني فيوم ابقا كده و لا عمري فكرت في كده بس سبحانه يهدي من يشاء و ما كُنا لنهتدي لهذا لولا أن هدانا.
النهاردة بالتحديد حفلة تكريم ليا لفوزي بالمركز الأول في مسابقة القرآن الكريم
حنين/ الله اكبر عليك هو في كده بسم الله ما شاء الله في الفتره الصغيره دي
البنت/ مش كده وبس الجهاز الفزت بها كانت الجايزه عُمره انا لما سمعت كده اغمي عليا من الفرحه يااااه علي الأحساس و قتها..
- Writer
