الفصل الرابع
2410 Words
- حاشاه أن يُرد عبد لجأ له، و طلب منه العفو فتالله إنه ينتظرك و ستقام لكي حفله في السماء بين الملائكه من اجل توبتك و رجوعك لله
بنيه صادقه و ركعتين توبه و كام دعوه حلوه و وعد صغير بينك و بين ربنا انك هتتركي كل ما يغضبه حتي تنولي رضاه
- بدموع/ انا بحبك اوي يرحمه
- و انا كمان يقلب رحمه و عشان بحبك فخايفه عليكي من عذاب الله إلا غضب الله ينور إلا جعله أهون الناظرين إلينا مش هنستحمل نظرة غضب منه يوم القيامه
ف عشااااان بحبك عايزه نكون سوا فالفردوس الاعلي بإذن الله،
اوعديني انك تنهي علاقتك بيه و تعلقي قلبك بخالق القلوب فقط.
- اوعدك يا تحويشة عمري.
- يااااه و الله مفتقده منك الاسم دا اوي
بحبك يرفيقة دربي ........
وانا كمان ي تحويشة عمري..
البنت: ايه ده؟ انتو بتحبو بعض اوي كدا؟
التاني: طبعًا ادي يا ستي حكتلك عملت ايه مع اصحابي النهارده اي خدمة، يلا علشان و صلنا اتفضلي الأُجرة يا آنسة.
تأخذ حنين الاُجرة من أيدي البنت و تنظر الي امها و هي مبتسمة: ايه رأيك يا ست ماما.
ام حنين: طبعًا انتي اللي عاوزه ده .
حنين: و الله أنا بسمع بس عمري ما حكيت لحد اللي بسمعه، ده كمان في ناس بتتصل بيا علشان تفضفض معايا.
ام حنين: عارفه...، ابوكي هو اللي كبّر فيكي الموضوع ده .
حنين: إزاي يا ست ماما؟
ام حنين: من صغرك و هو معودك علي كدا كل ما يسمع حكاية يجي يقولهالك، ربنا يرجعو بالسلامة يارب٠
حنين: لسة عندك امل إن هو يرجع؟
ام حنين: إن شاء الله هيرجع.
حنين: يارب يا ماما يارب.
و وصل حنين و حنان الي بعض محلات الجملة، و اخذت بعض الملابس للتجاره فيها و ذهبت و رجعت حنين ووالدتها إلى البيت، و كانت مُتعبة جدا و ذهبت إلى النوم و كانت تحلم بوالدها...
بابا انت رجعت امتي؟
- انا موجود علي طول معاكي عمري ما غبت يوم عنك ي قطعة من قلبي .
حنين: عاوزه أعرف أنت فين يا بابا.
و تفيق حنين مفزوعة، و تقول: يا بابا يا بابا.
ام حنين و هي مسرعة الي الغرفة: في ايه يا حبيبتي بسم الله الرحمـٰن الرحيم في ايه؟!
حنين:مفيش حاجة يا ماما اطمني، بس كنت بحلم .
ام حنين: خير يا بنتي، خير اللهم اجعله خير .
حنين: هي الساعة كام؟
ام حنين: الساعة لسة 7.
حنين: طيب اقوم ادخل الحمام علشان انزل.
ام حنين: و انا هجهزلك الفطار بسرعة .
و تنزل حنين و هي علي السلم التليفون يرن و تجد واحده .
حنين ترد عا لمكالمة: الوووو .
البنت: ممكن اتكلم معاكي شويه أنا سمعت عنك و انا محتاجة حد يسمعني..
حنين: و انا تحت أمرك فين مكانك و انا اجي اخدك.
و تعطي البنت العنوان الي حنين و تذهب حنين.
اتفضلي يا حبيبتي كل آذان صاغية.
البنت: انا حكايتي بدأت من يوم ما جدي أجبرني علي الجواز .
- مسمعش حس حد منيكم قولت أمنيه هتتجوز سالم و لد عمها الخميس الجاي و خولص الكلام.
- بعياط: شوفتي جدي يماما عايز يجوزني غصب عني
- معلش يبتي جدك عايز مصلحتك و سالم و لد عمك دا زينة الشباب كلاتها و ألف مين يتمناه
- بحزن: بس أنا معرفوش يماما و خايفه يطلع مش الشخص المناسب و لا الزوج اللي بتمناه
- لا يقلب امك من الناحيه دي اطمني دا انا كان عيني من زمان اجوزك ليه من قبل ما تسافري و لفت السنين و رجعتي لبلدك و جدك هو اللي امر بزواجك منيه متقلقيش يضنايا سالم هيشيلك في حباب عنيه
- بإستسلام: اللي فيه الخير يقدمه ربنا يماما عن اذنك هدخل اوضتي اصلي العشاء و ارتاح لأني تعبانه من السفر
- حمدل علي سلامتك ينور عيني البلد نورت برجوعك يبتي
ابتسمت لمامتها و دخلت الاوضه...
- صلت العشاء و ظلت تدعي ربها و هي جالسه علي المصليه .. يارب انا و اثقه فيك و فأختياراتك ليا و عمري ما خوفت و لا اعترضت علي حاجه لأني عارفه، و متأكده انك دايماً بتختارلي الخير، و الاحسن ليا؛ فيارب لو كان زواجي منه خير قربه ليا،و ان كان شر اصرفه عني و قدر لي الخير حيث كان ثم ارضني به يارب العالمين
عدت الايام، و جه يوم الخميس و اتكتب كتابهم و اتجوزوا.
- اي يا مرات عمي مش هتوريني عروستي بقا و لا ايه
- حاضر يولدي.. تعالي يا امنيه اقعدي مع جوزك
- انتفضت من فكرة انه خلاص بقا جوزي و هقعد معاه لوحدنا و انا معرفوش و لا عمري شوفته من سنيين بسبب اني لسه راجعه البلد دخلت و قعدت و انا متوتره و قلقانه انه يطلع مش الشخص اللي بتمناه خصوصاً اني بسمع عن الصعايده انهم مقفلين و كلام كتييير بس مش عارفه اي شعور الارتياح اللي انا حاسه بيه من اول ما دخلت
- و بعدهالك عاد هتفضلي باصه في الارض اكده لحد ميتا
رفعت رأسي و انا م**وفه اوي يظهر اني نسيت نفسي و سرحت كتير
- اللهم صلي علي النبي اي لهطة القشطه اللي قاعده قدامي دي
- ابتسمت و رجعت بصيت للارض تاني
- انا عارف انك خجلانه مني، و عندك حق انتي اول مره تشوفيني، و فجأه اكده بقيتي مرتي انا مقدر كل دا و مش هغصب عليكي في حاجه لحد ما تعرفيني كويس، و تأخدي عليا بس خليكي متأكده اني هصونك و هتقي ربنا فيكي و عمري ما هزعلك و اصل عن اذنك هدخل انام عشان عندي شغل بكره العشا عندك في المطبخ لو كنتي عايزه تأكلي و طبعاً البيت بيتك اعتبريني انا الغريب هنا و لو احتاجتي حاجه قوليلي و انا تحت امرك فوتك بعافيه يا حرمي المصون.
فرحت اوي رغم اني مبحكمش علي حد من اول مره و لا من اول تعامل الا اني حسيت ان دا مختلف عن الكل قد اي حسيت بالأمان اللي اتحرمت منه زمان و هو بيتكلم معايا قد اي حسيت اني مبسوطه اوي جريت اتوضيت و صليت ركعتين شكر لله علي عطائه ليا و دعيته يحفظه ليا و يباركلي فيه و يكون الشخص الملتزم اللي بتمناه و قومت نمت.
- امنيه يا امنيه اصحي يلا
- فتحت عيني و اتخضيت لما لقيته قدامي بعد دقايق استوعبت انا فين و هو مين لقيته بيبتسملي و بيقولي يلا عشان صلاة الفجر متفوتناش النهارده بس هصلي بيكي لأني كان نفسي من زمان اني اصلي بزوجتي الفجر اول يوم ليها في بيتي و بعد كده هصلي فالجامع و انتي تصلي هنا في البيت و لما ارجع نقرأ و رد القرآن والاذكار سوا اتفقنا؟
مقدرتش اعبر عن شعوري بأي حاجه غير اني قومت حضنته و بأعلي صوتي قولت شكراً يارب
- ب**وف: احم اسفه و الله بس الفرحه اخدتني
- بإبتسامه: متتأسفيش يا امنيه انا جوزك مش حد غريب بس ممكن اعرف اي سبب الفرحه و الدموع اللي في عيونك دي.
- بدموع و إبتسامه: انا و اثقه في ربنا بس مكنتش متخيله ان ربنا هيستجبلي و يجعل اللي بتمناه حقيقه كده طول عمري كنت بتمني من ربنا انه يرزقني بزوج ملتزم و يكون إمامي و حنين و يتقي ربنا فيا و يسعدني و الحمد لله رزقني بيك انا مبسوطه اوووي يسالم.
- بإبتسامه و حب: تصدقي انا حبيت اسمي بعد ما كنت معقد منه طالع منك زي العسل يا امنيتي.
ات**ف و خبيت و شي بإيدي لقيته شال ايدي من علي و شي و بصلي في عيني و قالي مش لوحدك اللي كنتي بتتمني كده لو انتي فرحانه عشان ربنا استجبلك فأنا فرحتي اضعاف..
- ربنا يديمك ليا خير زوج و رفيق..
- و يديمك ليا يا اغلي من الياقوت..
- اها صحيح انا لاحظت انك مبتتكلمش صعيدي كتير..
- هههه اقولك علي سر انا كنت مسافر بره في نفس البلد اللي كنتي فيها من اول ما عرفت انك سافرتي مقدرتش اقعد في البلد من غيرك كنت بتابعك من بعيد لبعيد تقدري تقولي كنت براقبك او البود يقرد بتاعك و أول ما عرفت من جدي انك راجعه حجزت و نزلت في نفس طيارتك و لان جدي كان عارف من زمان اني بحبك و سافرت علشانك مترددش لحظه انه يزوجنا لبعض و فأقرب و قت قبل ما تسافري تاني..
- بصدمه: دا انا كنت مغفله بقا..
- هههه مش بالظبط كده بس انتي كان كل تركيزك في دراستك و منحتك عالعموم انا مبسوط اكتر منك بأضعاف يا امنيه و دلوقتي حضرتك هتتعاقبي..
بأستغراب: انا ليه؟
- لأنك اخرتينا علي صلاة الفجر يست هانم..
- اهاا صحيح الفجر اما اقوم اتوضا بقا بص فوريره هتلقيني قدامك سلام يقرة....
و عاشت سعيدة فترة طويلة اوي و كانت مبسوطة بس الحمل اتأخر قالتلو اروح اكشف الصراحة هو رفض بس بعد كدا، قال براحتك و رحن كشفت و لقيت اني مبخلفش الدكتور قال الرحم بتاعي طفولي مش هينفع اخلف و اتصلت بيكي ممكن الاقي حل قبل ما اروح مش عارفه اعمل ايه؟! ....
حنين: بصي طالما بيحبك اوي كدا عمره ما هيسيبك ارجعي بيتك و قوليلو علي كل حاجة و هو اللي ليه الإختيار ..
البنت: انتي رأيك كدا .
حنين: ايوة و أنتي هتكوني سعيده باختياره علشان بتحبيه.
البنت: شكرًا أنا مش عارفه لو ماتكلمتش مع حد كان ممكن يجرالي حاجة، شكرا بجد ...
حنين: ربنا يهد*كي للصواب ان شاء الله جوزك هيلاقي حل وإن شاء الله هتملي البيت عيال.
البنت: يا رب يا حبيبتي ....
حنين توصل البنت إلي البيت، و ترجع البنت إلي البيت وتجد زوجها
زوج البنت: طمنيني عملتي ايه؟
البنت وهي تضع وجهها في الأرض: انا مش بخلف .
ويضحك زوج البنت، وتنظر إليه زوجته باستغراب! وتقول له: بتضحك ليه؟! ٠
الزوج ينظر إليها و هو مبتسم و يقول: اصل أنا برضو رحت كشفت والدكتور قال إني مش بخلف.
البنت: أنت بتقول كدا علشان ما تحرجنيش صح؟
الزوج: الأوراق كلها اهي انا كنت جاي وناوي أطلق بس الحمد الله هنعيش مع بعض علي طول .
البنت: وانا كنت ناوية مش هرجع تاني هنا، بس الحمد لله نصيحة حنين جت بفايدة..
و ترجع حنين إلى المنزل و كانت مُتعبة جدا و تقول لها أُمها: اجهزلك الغدا ي حبيبتي.
حنين: لا يا ماما انا جايبة أكل معايا.
ام حنين: طيب مالك، من ساعة ما دخلتي وأنتي شكلك متغير..
حنين: لا يا ماما بس سمعت حكاية مأثرة فيا شوية.
ام حنين: في ايه يا حبيبتي؟، أنتي طول عمرك بتسمعي الحكايات، اشمعنا الحكاية دي ..
حنين: مش عارفه في ايه يا ماما، المهم يلا علشان ناكل ..
ام حنين: هتنزلي بعد الاكل؟
حنين: هنام شوية، وانزل.
و دخلت حنين غرفتها و بدأت بالتقليب في الهاتف المحمول، حتي دخلت في النوم العميق.
و في اليوم التالي تنزل إلى الشغل ، و تجد رجل عجوز جدا يطلب منها الوقوف، وتنزل حنين مُسرعة و تمسك بيد الرجل، ليركب السيارة، و لكن كان شكله غريب جداً، و قلبها لا يطمئن، و يطلب منها تذهب إلى مكان و لكن هي لا تعرفه.
قال لها: يا بنتي معلش وديني اد*كي شايفة انا مش قادر امشي .
حنين: انا هود*ك لأقرب مكان.
و تنظر حنين إلى الرجل و تجده يُخرج سلاح من ملابسه ، و يتحول من رجل عجوز لا يستطيع الوقوف إلى شاب صغير، و تصرخ حنين.
و يقول لها: لو و قفتي العربية هخلص عليكي.
و لكن كان يوجد سيارة خلف حنين، و كان سائق السيارة يعرف حنين، و بدأ بمطاردت حنين، و لكن الرجل يطلب منها السرعة، و هي لا تقدر أن تفعل شي، و لكن لحسن الحظ حنين كان تضع معها في السيارة زجاجة برفان ، و تمسك بيها و ترش البرفان علي عينيه، و هو يغمض عينه و يصرخ، و توقف حنين السيارة، و يسرع اليها السائق، و لكن الرجل يخرج من السيارة و يهرب.
السائق: انتي كويسة، تحبي ارجعك البيت ..
حنين: الحمد لله انا كويسة، مفيش حاجة انا هرجع الشغل .
السائق: طيب خلي بالك من نفسك.
حنين: خيرا إن شاء الله.
و تليفون حنين يرن، و كانت زبونة ذهبت إليها، و كانت حنين متعصبة جدا و تقول: حسبي الله و نعم الوكيل.
الزبون: مالك بس في ايه صلي على محمد..
حنين: عليه الصلاة و السلام، دلوقتي متعمليش خيرا في الزمان ده! كل ما تعملي خير بينقلب شر ..
الزبون: و انا اللي قلت هتصل بحنين علشان احكيلها اللي جرالي، الاقيكي انتي كدا، بصي يا حنين و الله ربنا بياخد حق المظلوم و لو بعد حين.
حنين: و نعم بالله ، ايه حكايتك كلي آذان صاغية ..
الزبون بصي يا ستت.
انتي متفقة، معايا ان السلايف عقارب!
حنين: هههههههه و الله معرفش مجربتش ..
انا اكتر و احده اتأذيت من السلايف، انا عُلا عندي 22سنة اتجوزت في بيت عيلة و كنت اول الزواج مبسوطه اوي، الصراحه حماتي كانت طيبه بس.... الحلو ميكملش
كانت اول ما ييجي حد من بناتها، البيت بينقلب دايما يقولو ، هي مش منظفه البيت ، الاكل بتاعها مش حلو، و كانت حماتي كل مرة ييجو يزرونا نتخانق، و حكيت لزوجي قال: بصي هما بيجوا ساعتين، استحملي اي حاجة هتحصل فيها علشان المشاكل ودول اخواتي، مش معقولة هقولهم متجوش .
و صراحه عجبني كلامه.
و قلت لنفسي: انا مرضاش لو رحت بيت اهلي حاجة زي كدا تحصل من اخويا، يقول اي كلمه متعجبنيش! و بالفعل كل ما ييجوا مش بسمع اي حاجة يقولوها، و طبعاً بكون زي ا****ر بشتغل لحد ما اتعب، و هما يمشوا، و انا اراضي حماتي بكلمتين، و نفضل كويسين لحد ما ييجوا تاني.
و في يوم بصيت لقيت سلفتي جاية ومعاها شنطة كبيرة، الصراحه أول ما شفتها قلبي وقف للحظات، و لقيتها بتعيط؟ و تقول جوزي طلقني، بصراحه صعبت عليا، و رحت و حضنتها و قلتلها كل حاجة هتتحل إن شاء الله، و عدا اكتر من شهر، و هي في الاوضه بتاعتها مش بتخرج خالص.
و انا كنت بوديلها الأكل لحد الاوضه، و اتحايل عليها لحد ما تاكل.
و بدأت المشاكل بجد يوم ما خرجت، و قعدت مع امها و كل شوية تقول لحماتي علي حاجة تخليها تتخانق معايا، كنت عايشه خدامه، و كنت كل ما اخلص شغل البيت تبهدل البيت تاني علشان زوجي لما يرجع يلاقي البيت مبهدل، و دايما يتخانق معايا
و يقول: انتي مكنتيش كدا بس لم جت اختي عاندتي فيها و البيت مش مرتب خالص.
انا مقولتش حاجة، علشان عارفه لو حكيت مهما ان حكيت مش هيهتم، علشان هو كان متعاطف مع اخته قوي.
و انا بقيت استحمل كل الإهانات،
لحد ما في يوم، كنت نايمه أنا و زوجي لقيتها جاية تنام وسطنا و بتقول انا خايفه!
و جوزي قال: نامي معاها، و انا هروح أنام برا ..
اول ما خرج بصيت لقيت دي رمتني علي الارض، و نامت هي علي السرير.
و فضلنا كدا أنا انام مع اخته، و هو ينام برا..
و فيوم دخلت الاوضة بتاعتي لقيتها مليانة ورد و شموع ! و هي بتقول انا بنام معاكي من فترة و اكيد انتي اخويا وحشك.
و انا عملت كدا علشان تقعدي مع اخويا و قت حلو.
انا استغرابت قوي! بس هي كلامها صح..
و انا بالفعل كنت مشتاقة علي جوزي اوي، و كانت ليلة حلوة و في الصبح لقيتها بتندهلي.
و تقول: تعالي اف*جك علي حاجة؟ و دخلت معاها و لقيتها مصوراني انا وجوزي بس وش جوزي مش باين خالص! انا اتعصبت اوي و شديتها من شعرها و هي بتضحك.
- Writer
