Matapos nang mainit nilang paghahalikan, agad siyang ikinulong ng binata sa mga bisig nito. Damang-dama niya ang init ng katawan nito na bumabalot sa kaniyang katawan at rinig na rinig niya ang malakas na pagpintig ng puso nito. Para iyong musika sa kaniyang pandinig na kay sarap pakinggan.
“Babe, sorry if I left you five years ago,” umpisa niya habang magkayakap sila nito sa ilalim ng mga bituin.
“Shhh, I don’t want to talk about it. Masasaktan lang tayong pareho kapag binalikan pa natin ang bagay na tapos na,” tugon naman nito sa kaniya.
Kumalas siya mula sa pagyayakapan nila at tiningala ang kaniyang kasintahan. Kahit malamlam ang ilaw sa kanilang paligid, nabanaag pa rin niya ang malungkot nitong mga mata. Alam niya kahit hindi ito magsalita, nasasaktan pa rin ito sa nangyari noon s
