Ilang lingo nang nagtatrabaho bilang Police Inspector si Jeffrey malapit sa kanilang bayan, kung saan siya itinalaga. Maayos naman ang lugar kung saan siya na-assign at hindi siya hirap sa kaniyang uuwian. Nakapag-rent kasi siya ng apartment malapit sa tinutuluyan ni Rex. In-offer naman ng kaniyang kaibigan ang apartment nito, ngunit tumanggi siya dahil na rin sa hiya. Isa pa, ayaw niyang ma-involve sa kasikatan ng kaniyang kaibigan, kaya mas pinili na lang niyang hindi tanggapin ang offer nito.
Tahimik at maayos naman ang lugar kung saan siya tumutuloy, at may sariling gate ang bawat pintuan ng apartment na naroon. Malapad din ang kalye kung saan kasya ang dalawang sasakyan na dumaraan doon. Bago ka makapasok sa kaniyang apartment, maaamoy ang nakatatakam na amoy ng mga tinapay na nagmum
