NIKAY
Hindi ako makatulog. Kanina pa ako nakatingin sa kisame. Siguro dahil namamahay ako. Nasanay na ako sa apartment ko sa Paris kaya naninibago ako na nasa ibang bahay ako.
Tumagilid ako ng higa para balingan si Nathalia na mahimbing ng natutulog. Naaawa ako rito dahil wala ang ina nito sa tabi nito. Pero mukhang nasanay na siya na hindi nakikita ang mommy niya. Hindi nga niya hinahanap e.
Marahan akong bumangon para hindi ito magising. Baka sakaling makatulog ako kapag uminom ako ng gatas. Lumabas ako ng silid at bumaba. Tinungo ko ang kusina at naghanap ng gatas. May nakita akong soya milk kaya ito na lang ang iinumin ko.
Naupo ako at nagsalin ng gatas sa baso. Ilang lagok pa lang ang nagagawa ko ay may nahagip ang mata ko na may pumasok sa kusina. Nang sulyapan ko ay si Thadd
