NIKAY
Nang makita niya ako ay saka siya tumuwid ng tayo. Akma siyang hahakbang palapit sa akin pero inunahan ko na siya. Malalaki ang hakbang na lumapit ako sa kanya at hindi ko na hinayaan magsalita dahil agad ko itong hinawakan sa kamay at hinila para umalis sa harap ng sasakyan.
Pinagbuksan niya ako ng pintuan sa front seat. Pagkapasok ko ay kinausap niya si Karina. Siguro ay nagpresinta siyang ihatid ito pero tumanggi ang kaibigan ko base sa nakita kong pag-iling nito. At sa pagmamadali kong makaalis ay hindi ko na nagawang magpaalam kay Kari.
"Nakakahiya!" gigil na sabi ko ng umandar na ang sasakyan.
"Why?" maang-maangan na tanong nito.
"Alam mo bang gamit ang megaphone ay hinanap ako sa gym?" reklamo ko rito. Para malaman na rin niya na siya ang dahilan kung bakit hiyang-hiya
