NIKAY
Dinaanan muna namin si Karina sa bahay. Nasa labas na ito at hinihintay kami. Bababa sana ako para sa gitna si Kari pero pinigilan naman ako nito. Ako na lang daw sa gitna at sa likod ko naman siya uupo. Wala na akong nagawa kundi sumiksik pa kay Kuya Kenneth.
Paglabas namin ng subdivision ay maraming motorsiklo ang nakita ko. Baka ito ang mga kasama at kaibigang riders ni Kuya Kenneth. Sa tantiya ko ay higit sa sampu ang mga kasama namin. Bukod pa ang mga kanya-kanyang angkas ng mga ito.
Lumapit ang isang matangkad na lalaki sa amin. At kahit hindi nito tanggalin ang helmet, malinaw kong nakikita ang gwapo nitong mukha.
"Siya na ba, bro?" turo niya sa akin.
Nagsalubong ang kilay ko. Medyo nahihiya ako dahil halos lahat sila ay nakatingin sa akin. Baka nasobrahan naman yata a
